బ్రతుకు పాట

 ఎ సామ్ ఆఫ్ లైఫ్

హెన్రీ వాడ్స్‌వర్త్ లాంగ్ ఫెలో

(A Psalm of life...

H.W. Longfellow........)

బ్రతుకు పాట 

జీవిత ఒక ఖాళీ స్వప్నం అని 

దుఃఖం నిండిన సందర్భాల్లో 

నాకు చెప్పవద్దు 

నిద్రలోకి దిగిన ఆత్మ చచ్చిపోయింది 

పరిస్థితులు  ఏవీ కనిపించినట్టుగా 

ఉండడం లేదు 

జీవితం వాస్తవమైనది 

ఎంతో విలువైనది 

స్మశానానికి చేరుకోవడం దాని లక్ష్యం కాదు 

నువ్వు దుమ్ములోకే తిరిగి కలవాలి, కానీ 

అది అలా నీ ఆత్మ కోసం ఎక్కడా చెప్పబడలేదు 

విలాసాలు లేవు 

విచారమూ లేదు 

మనదారికి అవి ఏమీ ముగింపు కాదు 

అవి మన దారే కాదు 

కానీ చేతల్లో....

నిన్నటికన్నా ఈరోజు ఎంత దూరం

ముందుకు ప్రయాణించేమనేదే.....

కళ శాశ్వతమైనది 

ఉన్న సమయం మాత్రం తరిగిపోతోంది 

ఇంక మన గుండెలు ఎంత దిటవుగా ఉండినా సరే 

శవయాత్ర ముందు మ్రోగుతున్న డప్పు లాగే  కొట్టుకుంటూ వున్నాయి

 

ప్రపంచం లోని విశాలమైన యుద్ధ రంగంలో

ఈ జీవితపు క్షణ కాల మజిలీలో 

నోరులేని వాడివిగా ఉండకు 

తోలుకెళుతున్న పశువులాగా ఉండకు 

నిత్యం యుద్ధం చేస్తున్న నాయకుడిలాగే ఉండు 

భవిష్యత్తుని నమ్మకు 

అది ఎంత ఆహ్లాదంగా ఉన్నప్పటికీ 

చచ్చిపోయిన గతాన్ని తనని తాను 

మట్టి చేసుకోనీ 

జీవిస్తున్న వాస్తవంలోనే కార్యాచరణ కానివ్వు 

హృదయం పెట్టు అన్నింటా 

ఇక పైన భగవంతుడున్నాడు 

గొప్పవారి జీవితాలు మనకు గుర్తుచేసేది 

మన జీవితాలను మనం అత్యుత్తమమైనవిగా చేసుకొమ్మనే......

మరి వెళ్ళిపోయేటప్పుడు మన వెనుక 

కాలం ఇసుక తిన్నెల్లో మన అడుగుల గుర్తులు 

వదిలి వెళ్లాలని 

కాలి గుర్తులు, అవి బహుశా నట్ట నడి సముద్రపు 

 అతి భయంకరమైన గొప్పదైన రూపం నుండీ బయటపడిన నావికుడు __

అందరిచేతా తృణీకరించబడ్డ 

తాను ప్రయాణించిన నౌక  చిధ్రమైన ఒక సోదరుడు

వాటిని చూసి మరలా బ్రతుకు దారి పట్టవచ్చు 

మళ్ళీ మనం లేచి నిలబడాలి 

ఎటువంటి సంక్షోభం లో నైనా నిలబడే దమ్ముతో 

ఇంకా ఎప్పటికీ గెలుస్తూనే ఉండాలి 

ఎప్పటికీ ఈనీతిని అనుసరిస్తూనే ఉండాలి 

శ్రమ పడ్డం ఎలాగో నేర్చుకోవాలి 

నిరీక్షించడం కూడా నేర్చుకోవాలి ....

తెలుగు అనువాదం: 

P. సింహాద్రమ్మ