శ్రద్ధ సూత్రం
మన ప్రేమ గమ్యాన్ని చేరుకుంటుందో లేదో కానీ
ప్రయాణం మాత్రం సాఫీగా సాగిపోతుంది
మన ప్రేమ వృక్షం యెన్నటికీ వాడిపోదు
శ్రద్ధగా యెరువు వేసి నీరు పెడతావు నువ్వు
శ్రద్ధ సూత్రం నీకు బాగా తెలుసు.
************
జాణ తనం
సమాధానం దొరకని కుతూహలం నువ్వు
గాఢంగా కోరుకునే తెలివి తక్కువ దాన్ని కాదు నేను.
దేనినైనా గట్టిగా పట్టుకుంటే ఉక్కిరి బిక్కిరై
సందు వెతుక్కుంటుంది అని తెలుసు.
నువ్వు లభించే భాగ్యం కొరకే అబ్బింది యీ జాణ తనం.
#జాణతనం #శ్రద్ధసూత్రం #వనజతాతినేని #vanajatatineni #vanajavanamali
కలహం - వనజ తాతినేని
మన అహాన్ని ప్రక్షాళనం చేయడానికే కలహం వస్తుంది
ప్రేమలో మలినాలు వుండకూడదు
అప్పుడప్పుడు ఉత్తుత్తి గా కలహించుకుందాం రావోయ్!
నీ ఔన్నత్యంలోని రహస్యం నాకు తెలుసులే!
**********
అద్దంలో చందమామ -వనజ తాతినేని
ఇవాల్టి కలహం రంగు ఏమిటో.. అని యోచిస్తున్నా
ఆ పొడవు జుట్టు స్త్రీ యెందుకు నిన్ను పదే పదే చూస్తుంది
మతిమాలి మత్తు నవ్వు రువ్వావా యేమిటి?
నీకు కావలి కాయలేక డస్సిపోతున్నాననుకో
నువ్వు అద్దంలో చందమామవి అని వారికి తెలియదు లే!
చిత్రాలు :Meta AI సహకారంతో.
అమావాస్య చీకటి
కలువ పూలు హంసలు చెరువులో తేలుతున్నారు. వాటితో పాటు చందమామ
కూడా! ఒడ్డున కూర్చున్న నేను.
అకస్మాత్తుగా నాలో వున్న చిన్న పిల్ల వెక్కివెక్కి ఏడ్చింది
నా చందమామ తో నేను కలిసి లేనందుకు.
అమావాస్య యెప్పుడో కాదు నాకిప్పుడే!
10/10/2026. 08:45 am.
