“స్త్రీ కి ఏళ్ళ తరబడిగా తాను వొకప్పుడు తిరస్కరించిన పురుషుడిపై ఆసక్తి జాలి సానుభూతి వుంటుంది అంటారు.
కనీసం నీకు అదికూడా లేదు. నువ్వు కసాయివి” అన్నాడతను కక్షగా
“కఠినంగా వున్న బండను తాకిన బంతి దూరంగా పడుతుంది పడాలి కూడా. ..
నేను చీకట్లోనే మేల్కొంటాను.
ఊసరవెల్లి ప్రేమల్ని నేను నమ్మను” అంది ఆమె కఠినంగా.
07/11/2026. 09:20pm.
నిందారోపణ
ఒదిగి వుండాలని
అణిగిమణిగి వుండాలని
కోరుకునే మనుషుల మధ్య
నా అహాన్ని నేను తప్ప
మరొకరు భరించలేరు
నువ్వు మాత్రం నన్ను అవలీలగా
తలకెత్తుకుంటావ్
ఉనికి భద్రంగా వున్నచోటనే
బందీగా వుంటారని
సూక్ష్మం తెలియని లోకం యిది
పైగా నాకు ప్రేమించడం తెలియదని
నిందారోపణ.
04/11/2026. 06:05am
*******
రెప్పపాటు దూరం
విశ్రాంత జీవనంలో
మనుషులు
ఒంటరిగా వుండకూడదు
అయినవాళ్ళకు
దగ్గరగా వుండాలి అంటారు.
నాకు అయినవాళ్ళందరూ
నిమిషాల వ్యవధిలో వున్నారు
ఆప్తుడువైన నువ్వు
రెప్పపాటు దూరంలో వున్నావు.
ఎంత అదృష్టం నాది!!
04/11/2026. 05:25am
నా మెదడంతా మట్టి
ఒక్క నువ్వు అనే ..
విత్తనం మినహా
మరేది మొలకెత్తదు
నమోదు చేసుకోదు
