మమేకం

నా హృదయం 

ఒక రాతి బండ

మంచు కొండ

అది మెత్తబడినా

నీరై కరిగినా 

నీ స్పర్శ వలనే! 

********

మమేకం

నా మెదడంతా మట్టి

ఒక్క నువ్వు అనే .. 

విత్తనం మినహా

మరేది మొలకెత్తదు

నమోదు చేసుకోదు

ఆక్రమణ

 

ఆక్రమణ

నువ్వో సగం నేనో సగం

వెలుగు నీడ

అద్దంలో చూసుకుంటే

అక్కడ కూడా నువ్వే

ముందేమో చొరబాటుదారుడివి

ఏమోలే అని ఉపేక్షిస్తే

ఆక్రమణదారుడివి అయిపోయావ్

నన్ను నాకిచ్చేయమని అడగనులే

ఆ భారం నేను మోయలేను

నేను దాపటి ఎద్దును కాను

గోవర్ధన గిరిధారి ని కాను.

వనజ తాతినేని

03/11/2026.06:05pm. 

అమృతభాండం

 అమృతభాండం

జీవితం యెడా పెడా వాయిస్తుంది

అనేక విధాలుగా.

చేయడానికి యేమీ పని లేనట్లు

అస్తమానం ఈ ఇష్క్ ముచ్చట్లు యేమిటి

పైత్యం కాకపోతే అంది విసుగ్గా ఆమె

జీవితాన్ని రసరంజితం చేసేది ప్రేమ

జీవిత రథచక్రాల ఇరుసుకి కందెన

ప్రేమ

ప్రేమ లేకుండా యెన్ని వున్నా పూజ్యం

తవ్విన కొద్దీ ఊరే చెలమ ప్రేమ అన్నాడు విశ్వాసంగా..

ఆమె తల పంకించింది - కాదనలేక, కాదనాలనిపించక!

వనజ తాతినేని

03/11/2026. 01:20pm.