ఊరి చివర ఇల్లు -2

 ఊరి చివర ఇల్లు .. రెండవ భాగం వినండీ 

పొగలేని నిప్పు

 స్ర్తీపురుషుల మధ్య వున్న స్నేహాన్ని ఆ స్నేహం వెనుక వున్న ఆకర్షణలు ఏ విధంగా ఉంటాయో, సమాజంలో ఆ స్నేహం ఎలా పరిగణించబడుతుందో.. పురుషుడు ఎలా వొక అడుగు ముందుకు వేస్తాడో స్త్రీ గిరి గీసినట్లు వున్నా వొకోసారి తన  మనసును ఎలా బయటపెడుతుందో.. చెప్పిన కథ. పొగలేని నిప్పు- బుచ్చిబాబు కథ వినండీ .. 

ఊరి చివర ఇల్లు

 ఊరి చివరి ఇల్లు

హోరున కురిసే వర్షం.. చిమ్మ చీకటి.. ఊరికి దూరంగా ఉన్న ఒంటరి ఇల్లు.. ఆ ఇంట్లో ఉన్న ముగ్గురు మనుషులు.. ఎవరికి ఎవ్వరూ ఏమీ కారు. ఆ రాత్రి వాళ్ళ జీవితాలను ఎలాంటి మలుపు తిప్పిందన్నదే దాదాపు అరవైమూడేళ్ళ క్రితం దేవరకొండ బాల గంగాధర తిలక్ రాసిన 'ఊరి చివరి ఇల్లు' కథ. మొదటి భాగం వినండీ.. 

మహీన్

 మహీన్ కథ ఆడియో బుక్ గా.. వినండీ.. 

గుంటూరు చిన్నోడా - ఆడియో లో

 తొలిసారి జానపద గీతం రాసాను. 😊🎈🎈track కూడా వినేయండి.. ఇది రీమిక్స్ సాంగ్ Totally male version. అదేదో app లో చేసారు. ఎంత వరకూ YouTube ఆమోదిస్తుందో చూడాలి మరి. వీడియో రూపకల్పన నేనే ! 😊🎈🎈

అబ్బాయి ఫ్రెండ్ ఇలా track గా చేసి పంపించాడు. Thank you so much for your beautiful gift. Zaffar Mohmmad. 

గుంటూరు చిన్నోడా.. -వనజ తాతినేని 

ఆమె:

గుంటూరు చిన్నోడా గుబురు మీసాలోడా

గుబుర మీసాలపై నిమ్మపండు నిలిపేటోడా గుంటూరు చిన్నోడా గుబురు మీసాలోడా

గుబుర మీసాలపై నిమ్మపండు నిలిపేటోడా

చిన్నదాని మనసునెత్తగలవా

ఈ చిన్నదాని మనసునెత్తగలవా? 

అతను:

ఏటవతల చిన్నదాన ఏటి నడకలు దానా

ఏటి నడకలపై ఎన్నెలు చిందేదానా

 నిన్నైతే చిటికెలో యెత్తగలనే 

లోతైన నీ మనసు నెట్టా పట్టుకుందు నే 

పట్టుకుని నేనెట్టా నిలుపుకుందునే

పట్టుకుని నేనెట్టా నిలుపుకుందునే

ఆమె:

గుంటూరు చిన్నోడా బండల్ని పిండి పిండి  చేసేటోడా బండ లాంటి మనసు నీది రా

మనిషివైతే ఎదిగినావు  కానీ 

మనిషివైతే ఎదిగినావు  కానీ 

చీమ మెదడంత తెలివి లేనోడా 

నీతో జతకట్టలేను జీవితమూ ఈదలేను

నువ్వొద్దు పోరా నువ్వొద్దు పోరా

అతను: 

ఎంత మాటంటివే పిల్లా నీవు

నీ వదరుబోతు తనం నా కాడ కాదే

పోట్లగిత్త లెన్నింటినో లొంగదీసి నోడిని

పోట్లగిత్త లెన్నింటినో లొంగదీసి నోడిని

నీకు ముకుతాడు నేను వేయలేనా

నీకు ముకుతాడు నేను వేయలేనా

ఆ మూడు ముళ్ళు నే వేయలేనా

నూరేళ్ళు నీ వొడి లోన నే నిండిపోనా

ఆమె:

నీ బడాయి మాటలు జబ్బల గొప్పలు 

చెప్పింది చాల్లే బండోడా 

సూక్ష్మం చెబుతాను వినుకో.. 

చిన్నదాన్ని మనసు శివధనుస్సు లాంటిది

ధనుస్సునెత్తే ముందు ధరణి పుత్రిక ను చూసినాడు రాముడు

 ఆ చూపుతోనే మనసు చిక్కబట్టినాడు

చక్కనమ్మ చిక్కినాక ధనుస్సు ఇరగ్గొటినాడు

చక్కనమ్మ చిక్కినాక ధనుస్సు ఇరగ్గొటినాడు

ఆ సులువు కనిపెట్టలేవా 

ఆ..  సులువు నువ్వు కనిపెట్టలేవా… 

ఇంత మంద మెదడు వున్న మొనగాడా 

మగువ మనసు తెలుసుకోరా బండోడా

అతను:

కనిపెట్టినానే పిల్లా నేను

కనిపెట్టినానే పిల్లా నేనూ.. 

నీ కళ్ళలోకి నేను కళ్ళు పెట్టి చూసా

గుండె లోకి తిన్నగా దారేసినాను

మనసుతో  మనసుకి పీట ముడి పెట్టేసినాను

లగ్గం చేసుకోను ఎత్తుకొని పోతాను నిన్ను 

ఎత్తుకొని పోతాను నేనూ.. 

మీసాలపై మనసునేంటి పిల్లా 

మొత్తంగా నిన్నే  నెత్తిన పెట్టుకొంటా.. 

మొత్తంగా నిన్నే  నెత్తిన పెట్టుకొంటా.. 

******************************

ప్రకటన మాత్రమేనా!?

 ప్రకటన మాత్రమేనా!?

నిన్ను నీవు తెలుసుకోవాలంటే.. 

నీతో నువ్వు అంతర్యుద్ధం చేయాలి

మెదడుకి పట్టిన మురికిని కడుక్కోవాలి

నిన్ను నీవు గాయపర్చుకోవాలి 

నిన్ను నువ్వే ఓదార్చుకోవాలి

తొడుక్కున ముసుగు తొలగించుకోవాలి.

నిశ్శబ్దంగా నీతో నువ్వు మాత్రమే వుండగల్గాలి. 

ప్రతి అనుభవమూ అనుభూతి పాతవే అని గ్రహించాలి

నువ్వు నువ్వుగా మిగలగల్గాలి అంటే.. భావోద్వేగాలను అణచుకున్న మనిషివైనా కావాలికాలానికి ఎదురొడ్డి నిలిచిన మనిషివైనా అయివుండాలి. 

రహస్యంగానైనా నిన్ను ఆరాధించేబలగమైనా కలిగివుండాలి. 

మెట్టనేలలో మొండిగా నిలిచి   తుఫాన్ గాలి తట్టుకున్న చెట్టువైనా అయివుండాలి

రాగద్వేషాలు అద్దుకున్న  దేహ వస్త్రాన్ని  సవుడు సున్నం వేసి ఉడకబెట్టి పరిశుభ్రంగా ఉతికి ఆరేయాలి. 

పాము కుబుసం విడిచినట్టు జ్ఞాపకాలనూ అనుభవాలను బలవంతంగానైనా విసర్జించాలి. 

మొత్తంగా.. 

నీతో నీవు జీవించిన క్షణాల్లో గాలికి  కదలని దీపానివై  కొడిగట్టే వొత్తి వలే పూర్తిగా దగ్ధమైపోవాలి. 

ఇదంతా ఒక ప్రకటనలా మిగిలి పోకుండా వుండాలి. 

-వనజ తాతినేని  30/11/24  07:20 pm

అపుడపుడూ..

 అపుడపుడూ… 

ప్రకృతి తన సౌందర్యానికి తనే

మూర్ఛిలుతుంది

ఉదారంగా ఇతరులను చూడనిస్తుంది

సౌందర్యానుభవం  సొంతం చేసుకోమని 

ప్రేరేపిస్తుంది. కానీ.. 

తన సౌందర్యాన్ని నాశనం చేస్తూ 

నామ రూప గుణ విశేషణాలు లేకుండా 

చేస్తుంటే బెంగటిల్లుతుంది

జీవకణ విచ్ఛిన్నం విధ్వంసం చిరునామాగా 

మిగిలిందా అని చిరుకోపం ప్రదర్శిస్తుంది. 

నవంబరు 30/24 08:00 am.

తితిలియోం డూండ్నే వాలీ

 వందల వేల కథల్లో ఒక ఆణిముత్యం ఈ కథ.. తప్పకుండా వినండి.. 

Very very touching story!

మీ వాయిస్, చదివిన విధం కథకు వాటి అసలు రంగు టోన్ ఇచ్చాయి. అభినందనలు వనజ గారూ. అని ఒక మిత్రురాలు అభిప్రాయం తెలియజేశారు. 

గుంటూరు చిన్నోడా

తొలిసారి జానపద గీతం రాసాను.. ఎవరైనా బాణీ కడితే అది కూడా. ❤️😊

అతడు:

గుంటూరు చిన్నోడా గుబురు మీసాలోడా

గుబుర మీసాలపై నిమ్మపండు నిలిపేటోడా గుంటూరు చిన్నోడా గుబురు మీసాలోడా

గుబుర మీసాలపై నిమ్మపండు నిలిపేటోడా

చిన్నదాని మనసునెత్తగలవా

ఈ చిన్నదాని మనసునెత్తగలవా? 

అతను:

ఏటవతల చిన్నదాన ఏటి నడకలు దానా

ఏటి నడకలపై ఎన్నెలు చిందేదానా

 నిన్నైతే చిటికెలో యెత్తగలనే 

లోతైన నీ మనసు నెట్టా పట్టుకుందు నే 

పట్టుకుని నేనెట్టా నిలుపుకుందునే

పట్టుకుని నేనెట్టా నిలుపుకుందునే

ఆమె:

గుంటూరు చిన్నోడా బండల్ని పిండి పిండి  చేసేటోడా బండ లాంటి మనసు నీది రా

మనిషివైతే ఎదిగినావు  కానీ 

మనిషివైతే ఎదిగినావు  కానీ 

చీమ మెదడంత తెలివి లేనోడా 

నీతో జతకట్టలేను జీవితమూ ఈదలేను

నువ్వొద్దు పోరా నువ్వొద్దు పోరా

అతను: 

ఎంత మాటంటివే పిల్లా నీవు

నీ వదరుబోతు తనం నా కాడ కాదే

పోట్లగిత్త లెన్నింటినో లొంగదీసి నోడిని

పోట్లగిత్త లెన్నింటినో లొంగదీసి నోడిని

నీకు ముకుతాడు నేను వేయలేనా

నీకు ముకుతాడు నేను వేయలేనా

ఆ మూడు ముళ్ళు నే వేయలేనా

నూరేళ్ళు నీ వొడి లోన నే నిండిపోనా

ఆమె:

నీ బడాయి మాటలు జబ్బల గొప్పలు చెప్పింది చాల్లే బండోడా సూక్ష్మం చెబుతాను వినుకో.. 

చిన్నదాన్ని మనసు శివధనుస్సు లాంటిది

ధనుస్సునెత్తే ముందు ధరణి పుత్రిక ను చూసినాడు రాముడు

 ఆ చూపుతోనే మనసు చిక్కబట్టినాడు

చక్కనమ్మ చిక్కినాక ధనుస్సు ఇరగ్గొటినాడు

చక్కనమ్మ చిక్కినాక ధనుస్సు ఇరగ్గొటినాడు

ఆ సులువు కనిపెట్టలేవా 

ఆ..  సులువు నువ్వు కనిపెట్టలేవా… 

ఇంత మంద మెదడు వున్న మొనగాడా 

మగువ మనసు తెలుసుకోరా బండోడా

అతను:

కనిపెట్టినానే పిల్లా నేను

కనిపెట్టినానే పిల్లా నేనూ.. 

నీ కళ్ళలోకి నేను కళ్ళు పెట్టి చూసా

గుండె లోకి తిన్నగా దారేసినాను

మనసుతో  మనసుకి పీట ముడి పెట్టేసినాను

లగ్గం చేసుకోను ఎత్తుకొని పోతాను నిన్ను 

ఎత్తుకొని పోతాను నేనూ.. 

మీసాలపై మనసునేంటి పిల్లా 

మొత్తంగా నిన్నే  నెత్తిన పెట్టుకొంటా.. 

మొత్తంగా నిన్నే  నెత్తిన పెట్టుకొంటా.. 

గుండె గొంతుకలోన

 గుండె గొంతుకలోన  … కథ వినండీ.. 

రచయిత ఎవరో కనుక్కోండి. కథలో చాలా క్లూస్ వున్నాయి. సాహితీ ప్రియులు చాలామంది గుర్తించగలరు. 

వంశాంకురం

 కథ వినండీ.. 

పుట్టినరోజు శుభాకాంక్షలు

 

చిన్ని..! బంగారం.. !!  

పుట్టిన రోజు శుభాకాంక్షలు .

ఇలాంటి పుట్టిన రోజులు నిండు నూరేళ్ళు జరుపుకోవాలని ..

చైతన్యవంతమైన జీవన గమనం తో.. 

స్ఫూర్తి కరమైన మార్గంలో నడుస్తూ.. 

సుఖసంతోషాలతో,ఆయురారోగ్యములతో,పుత్ర పౌత్రాభివృద్దితో 

యశస్విభవ గా. దేదీప్యమానంగా వెలుగొందాలని ..

మనసారా దీవిస్తూ.. 

భగవంతుని కరుణా కటాక్షములు అన్నింటా  నీకు లభించాలని కోరుకుంటూ... 

హృదయపూర్వక శుభాకాంక్షలు. 

నిండు మనస్సు తో.. ఆశ్శీస్సులు .. అందిస్తూ..

ప్రేమతో..దీవెనలతో.. అమ్మ.

మహా రుద్రాభిషేకం

 స్వామి అభిషేకానికి అతను దోసిళ్ళతో ఏమి తెచ్చాడో వినండి.. 108 బిందెలతో ఏమి తెచ్చాడో చూడండి. 

సుఖాలను దుఃఖాలను నవ్వులను పువ్వులను కన్నీళ్ళను కూడా తెచ్చి.. ఏమి కోరుకుంటున్నాడో ఎంత ఆర్ద్రంగా వేడుకుంటున్నాడో  వినండీ.. 

సామ్రాజ్ఞి

 అమెరికా కథలు కనెక్టింగ్ ప్లైట్ కోసం వెయిట్ చేస్తున్నప్పుడు చెపుతుంటే వినాలండీ. అత్తగారివే కాదండీ కన్నతల్లుల కథలు వుంటాయి. 🥲 మోడర్న్ డే ఫ్యామిలీ కథ. కథలో ఎవరికి వారు మంచోళ్లే... అదే సమయంలో ఎవరి పవర్ గేమ్ వాళ్ళు ఆడుకుంటున్నారు. ఎవరి స్థానాన్ని వాళ్ళు దక్కించుకునే ప్రయత్నాన్ని చక్కగా చూపించారు. కథలో ఎక్కడికక్కడ infuse చేసిన తెలుగు సామెతలు భలే ఉన్నాయి. వియ్యపురాలి ఇన్‌సెక్యూరిటీ కథలోని కాన్‌ఫ్లిక్టుకి కారణం - అత్తగారి పాత్ర యొక్క మెచ్యూరిటీ వల్ల కథ మంచిగా ముగిసింది. ఇద్దరిదీ ఇన్‌సెక్యూరిటీ అయి ఉంటే బతుకెంత ఘోరంగా నడిచేదో...

Well done ✍️👏👏👏💐

సామ్రాజ్ఞి- వనజ తాతినేని కథ

కూతురు కాపురం

 మధురాంతకం రాజారాం గారి రచన వినండీ.. 

సోషల్ మీడియా ని దిగజార్చింది ఎవరు!?

 కొందరు మొక్కలు గురించి పూల గురించి పిల్లల గురించి భూత దయ గురించి మాట్లాడుతూ ఏదైనా బాధాకరమైన విషయం గురించి మాట్లాడుతూ టన్నుల కొలదీ విచారం వొలకబోస్తూ “అయ్యయ్యో అచ్చెచ్చో ఇలా జరిగివుండకూడదు” అంటూ వుంటారు. నిజానికి ఇటువంటి వారిలో వారి స్పందన చాలా వరకు కొన్ని క్షణాల వ్యవధి. మళ్ళీ వారు మాములైపోతారు. అలాంటి వారు 90% మంది నా చుట్టుపక్కల వుంటారని నాకు స్పష్టమైన అవగాహన ఉంది. 

గొప్ప కోసమో లేదా నేను మాత్రమే ప్రత్యేకమైన మనిషిని అని చెప్పుకోవడం కాదు కానీ..

గత ప్రభుత్వంలో జరిగిన సంఘటనలు గురించి మాత్రం నేను చాలా గట్టిగా ఫీల్ అయిన సందర్భాలు చాలా ఉన్నాయి. ముఖ్యంగా అమరావతి ఉద్యమం సమయంలో ఆ ప్రాంత స్త్రీలపై జరిగిన హింస అణచివేత పై చాలా వేదనకు గురయ్యాను. తర్వాత కూడా చాలా హింసాత్మక ఘటనలు చూసాం. చాలామంది వాటినన్నింటిని రాజకీయ కోణంలో కొందరు వ్యతిరేకం గానూ కొందరు లోలోపల నవ్వుకుంటూ అలాగే జరగాలని ఆనందించారు. 

వివేకానంద రెడ్డి గారి పాశవిక హత్య అమరావతి స్త్రీల పట్ల హీనంగా హింసాత్మకంగా ప్రవర్తించిన తీరు, చంద్రబాబు నాయుడు గారి అరెస్ట్ వేధింపులు ఇలాంటివి గమనించినప్పుడు ఈ హింస ఎలాంటిది అనే సృహ ప్రపంచంలో వున్న తెలుగు వారందరిని ఆలోచింప చేసింది. 

నేనెప్పుడూ నా స్పందన దాచుకోనూ.. రచయిత ముసుగు వేసుకోను. స్పందించేటప్పుడు లాభనష్టాల బేరీజు వేసుకోను. అమరావతి ఉద్యమం లో పాల్గొన్న స్త్రీల పై హింస కి స్పందించాను. Fb లో ఇక్కడే ఒక పోస్ట్ పెట్టాను. పేరు కూడా ఉదహరించలేదు. నా ఫ్రెండ్ లిస్టులో వున్న వాళ్ళే ఆ పోస్ట్ ను వారికి అందించారు. నేను నా ఫోటోలు పబ్లిక్ లో పెడతాను తప్ప పిల్లల ఫోటోలు ఫ్యామిలీ మెంబర్స్ ఫోటోలు పబ్లిక్ లో పెట్టను. నా ఫోటో పెట్టి ఆ రాకాసి సంతతి troll చేసారు. నా ఫ్రెండ్స్ ఫ్యామిలీ మెంబర్స్ తెలియక నన్ను tag చేసిన ఫోటోలు సేకరించి ఆ ఫోటోలు పెట్టి అశ్లీల భాష ప్రదర్శించారు. 

నేను వొకటే చెబుతున్నాను. నేను ఆ పోస్ట్ నా తోటి స్త్రీలపై జరిగిన హింస కు అణచివేతకు స్పందించి పెట్టిన పోస్ట్. నేను వాడిన భాష కోపం వచ్చిన ప్రతి స్త్రీ మాట్లాడే భాష. అందులో ఆవేదన తప్ప మరొకటి లేదు. 

ఈ సంగతి జరగకముందే మెసెంజర్ లోకి వచ్చి తిట్టి వెళ్ళిన విషయాలు అన్నీ భద్రంగా వున్నాయి.. fb account ID లతో సహా. 

ఎవరైతే అసభ్యంగా తిట్టారో పోస్ట్ లు పెట్టారో ఆ పోస్ట్ లను ఇంకో నాలుగు మాటలు తిప్పి share చేసారో.. వారందరికీ శిక్ష వుంటుంది. ఆల్రెడీ నోటీసులు అందుకున్నారు. చిన్నా చితకలు అకౌంట్లు మూసుకుని పోయారు. 

నా ఫ్రెండ్స్ లిస్టులో ఉన్న వారి వీరాభిమానులు 

IPAC సభ్యులు ముసుగు ముఖాలు.. తోటి స్త్రీలను అంత బాధ కు గురిచేస్తే స్పందించని మీరు నన్ను troll చేస్తే నవ్వుకున్న మీరు.. ఒకటి తెలుసుకోవాలి.  నేను బాధ పడ్డాను. ఆల్ రైట్. ఆ బాధ తట్టుకోలేక fb నుండి కొద్ది రోజులు నిశ్శబ్దంగా వుండిపోయాను. 

ఈ రోజుకు నేను ఈ బాధకు కారణం అయిన పోస్ట్ డిలీట్ చెయ్యలేదు. ఆ పోస్ట్ పెట్టిన కార్యకారణ సంబంధం సత్యమైనది. ఈ పోస్ట్ లో ఆ రోజు నేను పెట్టిన పోస్టు జత చేస్తున్నాను చూడండి. అందులో కనీసం వ్యక్తులను ఉదహరించలేదు. మీరు మాత్రం ఫోటోలు పెట్టి అశ్లీలం గుమ్మరిస్తారు. ఆ రాత లో వున్న వ్యక్తి ఎవరో మీకు అర్థమైనప్పుడు ఆ హింస కూడా అర్థం కావాలి కదా!  అంత చిన్న లాజిక్ ఎలా మిస్ అయ్యారు జ్ఞానవంతుల్లారా!? 

ఆంధ్రప్రదేశ్ కి “అమరావతి” మాత్రమే రాజధాని. అది సత్యం శాశ్వతం. ఇక చావులు గురించి.. ఎవరికి ఎలా రాసి పెడితే అలా జరుగుతుంది. కొందరు కోపంతోనో ఆవేదనతోనో ఆవేశంతోనో తిడతారు.. అవి నిజం తిట్లు కావు. అమ్మలైన అందరూ కూడా తిడతారు. అంతెందుకు అసలు వాళ్ళ అమ్మ కూడా తిడుతూనే ఉంటుంది అని కొందరు అంటూంటారు. 

ఈ అశ్లీల తిట్టుడు కార్యక్రమాలు జరగడం నాతోనే మొదలు కాదు చివర కాదు.. మగవాడి మదాందకారం ఆడదాని అహంకారం నోటి వాచాలత కు మూలకారణం సంస్కార హీనం. 

మా భువనమ్మ ను కూడా తిట్టారు కదా అని ఆ పెద్ద గీతతో నా చిన్న గీతను పోల్చుకుని కాస్తంత ఉపశమనం పొందానేమో తప్ప జరిగింది మర్చిపోలేదు. బాకీ మిగిలేవుంది.

అది చట్టపరంగా తీరుతుంది. ఒకొకడిని పెన్సిల్ చెక్కినట్టు చెక్కాలి. Nib విరిగిపోవాలి. మళ్ళీ వెబ్ పేజ్ పై కీ బోర్డు  వాడకుండా వెర్బల్ డయేరియా కక్కకుండా షాక్ ట్రీట్మెంట్ ఇవ్వాలి. వాడు ఎవడైనా సరే! 

ఇంకా లిస్టు వుంది.. బాకీ వుంది. సమాజానికి చీడపురుగులు వీరు. పోర్న్ మాదకద్రవ్యాలు లకన్నా ప్రమాదకరమైన వారు వీరు. వీరి ఉనికి ప్రమాదకరమైనది.  

PS: స్త్రీలను ఆడపిల్లలను ఎవరు కించపరిచినా.. నేను వొప్పుకోను. అశ్లీలంగా కామెంట్ పెడితే ఊరుకోను. కామెంట్ డిలీట్ చేస్తాను. బ్లాక్ చేస్తాను.

జుబేదా

 ఒక హృద్యమైన కథ వినండీ.. 

మూడువేల అల్లికలు

 సంస్కరణోద్యమం ద్వారా మన ఆచారాలు వ్యవహారాలు మూఢనమ్మకాలు కొంతవరకు సమసిపోయాయి. విద్య ఉద్యోగాలు స్త్రీలకు అందిన ద్రాక్ష అయ్యాక అన్నీ సవ్యంగా ఉండి సమాజంలో మార్పు వచ్చింది అనుకుంటే పొరపాటే అవుతుంది. కొన్ని వ్యవస్థలు స్త్రీలకు శాపంగా పరిణమించాయి. అందులో దేవదాసీ వ్యవస్థ. కర్నాటకలోని కొన్ని ప్రాంతాల్లో ఆ వ్యవస్థ స్త్రీలకు శాపంగా పరిణమించింది. ఆ దేవదాసీ వ్యవస్థను మార్చడానికి సుధామూర్తి ఎంతో కృషిచేశారు. ఆ స్వీయానుభవాన్ని కథగా రాశారు. “మూడు వేల అల్లికలు “ కథ గా వచ్చింది. ఆ కథ ను ఆడియో రూపంలో వినండీ.. 

ఆఖరు మాట - మొక్కపాటి నరసింహశాస్త్రి

 ఆత్మహత్య చేసుకోబోతున్న తండ్రి కొడుకు కి రాసిన ఉత్తరం ఈ కథ. తప్పక వినండీ

షరీఫా

 పెళ్ళైన పదేళ్ళ తర్వాత రెండో వివాహం చేసుకుని వచ్చిన భర్త కు ఆ భార్య స్పందన నిశ్శబ్ద యుద్ధం ఎటువంటిది!? అతను జీవచ్ఛవం గా ఎందుకు మిగిలాడు!? ఆసక్తికరమైన కథ తప్పక వినండీ.. 

షరీఫా- సౌపర్ణిక   కథ వినండీ

ఆకులు రాల్చిన కాలం

 కథ వినండీ 

ధాత్రి మాత

  పిచ్చి తల్లి 

అమ్మా ఆకలి అని పిలుపు వినిపిస్తే .. సమాధిలో నుండైనా లేచి పరుగెత్తి రావాలి. 

అంత ప్రేమ వుండాలి తల్లికి. 

అమ్మలను అమ్మ అమ్మలను అసహ్య భాషలో తిడుతుంటే 

చనుబాలు తాగుతూ రక్తం కారేటట్లు కొరికినా ఓర్చుకున్నట్టు చిన్న బిడ్డడు లే అని సర్దుకు పోవాలి. 

ఆలి వచ్చినాక పళ్ళెంలో ఇంత ముద్ద వేయకపోయినా.. పాపం ..నా బిడ్డ తప్పేం లేదు. పరాయి బిడ్డ పన్నాగం అనుకోవాలి గుడ్డి ప్రేమతో... 

ఇల్లు ఒళ్ళు గుల్ల చేసుకుని కళ్ళల్లో వత్తులు వేసుకుని ఎదురుచూస్తూ వుంటారు

భ్రమతలు వొదలరు సత్యం జీర్ణించుకోలేరు

పసివాళ్ళు!  వాళ్ళకేం తెలుసు సంసారం ఈదడం సాగరం ఈదటమేనని 

అంటూ .. మనసు గంప కింద గుట్టుగా దాపెడతారు. 

పిచ్చి సన్నాసులు

ఏదో చికాకులో నోరు జారతారు చెయ్యి ఇసురుతారు కానీ..

మళ్ళీ అవసరం వచ్చినా ఆపదొచ్చినా.. 

అమ్మా! కాసిని దుడ్లు ఇయ్యవే

కయ్యో ఇల్లో రాసియవ్వే.. అని కాళ్ళా వేళ్ళా పడతారు. బిడ్డలు మననిగాక ఎవర్నడుగుతారులే అని జాలిపడతారు.

కరిగి నీరై వేలిముద్రో సంతకమో చేజారారో.. 

దేవతలా దేవుడిలా చూసుకుంటానన్న వాగ్దానం.. హుష్ .. కాకి ఎత్తుకుపోయిందని.. 

రిజిష్టరు ఆఫీసు కాడే వొదిలిపెట్టి  దొడ్డి దారిన జారుకుంటారు. 

నిజం నిప్పై , నొప్పి నిజమై,  చేసిన తప్పై  రుణమై శాపమై పాపమై.. 

గొంతెత్తి ఏడ్చే శక్తి లేక నీరు నిండిన కళ్ళతో 

అయోమయం గా చూస్తుంటారు. నిశ్శబ్దంగా 

కాటికి సర్దుకుంటారు.

భూమి మీద పుట్టిన మానవ సంతతికి 

*ధాత్రి మాత ప్రసవ వేదన చిత్రాన్ని చూపండి 

అమ్మల్లారా అయ్యల్లారా..! 

అంతకు మించి… 

ఆ ప్రసవపు నొప్పి భరించిన తల్లులు పడే 

ఈ భరించలేని బాధలెన్నెంటినో తూకం వేయకండి. సారూప్యత వెతకకండి.

లైవ్ టెలీకాస్ట్ ల్లోనూ..  పెట్టుడు పోగ్రామ్ ల్లోనూ తల్లులను చూపిస్తూ ఆ బాధలను యెగతాళి చేయకండి.. తల్లుల్లారా తండ్రుల్లారా.. 🥲🥲

మీ అమ్మ ఏనాడో మీ నాయన దాష్టీకానికి చచ్చి చచ్చి మీ కోసమే బతికిన వెర్రి తల్లి .. వెర్రి ప్రేమ గల పిచ్చి తల్లి. ఆమె చావును ఆమె చావనియ్యండి.

*(ధాత్రి మాత - నేపాల్  / ప్రసవ వేదన పడే తల్లి రూపాన్ని భక్తితో పూజిస్తారు)

పిచ్చి తల్లి

 పిచ్చి తల్లి 

అమ్మా ఆకలి అని పిలుపు వినిపిస్తే .. సమాధిలో నుండైనా లేచి పరుగెత్తి రావాలి. 

అంత ప్రేమ వుండాలి తల్లికి. 

అమ్మలను అమ్మ అమ్మలను అసహ్య భాషలో తిడుతుంటే 

చనుబాలు తాగుతూ రక్తం కారేటట్లు కొరికినా ఓర్చుకున్నట్టు చిన్న బిడ్డడు లే అని సర్దుకు పోవాలి. 

ఆలి వచ్చినాక పళ్ళెంలో ఇంత ముద్ద వేయకపోయినా.. పాపం ..నా బిడ్డ తప్పేం లేదు. పరాయి బిడ్డ పన్నాగం అనుకోవాలి గుడ్డి ప్రేమతో... 

ఇల్లు ఒళ్ళు గుల్ల చేసుకుని కళ్ళల్లో వత్తులు వేసుకుని ఎదురుచూస్తూ వుంటారు

భ్రమతలు వొదలరు సత్యం జీర్ణించుకోలేరు

పసివాళ్ళు!  వాళ్ళకేం తెలుసు సంసారం ఈదడం సాగరం ఈదటమేనని 

అంటూ .. మనసు గంప కింద గుట్టుగా దాపెడతారు. 

పిచ్చి సన్నాసులు

ఏదో చికాకులో నోరు జారతారు చెయ్యి ఇసురుతారు కానీ..

మళ్ళీ అవసరం వచ్చినా ఆపదొచ్చినా.. 

అమ్మా! కాసిని దుడ్లు ఇయ్యవే

కయ్యో ఇల్లో రాసియవ్వే.. అని కాళ్ళా వేళ్ళా పడతారు. బిడ్డలు మననిగాక ఎవర్నడుగుతారులే అని జాలిపడతారు.

కరిగి నీరై వేలిముద్రో సంతకమో చేజారారో.. 

దేవతలా దేవుడిలా చూసుకుంటానన్న వాగ్దానం.. హుష్ .. కాకి ఎత్తుకుపోయిందని.. 

రిజిష్టరు ఆఫీసు కాడే వొదిలిపెట్టి  దొడ్డి దారిన జారుకుంటారు. 

నిజం నిప్పై , నొప్పి నిజమై,  చేసిన తప్పై  రుణమై శాపమై పాపమై.. 

గొంతెత్తి ఏడ్చే శక్తి లేక నీరు నిండిన కళ్ళతో 

అయోమయం గా చూస్తుంటారు. నిశ్శబ్దంగా 

కాటికి సర్దుకుంటారు.

భూమి మీద పుట్టిన మానవ సంతతికి 

*ధాత్రి మాత ప్రసవ వేదన చిత్రాన్ని చూపండి 

అమ్మల్లారా అయ్యల్లారా..! 

అంతకు మించి… 

ఆ ప్రసవపు నొప్పి భరించిన తల్లులు పడే 

ఈ భరించలేని బాధలెన్నెంటినో తూకం వేయకండి. సారూప్యత వెతకకండి.

లైవ్ టెలీకాస్ట్ ల్లోనూ..  పెట్టుడు పోగ్రామ్ ల్లోనూ తల్లులను చూపిస్తూ ఆ బాధలను యెగతాళి చేయకండి.. తల్లుల్లారా తండ్రుల్లారా.. 🥲🥲

మీ అమ్మ ఏనాడో మీ నాయన దాష్టీకానికి చచ్చి చచ్చి మీ కోసమే బతికిన వెర్రి తల్లి .. వెర్రి ప్రేమ గల పిచ్చి తల్లి. ఆమె చావును ఆమె చావనియ్యండి.

*(ధాత్రి మాత - నేపాల్  / ప్రసవ వేదన పడే తల్లి రూపాన్ని భక్తితో పూజిస్తారు)

శిఖరం

 అమరావతి కథలు నుండి .. ఒక కథ వినండీ.. 

పుట్టుమచ్చ

 పుట్టుమచ్చ కథ వినండీ.. కమలా దాస్ కథ ఇది. ముంబాయి మురికివాడల్లో నివాసముండే హిజ్రాల జీవనశైలి ఈ కథలో వుంటుంది. 

వాన సంభాషణ

 వాన తన రహస్యాలను బయటపెట్టింది. ఏవి ఏమిటి అన్నవి వినండీ. వాన సంతోషాన్ని కాదు విషాదాన్ని నింపుతుంది. ఆ బౌద్ద బిక్షుణిల అనుభవాలు ఎలా వున్నాయో తప్పక వినండీ.. 

ఇనబింబం చేతికందేలా

 అరె..రే… వచ్చేసినావా సామీ.. 

ఇప్పుడు దాకా యెదురుచూసినా.. ఇంకా రాలేదేమిటబ్బా.. అని. 

పొంగుమాలిన పనులేవో చెయ్యక తప్పదు కనుక.. వాట్సాప్ లో తలదూర్చినా. 

తలెత్తి చూస్తిని గందా.. నా యెత్తు చేయి యెత్తితే కాని నువ్వు ఫ్రేమ్ లో ఇరుక్కోవు. అలా ఇరకపెట్టాలంటే నా యెడమ చెయ్యి లేస్తే కదా! 

అదేదో Frozen Shoulder Pain అంట. నరకం చూపెడతా వుంది. Screen time తగ్గించండి.. చూడబాకండి అంటారు. అదిగాక ఇంకేం పని వుంది.. ఈడ. Cup లు Cup లు coffee లు తాగుడు.. స్క్రీన్ చూసుడు, కథలు చదువుడు. ఆ చదువుడు కళ్ళతోటి మనసుతోటి మెదడు తోటి గాకుండా నోటితోటి కూడా అయిపోయే..

శుభోదయం చెప్పడానికి.. ఇంతజెప్పాల్నా అమ్మి!!? సర్లే.. ఇంకాసేపు నీ పొడన కూసో.. కాస్త డి విటమిన్ వస్తదిలే అని.. 

నా కెమెరాకి అందకుండా పోయినాడు. 

అబ్బా.. ఏమి సూరప్పా.. ఇంత తొందర నీకు.. 

perfect frame కి అందకుండా పోయావు. రేపు చెబుతా నీ పని. ఐదంతస్తుల మిద్దె మీదకి పోతే అందవా యేంటి!?

అయినా నీ పని చెప్పడానికి Tripod కొంటానుండు. 😘🥰😊

దయ తలచి ఈ పొద్దు ఈమె కూడా వచ్చింది నా బాల్కనీ గార్డెన్ లోకి. 

పిల్లలు పువ్వులు పక్షులు దయతలిస్తేనే మన దరికి వస్తాయట. బుల్లి పిట్టలు బట్టలారేసే తీగె పై ఉయ్యాలలూగుతాయి తమ సంగీత కచేరి చేస్తూ. నేను కదిలానా.. శపించినట్లు భావించి ఎగిరిపోతాయి. మానవులు ప్రకృతి పాలిట శాపం కదూ!!

జీవితం

 మహార్ణవం -చిక్కాల కృష్ణారావు స్వేచ్ఛానువాదం

తత్వవేత్త ఖలీల్ జిబ్రాన్ “ ది వాయిస్ ఆఫ్ ది మాస్టర్” కి అనువాదం వినండీ ! చాలా బాగుంది. 

పగిలిన కల

 పగిలిన కల ఆడియో రూపంలో వినండీ..

సూక్ష్మ కథ

 హీలింగ్

కొన్ని పొడి మాటలు తర్వాత.. ఉంటాను బై అన్నాడతను. కానీ... 

ఇంకా ఏమైనా చెబుతుందేమోనని మరికొన్ని సెకన్లు ఫోన్ చెవికానించుకునే నిలబడ్డాడు. 

లైన్ కట్ అయిన తరువాత స్క్రీన్ పై కనబడే పేరునే చూస్తూ ఆలోచనగా పెదవి కొరుక్కున్నాడు. నిరాశను అణుచుకుంటూ..

అటో ఇటో కదిలే మేఘంలా కదిలి.. ఇంటికే చేరుకున్నాడు. తాళం వేయని గేటు మూసిన తలుపు తెరిచే వుంచిన కిటికి రెక్క పక్కనే తచ్చాడుతూ భార్య . 

తలుపు తీసిన ఆమెతో…

“నా కోసం ఎదురుచూడొద్దు అన్నాను గా” ముఖం చిట్లించుకుని అంటూ లోపలికి  జొరబడ్డాడు.

“పిల్లలూ” అంటూ నసిగింది ఆమె. చొక్కా విప్పి వంకీ కి తగిలించాడో లేదో ఫోన్ లో మెసేజ్ వచ్చిన చప్పుడు. అంతదాకా చెప్పని

తన రహస్యాన్నేదో విప్పిచెప్పాలనుకునే ప్రియురాలు empty message ను బట్వాడా చేసింది. మళ్ళీ ఏవేవో ఆలోచనలతో 

ఊగిసలాడే మనసుతో పళ్ళెం ముందు కూర్చున్నాడతను. 

వడ్డిస్తున్న భార్యను తదేకంగా చూస్తూ తన కోసం ఎదురుచూస్తూ ప్రియురాలు రాలుస్తున్న కన్నీళ్ళను ఊహించుకున్నాడు. మునివేళ్ళతో అన్నం కెలుకుతూ కూర దరిద్రంగా వుందని తిట్టిపోసాడు. పళ్ళెంలో చేతిని కడిగి కోపంగా వెళ్ళి మంచం పై విశ్రమించాడు. 

కిటికీ లో నుండి చందమామ కనిపించాడు.పొరుగింటి దీపం నీ ఇంటికి ఎలా వెలుగునిస్తుంది మూర్ఖుడా! అని అడిగినట్లనిపించింది.  వెంటనే లేచి  మొబైల్  తీసుకుని ఏరోప్లేన్ మోడ్ లోకి మార్చాడు. గిన్నెలన్నీ సర్దుతూ కళ్ళు తుడుచుకుంటున్న భార్యతో అన్నాడు.. “రేపటి నుండి కొంచెం  శ్రద్ధగా వెరైటీగా వంట చేయ్. రోజూ వొకే రకం వంటలు తిని తిని మొహం మొత్తుతుంది” అని. 

“అలాగే.. ఉప్పు కారం లేకుండా కందమూలాలు వడ్డిస్తాను లెండి” అంది.  

Nature is so healing.. ❤️‍🩹 

రెండు లక్షలు

 కథ వినండీ.. 

చక్రతీర్థ

 చక్రతీర్థ   కథ ఎంతమంది చదివారు విన్నారు!? ఈ కథ గురించి కొన్ని విషయాలు చెప్పాలనుకుంటున్నాను. బలివాడ కాంతారావు గారు ఈ కథ ను balanced గా రాసారు. తండ్రి కొడుకు పాత్రలపై ఏ పాత్ర పై అభిమానం మెప్పుదల చూపలేదు. తండ్రి వైపు నుండి పాఠకుడు ఆలోచిస్తే తండ్రి   వాదన సరైనది. కొడుకు వైపు నుండి ఆలోచిస్తే కొడుకు కరెక్ట్. కానీ కొడుకు మార్పు లో ఇంగితజ్ఞానం లోపించింది అనిపిస్తుంది. తండ్రి జగన్నాథుడి ఆలయంలో భక్తుల పట్ల అవలంబించిన క్రూరం స్వార్థం లాగానే. అనుభవజ్ఞులైన రచయితలే.. ఇలా త్రాసుతో తూచినట్లు పాత్రల చిత్రీకరణ కావింపగలరు. రచయితలకు చాలెంజ్ ఇలాంటి కథలు రాయడం. అందుకే ఈ కథ బాగా నచ్చి వినిపించాను. మీరు విననట్లైతే ఇప్పుడైనా కథ వినండీ. వర్ధమాన రచయితలకు ఈ కథ ఒక పాఠ్యాంశం. ధన్యవాదాలు మిత్రులారా!

కాగితం పడవలు

 క్రిసెంట్ మూన్  నుండి మరికొన్ని పద్యాలు 

క్రిసెంట్ మూన్ - రవీంద్రనాథ్ ఠాగూర్

 రవీంధ్రనాథ్ ఠాగూర్ రచించిన క్రిసెంట్ మూన్ పద్యాలు చాలా బాగున్నాయి. వాటిని  ముడు నాలుగు పద్యాలను కలిపి  మూడు చిన్న చిన్న వీడియోలుగా ఆడియో బుక్ చేసాను. చదువుకోవడం చదవడం ఆనందంగా వుంది రాయడం కన్నా… ఆ పద్యాలు వినండీ.. అలాగే నా ఛానల్ ని like చేయడం subscribe చేయడం మర్చిపోకండీ.. 🥰

Maternity

 మాతృత్వం కథ వినండీ.. 

ఈ కథ కేరళ రాష్ట్ర ప్రభుత్వ పాఠశాల విద్యార్థుల తొమ్మిదో తరగతి పాఠం గా వుంది. రచయిత 

లిలికా నకోస్..

కలికితురాయి

 మల్లాది రామకృష్ణశాస్రి గారి అమరావతి కథ వినండీ.. 

లిబియో ఎడారిలో

 యుద్దానంతర రణక్షేత్రం ఎలా వుంటుందో… ఆ భీభత్సాన్ని ఆలోచనాత్మకంగా చెప్పిన కథ వినండి.

దేవరకొండ బాలగంగాధర తిలక్ కథ వినండీ

కరోనా పెరోల్

 కరోనా పెరోల్ - ఎం ఆదినారాయణ రెడ్డి

చెడ్డల్లో చిన్న చెడ్డ పెద్ద చెడ్డ వుండవు అని వుండవు అని ఖరారుగా చెప్పిన ఆ మనిషి జైలు అనుభవం ఏమిటీ? 

ఆవులు ఆవులు తన్నుకుంటే దూడలకు కాళ్ళు ఇరిగినట్లు కొడుకు చేయి సగమైతే ఆ రైతు ఏమి చేసాడు!? 

కరోనా వొకొకరికి మంచి వొకొకరికి చెడ్డ ఎట్టా అయింది? 

చదువుతుంటేనే కాదు వింటుంటే కూడా దుఃఖం ముద్దగా మారి గొంతు పూడుకుపోతుంది.. 

కథ వినండీ.. 

నిరీక్షణ

 నిరీక్షణ -సురవరం ప్రతాపరెడ్డి గారి కథ వినండీ..

జీవితం

జీవితంలో .... 

పూర్వ జన్మ సుకృతం వల్ల కొన్ని సంప్రాప్తిస్తాయి. 

కొన్ని ఊరిస్తాయి. 

కొన్ని పాక్షికంగా నెరవేరతాయి.

కొన్ని కలలగానే మిగిలిపోతాయి. 

కొన్ని కల్లలు అని నిరూపిస్తాయి

ఇదే జీవితం.

ఇలాగే వుంటుంది అని కానీ

ఇలా వుండకూడదు అని కానీ 

ఇలాగే వుండాలని అని కానీ

ఎవరూ తీర్మానించలేరు. 

మన జీవితం మన చేతుల్లో వుండాలి

పరాయీకరణ లోనూ

ఇతరుల గుప్పిట్లోనూ

బంధిపబడి వుండకూడనిది

జీవితం. 

అలాంటి జీవితం వుంటుందా!?

ఉంటుంది ప్రతి మనిషి 

జీవితాన్ని అర్ధం చేసుకుంటే!

సంతృప్తి జీవితానికి ముడి సరుకు

 

కొందరు తమకు ఉన్నదాంతో లభించిన వాటితో సంతృప్తి పడరు. నిత్యజీవీతావసరాలకు సరిపడ సంపాదిస్తున్నప్పుడు దానిని ఎలా ఖర్చు పెట్టాలో ఏం చేయాలో ఏం చేయకూడదో అనే ప్లానింగ్ లేకుండా నడుచుకోవడం వల్ల నిద్ర లేవగానే .. ప్రతిరోజూ రూపాయి కోసం వెతుక్కోవడమే! సంపాదనలో కొంత భాగం కొత్త వ్యాపారాలకు పెట్టుబడి పెట్టడం.. అందులో విజయవంతం కాకపోతే నిరాశలో కృంగిపోవడం. పెద్ద పెద్ద లక్ష్యాలు వున్నప్పుడు ఓపిక అవసరం. డబ్బులు లేక ఓపిక సహనం లేక ఎవరినో వొకరిని నిందించడం “నువ్వు అప్పుడు అలా చేసావు కాబట్టే నేనిలా వున్నాను” అనడం అనుకోవడం ఇతరులను blame చేయడం మంచి పద్దతి కాదు. నిర్ణయాలు తీసుకోవడంలో జాప్యం నిర్లక్ష్యం అతి విశ్వాసం తో పాటు పరిస్ధితులు సహకరించకపోవడం వుంటుంది. వాటిని తట్టుకోగల్గే సామర్ధ్యం లేనప్పుడు.. జీవితంతో ప్రయోగం చేయకూడదు. ఉన్నవాటితో లభించినదానితో 

ప్లానింగ్ చేసుకుని సౌకర్యంగా బతకడం అలవాటు చేసుకోవాలి. 

రెండు నిమిషాలు తల్లిదండ్రులు చెప్పే అనుభవపూర్వకమైన మాటలు సలహాలు వినిపించుకోని వాళ్ళు…. ఫ్రెండ్స్ అని చెప్పుకునే వాళ్ళతో గంటలు తరబడి మాటలతో కాలాన్ని వృధా చేస్తారు. 

కొందరు మెగుడూ పెళ్ళాం బాగానే వుంటారు ఒకరు గీచిన గీత మరొకరు దాటకుండా. మధ్యలో వెర్రివాళ్ళు కన్న తల్లిదండ్రులు. వారిని తమ జీవితాల్లో వచ్చే ప్రతి సమస్య కి కారకులను చేయడం పరిపాటి అయిపోతుంది. 

జన్మ ఇచ్చినందుకు ఇప్పటిదాకా ఎన్నో ఇచ్చి ఖాళీ అయిపోయి  రిక్త హస్తాలతో నిలబడి ఇంకా ఏమి ఇవ్వాలో అర్దం కాని నిస్సహాయతలో..  కన్నీరు కార్చే తల్లిదండ్రులున్న లోకం ఇది. 

మనిషి అంటే అనంతమైన కోర్కెలు కాదు. విఫలమైన ఆశలు అపజయాలు నిరాశ నిసృహలు కూడా! అన్నీ కలిపితే జీవితం. 

నెలవారీ సంపాదనలో నుండి కుటుంబ అవసరాలు తీరకముందే వాటిని వాయిదా వేసి ఆ డబ్బుతో బిట్ కాయిన్స్ కొనేవాడు షేర్ మార్కెట్  లో  పెట్టుబడి పెట్టేవాడు లాటరీ టికెట్ కొనేవాడు వొకటే నా దృష్టిలో.

అత్యవసర పరిస్థితుల్లో మాత్రమే అప్పు చేయాలనే మాట మరిచి.. లగ్జరీ గా బతకడానికి అప్పు చేసేవాళ్ళకు జీవితంలో సుఖం శాంతి రెండూ శూన్యం..

ఆఖరిగా చెప్పొచ్చే మాట.. 

తల్లిదండ్రులు... తమ జీవితకాలం పెట్టుకునే భ్రమలు పిల్లలు.  physically mentally emotionally... అయినా తల్లిదండ్రులకు బుద్ధి రాదు. బిడ్డలకు మనసూ వుండదు. తొక్కేసుకుంటూ వెళ్ళిపోతారు అంతే! అయినా వాళ్ళకు శాంతి సంతృప్తి వుండదు. 

సంతృప్తి జీవితానికి ముడి సరుకు. 

కానుక

 

మేల్కొలుపు

 మేల్కొలుపు

అర్ధరాత్రి లో  మెలుకువ

అలజడితో కాదు అదో చైతన్యం

మేల్కొలుపు సమయాలు 

సందేశాలు మోసుకొస్తాయి. 

వీధి దీపాల వెలుతురు 

ఛాయలు తాకని

ఆకాశం చాలా నేర్పుతుంది

చెవులతో చూడటం 

హృదయంతో వినడం

ఆత్మ ద్వారా గ్రహించి

అనుభవించేదే జీవితం 

ఆనందభరితం. 

మమకారం -గోపీచంద్

 మమకారం -త్రిపురనేని గోపీచంద్

మట్టికి మనిషికి అనుబంధం. మనిషికి సొంత భూమి కల్గివుండాలని ఆరాటం. వ్యవసాయం వృత్తి అయినవారికి మరింత తాపత్రయం. ఈ కథలో జోగయ్య అహోరాత్రాలు శ్రమించి చాలా భూమిని సంపాదించాడు. అతను భూమే తన సర్వస్వం అని భావించాడు. ఆఖరికి  చావు బ్రతుకుల్లో వున్న భార్యను పట్టించుకోలేదు.తినే ముద్దను ఆస్వాదించలేదు. అన్ని బంధాలకన్నా మట్టి ముఖ్యం అనుకున్నాడు. అతని శ్వాస ధ్యాస అన్నీ మట్టే! ఆఖరికి ఆ మట్టి వాసనను పీలుస్తూనే ఊపిరి వదిలాడు. కానీ ఆఖరికి మట్టి వాసన ని కూడా ఆఘ్రాణించలేని ఆ మట్టి మనిషి ని చూసి మనం జాలిపడతాం. అబ్బురపడతాం. జీవితం జీవనం  తాత్వికత ను అర్దం చేసుకుని చిన్నగా నవ్వుకుంటాం. తప్పక వినండీ.. 

@VanajaTatineni‬ 

పెద్ద బతుకమ్మ

 బతుకమ్మ ఆడుతున్న ఆడబిడ్డలంతా తాము  భూమి మీద కాకుండా..... ఏ స్వర్గలోకంలోనో ఆడుకుంటున్నంత సంబరంగా  ఉన్నరు. అందరు ఆడబిడ్డలు అంత సంతోషంగా బతుకమ్మ ఆడుతుంటే....ఆ కాలనీలోనే ఉంటున్న పూలమ్మ మాత్రం...ఇంట్లో ఒక్కతే కుమిలికుమిలి ఏడుస్తున్నది. ఎంత ఆపుకున్నా కన్నీళ్లు ఆగడం లేదు. 

బతుకమ్మ పండగ అంటే ఏ ఆడబిడ్డకైనా పట్టలేని సంబరం. ఎప్పుడెప్పుడు తల్లిగారింటికి పోదామా...పుట్టిన మట్టిని, తన ఊరి మనుషులను పలకరిద్దామా అని ఆరాటపడతరు. పూలమ్మ కూడా తన పుట్టింటికి పోయి బతుకమ్మ పండగ అట్లనే చేసుకోవాలని కలలు కన్నది. కానీ ఈ ఏడాది ఆ అదృష్టం దక్కలేదు.

త్వమేవాహం

 నేల..!  భూమి..!! 

 రెండు అక్షరాలు. రెండు జీవితాలు..గా మారి నేడు మనిషి జీవితంలో ఒక పెద్ద పాత్ర వహిస్తుంది. ఒక ఇల్లు, రెండో ఇల్లు, మూడో ఇల్లు.. ఇలా ఎన్ని కట్టుకున్నా మనం తిరిగేది ఒక ఇంట్లోనే.. జీవించేది ఒకే ఇంట్లోనే.. ఒకేసారి రెండు ఇళ్ళల్లో తిరగలేము. ఒక వందెకరాలు.. కాదు కాదు వెయ్యి ఎకరాలు.. కాదు లక్ష ఎకరాలు.. ఎంతున్నా ఒక్కరోజులో అంతా తిరగలేము కదా? కానీ మనకు కావాలి. నాకు కావాలి.. కాదు నాకు కావాలి అనే ఆరాటం. పోరాటం. శతృత్వం. అశాంతి. ఇదంతా మనిషికి ఉన్న కాస్తంత జీవితాన్ని ఛిన్నాభిన్నం చేస్తోంది. బతుకుతున్నామనుకుంటూనే ప్రతి రోజూ కొంత కొంతగా ప్రాణాలను తీసేస్తోంది.

తప్పకుండా వినండీ

​⁠ 

పురిటిగడ్డ

 పుత్రవ్యామోహం తో భార్యలను హింస పెట్టే భర్తలు కుటుంబం, వలస కూలీల కష్టాలను విపులంగా చర్చించిన కథ ఇది. 

తప్పకుండా వినండీ..