ఇది వొక కథ
“అన్వేషి “
ఎవరు నువ్వు?
“గుర్తించలేవా, పిచ్చిదాన్ని”
ఏమిటీ వెతుకుతున్నావ్?
“పోయిన వస్తువు ని”
విలువైనదా,రోజూ వెతుకుతున్నావ్?
“అమూల్యం”
ఇవాళ కూడా దొరకలేదా ?
“దొరికితే ఎందుకు వెతుకుతాను”
ఎన్నాళ్ళిలా?
“ఓపిక నశించేంతవరకూ”
పోనీ,నన్ను సాయం చెయ్యమందువా?
“పోగొట్టుకున్నప్పుడు నువ్వు నాతో లేవు కదా”
నేను కొనిస్తాను వచ్చెయ్యరాదూ?
“అబ్బే అది జరగని పనిలెండి”
చీకటి పడిపోయింది మరి?
“చీకట్లోనే పోయింది “
ఏమిటదీ?
“నా చేతి గాజు ముక్క”
వెతుకుతున్నది గాజుముక్క కోసమా?
“అవును నా గాజులు చిట్లింది ఇక్కడే “
ఎవరు చిట్లించారు ?
“నా మనసును దొంగిలించినవాడే”
ఎక్కడ అతను?
“గారడీ వాడికి చిరునామా వుండదు “
********************************
కామెంట్‌లు లేవు:
కామెంట్‌ను పోస్ట్ చేయండి