31, డిసెంబర్ 2010, శుక్రవారం

శుభాకాంక్షలు

ఆత్మ దీపో భవ 
 ఈ..ఏడాది  ఆఖరున మీ అందరి మధ్యన విరిసిన  సుమాన్ని  నేను

 ఎన్నో ఆశలతో ఎన్నోఆకాంక్షల తో
ఎంతో నేర్చుకోవాలన్న తపనతో
ఎన్నోఆలోచలని పంచుకోవాలన్న ఆరాటంతో
పరుగులు తీస్తున్నఈ పయనంలో.

 మీ అందరి సలహాలు సూచనలు తీసుకుని
 వనజవనమాలి ఎదిగి ఒదగాలని   ఆకాంక్షించుతూ

ప్రతి ఒక్కరు ఆత్మదీపోభవగా ఎదగాలని కోరుకుంటూ..

కాలం కౌగిలిలో   మనమందరం బందీలం
క్షణమైనా మనఃస్పూర్తిగా శ్వాసించి
ఆశించి భాసించి మానవత్వ పరిమళా లని
మన ముద్రలని   సింధువులో  బిందువుగా
మిగిల్చి  వెళ్లేందుకు కృషి  చేసేందుకే

ఈ కాలం మనకి రేపుని ఇచ్చిందని భావించాలని మనవి చేస్తూ

మిత్రులారా! మీ అందరికి హృదయపూర్వక నూతన సంవత్చర  శుభాకాంక్షలు 

అదిగదిగో యమునా తీరం ..

Posted by Picasa
అదిగదిగో.. యమునా తీరం .. మాసం చైత్రం ..
పాట .. ఎప్పుడైనా.. విన్నారా..?

నేను.. ఛాలా.. సార్లు..విన్నాను.. ఎందుకంటే కోరేది నేనే..కాబట్టి..
ఆకాశవాణి..లో.. జనరంజనిలో.. ఈ ..పాటకై.. చెవులు.. వూరించుకుని.. విన్న రోజులని.. తలచుకుంటే.. ఎంత ఆనందమో..!

ఈ..పాట.. తెల్లగులాబీలు.. అనే.. చిత్రం లో..పాట..
మైలవరపు గోపి.. సాహిత్యం.. శంకర్-గణేష్.. స్వర కల్పన. ఎస్.పి. బాలు.. జానకి.. గళం.

నేను..ఈ.. సినిమా.. చూడలేదు.. కాబట్టి..తారాగణం తెలియదు.. నాకు.. పాటలు.. మాత్రమే.. తెలుసు..
ఎంత.. మధురమో.. ఈ..పాట. వినండి

ఒక..పాట.. మనపై వేసే ముద్ర.. ఛాలా.. ఘాడం.
ఎందుకో.. ఈ పాటని.. నేను.. చాలా.. ఎంజాయ్.. చేస్తాను..
అన్ని..సమపాళ్ళలో.. ఉండి.. అద్భుతంగా.. ఉంటుంది.. అందునా.. మంచి .. రొమాంటిక్.. సాంగ్,.. కూడా..

సాహిత్యం ఇదుగోండి..

అదిగదిగో.. యమునా తీరం మాసం చైత్రం.. సంద్యాసమయం.. ..
అటు-ఇటు..ఎద-పొద..అంతా..విరహం. విరహం..
మరి మరి.. వేగిపోతుంది..హృదయం..
అయినా.. ప్రణయం మధురం..
ప్రియ..ప్రియ..జారిపోనీకు తరుణం..(అది)

దూరాన యే వాడలోనో..
వేణుగానాలు రవళించ సాగే..
గానాలు.. వినిపించగానే..
యమునా తీరాలు పులకించి పోయే..
పూల పొదరిల్లు..పడకిల్లు కాగా..
చిగురు పొత్తిళ్ళు ..తల్పాలు కాగ..
ఎన్ని కౌగిళ్లు..గుబిలింతలాయే ..(అది)

విధి లేక పూచింది కాని.. ..
ముళ్ళగోరింట.. వగచింది..ఎదలో..

పూచింది యే చోటనైనా.. పూవు చేరింది..పూ..మాలనేగా...
యే సుడిగాలికో.. వోడిపోక..
యే జడివానకి..రాలిపోక..
స్వామి పాదాల చేరింది..తుదకు.. (అది) ..

వండర్ పుల్ .. కదండీ..
ఎంత.. స్వీట్ సొంగో.. వినండి..
తప్పకుండా...వినండీ..
అదిగదిగో యమునా తీరం ఈ లింక్ లో .. అదిగదిగో .. యమునా తీరం

30, డిసెంబర్ 2010, గురువారం

గురు శుశ్రూష చేసి జ్ఞానం ఆర్జించక్కరలేదు..పురాణ ఇతిహాసాలు చదవక్కరలేదు..

Posted by Picasaసిరివెన్నెల  సాహిత్యం ..లో  లోతులు .. చూడటం  నేర్చుకుంటే .. మనిషిగా .. మనం  ఎలా .. ఉండాలో .. తేలికగా తెలిసిపోతుంది..

 గురు శుశ్రూష చేసి జ్ఞానం ఆర్జించక్కరలేదు.. పురాణ ఇతిహాసాలు  చదవక్కరలేదు..
 పుస్తకాలకి అంకితమవసరం లేదు.. అని.. ఒక వేదికపై.. ఒక సెలబ్రిటి.. చెపుతుంటే.. విని.. అవునా! అని ఆశ్చర్వం కల్గి   దీర్ఘంగా.. ఆలోచించడం.. వారు వ్రాసిన పాటలని అదే.. పనిగా.. వినడం అలావాటు చేసుకుని.. సెలబ్రిటి చెప్పిన మాటకి.. వ్యతిరేకంగా.. చేయడం మొదలెట్టాను.. అంటే.. కావ్య పటనం మొదలెట్టాను .. ఎందుకంటే.. అందులో.. మాధుర్యం   చెపితే అర్ధం కాదు.. కావ్యామృతం  సేవించాలన్నమాట.. కొన్నాళ్ళకి  కి అది మానేసాను మళ్ళీ.. .ఎందుకంటే.. నాకు అవి అర్ధం కాలేదు కాబట్టి..మళ్ళీ.. పాటలే వినడం  శరణ్యం ..

 మా ఇల్లు.. ధ్వని కాలుష్యంతో.. నిండిపోయేది .. ఇంట్లో వాళ్ళందరికీ  .. చెవుల్లో.. దూదులు .   పెట్టేసి.. వాళ్ళని విననందుకు.. దురదృష్ట వంతుల్ని  చేసేసి..  నేను పాటల పిచ్చి దానిగా.. ముద్ర వేయించుకుని.. మరీ.. సాధించిన.. సముపార్జునం  అండీ.. ఇది.. . కనీసం నలుగురుతో.. పంచుకోని బ్రతుకు.. ఎందుకు.. చెప్పండి..  అందుకే.. ఇలా..

సరే.. సిరివెన్నెల  గురించి   చెప్పడం  కంటే.. వింటే.. మంచిది..  ఒక సమగ్ర సాహిత్యనిధిని.. పరిచయం చేయక్కరలేదు కదా.. ఇప్పుడు ఒక పాట.. నాకు నచ్చిన  వారి రచనలలో..ఒక.. నూలుపోగు.. ని.. నేను (అందరికి) పరిచయమార్పణమస్తు  అని. .. సాహితి  పూర్ణ చంద్రుడికి  వందనాలు అర్పిస్తూ.. కీర్తిస్తూ.. ఆయన కలం అపురూపంగా.. కీర్తించిన అపురూపమైన ఆడజన్మ గురించి.. ఆ పాట గురించి..

 ఎమ్.ఎమ్.కీరవాణి.. స్వరకల్పనలో.. గాన గంధర్వుడు.. కే.జే.ఏసుదాస్ .. గళ మాధుర్యంతో.. ఇల్లాలే.. ఈ..జగతికి.. జీవనజ్యోతి తర్వాత.. అంత  స్థాయిలో.. వచ్చి.. అందరి నోళ్ళలో.. నలిగిన పాట.

 కార్యేషు దాసీ.. కరణేషు మంత్రీ..
భోజ్యేషు మాతా.. శయనేషు రంభ..

అపురూపమైనదమ్మ ఆడజన్మ.. ఆ జన్మకి.. ప్రతిరూపం ఇల్లాలమ్మ(అపు)

మగ వాడి బ్రతుకులో.. సగపాలు.. తనదిగా..
జీవితం అంకితం చేయగా.. (అపు)
పసుపు తాడు ఒకటే.. మహా భాగ్యమై..
బ్రతుకుంది పడతి పతే..లోకమై..
మగని మంచి కోసం పడే ఆర్తిలో.. సతిని మించగలరా ..యే  ఆప్తులు..
ఏ  పూజ చేసినా.. యే నోము నోచినా..
ఏ స్వార్ధం లేని త్యాగం భార్యగా చూపదా.. ముందుగా..(అపు)

కలిమి లేములన్ని ఒకేతీరుగా..
కలసి పంచుకోదా  సదా తోడుగా..
కలిసిరాని కాలం  వేలేవేసినా.. విడిచి పోనీ బంధం తనై ఉండదా.!
సహ ధర్మచారిణే .. సరిలేని వరమని..
సత్యాన్ని కనలేనినాడు.. మోడుగా.. మిగాలడా.. పురుషుడు (అపు)

భార్యని వీడిన  మగవాడికి వీపున చెళ్ళున చరచినట్లు లేదూ.. !  ఇంతి ఇంతికి..  ఒక కథ... ఎంత పంచుకున్నఅది  తరగని వ్యధ.. అందుకే.. మాటలతో.. చెప్పలేక పై చిత్రం తో.. నా.. ఆవేదన వెల్లడిస్తున్నా..

 ఈ పాట ఎవరికైనా.. ఇష్టం అంటే.. నాకు.. కోపం.. ఇంత మొత్తుకోవాలా.. ఇంకానా!.. స్త్రీ..విలువ ఇంకా.. తెలియదా అని బాధ.

సిరివెన్నెల.. గారు ఇంకోటి కూడా.. చేరిస్తే.. ఇంకా.. బాగుండేది..
"క్షమయా.. ధరిత్రి.." అని..
సహోధరులలరా.. కోపం తెచ్చుకోకండి..  నిజం తెలుసుకోండి.. ఇది. .. విన్నపం.
గతంలో.. ఇలా.. చెప్పినప్పుడు .. సోదరులకి కోపం వచ్చింది.. అందుకే..ముందస్తు.. విన్నపం అన్నమాట..

దేనికైనా.. పారదర్శకత  ఉండాలి కదా.. మాటైనా.. పాటైనా.. ప్రవర్తనకైనా. అందుకే.. విని.. పిసరంత.. వాస్తవంలో.. ఉందామని.. నా.. తపన. అంతే..!!

 ఫ్రెండ్స్.. నా పాట మాట.. చూసినంధులకు.. ధన్యవాదములు.

పవిత్రబంధం ని.. పవిత్రబంధం గానే భావిస్తే.. గుదిబండల్లాంటి  .. బ్రతుకులుండవు  కదా.!!!!! 

చాలా..పాటలు మనలోని కాల్పనిక భావనలకి..రూపాలేమో!



కొన్ని పాటలు వినడానికి బాగుంటాయి.. కొన్ని పాటలు.. చూడటానికి.. బాగుంటాయి..వినడానికి,చూడటానికి    సాహిత్యపరంగా  కూడా మేలేన్నికగల పాట.. నువ్వు వస్తావని.. చిత్రంలో..  కొమ్మ కొమ్మ.. విన్నారమ్మా  ..కోయిల వస్తుంది.. అనే..పాట.

 ఆపాట.. నాకు ఇష్టమైన పాటలలో.. టాప్ ౩ గా.. చెప్పుకుంటాను..
ఈ..పాట.. సాహిత్యం.  ఈ.ఎస్.  మూర్తి.
సంగీతం.. ఎస్.ఎ .రాజ్ కుమార్.
ఎందుకో.. చెప్పలేను.. ఈ..పాటంటే.. చాలా చాలా చాలా ఇష్టం.
నేను తెలిసిన వారందరికీ ఈ పాట వినగానే నేనే గుర్తుకు వస్తానని చెపుతారు..
ఈ..పాట వస్తున్నా ఏదైనా.. ఛానల్ లో మూవీ.. వస్తున్నా నాకు  కాల్ చేసి మరీ.. చెపుతారు.
ఈ..పాట సాహిత్యం.. కారణం కావచ్చు..

నా.. అంతరాలలో దాగి ఉన్న భావాన్ని..బలంగా  సూచిస్తుంది.. బహుశా .. అది తీరని కోరిక
కావచ్చు
చాలా పాటలు మనలోని  కాల్పనిక  భావనలకి..రూపాలేమో.!
అందుకే.. పాటలు మనలని.. ఆకర్షిస్తాయి. కాసేపైనా మనని  కలల్లో.. విహరింపజేస్తాయి అనుకుంటాను నేను..

ఇక పాట విషయానికి వస్తే..  ప్రకృతిలోని.. వస్తువులతోనే.. పాట సాహిత్యం ఆసాంతం.. సాగుతుంది.. బహుశా.. రచయిత.. భావకవిత్వ ప్రేమికుడేమో.!.

ఇక ఎస్. ఏ రాజ్ కుమార్  సంగీతం.. బాగా అలరిస్తుంది.. ఇళయరాజా.- కీరవాణి ల తర్వాత  మణిశర్మతో..  దీటుగా.. స్వరాలు.. అందించిన..ఘనత. కానీ.. అన్ని పాటలకి. ఎక్కడో   ట్యూన్స్ కలుస్తుంటాయి..
అది అప్రస్తుతమనుకోండి. పాట  సాహిత్యం..ఇదిగోండి...

కొమ్మ.. కొమ్మా.. విన్నారమ్మ.. కోయిల వస్తుంది..
వస్తూ.. వస్తూ.. తనతో.. వెన్నెల వెలుగులు తెస్తుంది..
ఏమమ్మా.. మరుమల్లి.. తోరణాలు కడతావా..
చిలకమ్మా.. యిదురేగి.. స్వాగతాలు చెబుతావా..
పూల పొదరిల్లె .. రా..రమ్మంది..
విన్నానమ్మా ! తీయని వేణువు రమ్మని పిలుపులని..
చూసానమ్మా.. స్వాగతమంటూ.. తెరచిన తలుపుల్ని.. (కొ)
పగలు రాత్రి అంటూ.. తేడా లేనేలేని..
పసిపాప నవ్వులని చూడని..
తోడు..నీడ నువ్వై.. నాతో.. నడిచే.. నీతో..
ఏనాటి రుణముందో..అడగనీ..
చేదు చేదు కలలన్నీ..కరిగి తేనె వరదవని..
కానుకైన  స్నేహాన్ని గుండెలోన దాచుకుని.
ప్రతి జన్మకి.. ఈ..నేస్తమే.. కావాలని..
కోరుకుంటానమ్మ దేవుళ్ళని   (కొ)

ఇదిగో.. నిన్నే..అంటూ.. ప్రేమే.. ఎదురై వస్తే..
ఏ ..పూలు.. తేవాలి పూజకి..
నీతో..జతగా.. ఉండే వరమే..నువ్వే ఇస్తే..
ఇంకేమి కావాలి జన్మకి..
మచ్చ లేని చంద్రుడిని మాటరాక చూస్తున్నా..
వరుసకాని బంధువుని  చొరవచేసి.. అంటున్నా..
ఇంకెప్పుడు ఒంటరినని.. అనరాదని..
నీకు సొంతం అంటే.. నేనేనని.. (కొ)

ఇదండీ.. సాహిత్యం..

నాగార్జున సిమ్రాన్ జంట.. కళ్ళల్లో.. కాపురం పెట్టేస్తుంది.. చూసినంత సేపు.. కూడా.. ఈ..పాటలో.. హంపీ.. మండపాన్ని.. చూడవచ్చు..ఇంకొక మాట చెప్పడం మరచాను. జెమిని మ్యూజిక్  చానల్ కి.. నేను.. ఎప్పుడు కాల్ చేసినా.. ఆ రోజు ఆ పాట ప్లే.. అవ్వకుండా..ఉంటె కనుక  రెడీగా  ఉంటారు..ప్లే చేసేందుకు కి. నాకు ఈ పాట  అంటే ..అంత ఇష్టమని  పేరు పడిపోయిన్దండీ.. అందుకే.. నా టేస్ట్  పై నమ్మకం కల్గితే.. మీరు వినండి.. లేక పోతే.. వదిలేయండి.. ప్లీజ్!  అలాటి స్నేహం తోడు ఉండాలని కోరుకొండీ.! వోదార్పుగా ,నిబ్బరంగా.. ఉంటారు.. ఇది నిజం.. సుమండీ..!


29, డిసెంబర్ 2010, బుధవారం

బ్రహ్మ రాత మీద ఆన..భరతమాత మీద ఆన..మువ్వన్నెల మీద ఆన..మన బంధం మీద ఆన


ప్రక్కనున్న.. ఈ. పిక్. చూస్తుంటే.. మీ.. మనసుకి ఏమనిపిస్తుందీ ...!

అరె .. మీరు చెప్పినా .. నాకు తెలియదు కదా .. ఫ్రెండ్స్ .. నేనే.. చెప్పేస్తానులే..
ఎంత బాగుంది.. ప్రేమ స్నేహం కలయికల్.. తో.. ఈ..పిక్ . అనుకుంటారు కదా..!.

నేను.. చెప్పబోయే పాట వింటే.. మీకు అలానే.. అనిపిస్తుంది.. అనిపించకపోతే.. మీ..ఇష్టం..

ఒక సినిమాలో.. ఒక పాట హిట్.. అయితే.. అందరు అదే..పాట వింటుంటారు.. కానీ.. నా..చూపు.. వేరే.. అని.. తర్వాత నేను వినే పాటలని బట్టి.. అందరూ.. తీర్మానించుకుని.. నన్ను..పొగిడేసి.. నాకు.. కొమ్ములు.. పెడుతుంటారు.. నా.. మిత్రబృందం.

నాకు.. బాగా నచ్చిన పాట.. సుబాష్ చంద్రబోస్ .. చిత్రంలో.. పాట.. చంద్రబోస్.. కలం.. వారే..వ్వా .. అనిపించక మానదు..

2 వ చరణం ఆఖరిలో.. బ్రహ్మ రాత మీద ఆన.. భరతమాత మీద ఆన.. మువ్వన్నెల మీద ఆన.. మన బంధం మీద ఆన... నలుపున మనమే.. గెలుపున మనమే.. ఎంత ఉత్కృష్టమైన.. భావం.. పచ్చ మీద ఆన.. పసుపు కొమ్ము మీద ఆన.. పరమాత్ముని మీద ఆన.. పరువాల పైన ఆన.. ఇలాటి.. ఉన్నత వాగ్దానాలు.. ఆస్వాదిస్తే.. మీరు.. ఆ.. భావంలో నుండి.. బయటపడటం.. అంత తేలిక కాదు....

ఎన్ని జనమలకైనా. ఎంకి నాయుడు బావలు.. మీరే.. అవుతారు.. నువ్వు లేక ఉండలేని ప్రాణాల మీద ఆన.. నేను నువ్వే.. నువ్వు.. నేనే.. అంటూ.. ఎంత ఘాడంగా.. చెప్పడం..ఇలా.. వ్రాయడం.. హృదయ స్పందనకి అక్షర రూపం కల్పించే.. కవి కలానికే.. సాద్యం కదా!.

ఈ.. పాటకి స్వర కల్పన.. మణి శర్మ. వింటూ.. అలా.. ప్రపంచాన్ని.. మర్చి పోవచ్చు.. అణువు అణువు.. రస స్పందనతో.. ఊగిసలాడక మానదు.. సాంగ్ రేటింగ్.. 5 స్టార్స్ కి.. లిమిట్ పెట్టకుండా.. ఉంటే నేను 10 . స్టార్స్ రేటింగ్ ఇచ్చేదాన్ని.

అంత బాగుంటుంది.. కోరస్.. సూపర్.. అండీ.! పధం కదిపి.. నర్తించకుండా.. ఉండలేరు.. ..
పాట.. స్టార్టింగ్.. ఒక.. అందమైన ఎత్తుగడ.. ఇన్ని.. మంచి గుణాలున్న ఈ.. పాటని మన ప్లే లిస్టులో.. పెట్టుకోక పోతే.. అస్సలు .. బాగోదు.. రాగా లో.. లభ్యం .మీరు వినండీ.. నేను.. వింటూనే.. ఉన్నాననుకోండి .. పాట.. ఏమిటో.. చెప్పా లేదు కదూ.. ! జా. జి.. రి.. జా.. జి.. రి.. మావా.. ఎన్ని జనమలకైన నువ్వే.. నాజత మావా..Permalink వినేయండి.

ఇక్కడ చూడ వచ్చును కూడా..



.


అక్షరశిఖరం

Posted by Picasa నిన్న  ఒక  గుర్తు.. నేడు  ఒక కల.. రేపు.. ఒక ఆశ  . యుగ యుగాలే కాలగర్భంలో.. కలిసిపోతుంటే..  మనిషి ఎంత..  మనిషి తన తరతరాల జ్ఞానాన్ని.. విజ్ఞానాన్ని.. అక్షర రూపంలో.. నిక్షిప్తం చేసుకుని.. కాలం సాగిపోతూనే ఉంది.. కాలంతో .. కవిత్వం పరుగు తీస్తుంది..  కవిత్వంతో.. తరతరాలు.. పరుగులు తీయాలి.. ఈ..నవ కవితా పథంలో. . నేను..  వాస్తవికతకి.. దర్పణం ఈ.. కవిత.


     అక్షరశిఖరం 

అతనొక అక్షర శిఖరం  ..
సదృశ్యమైన రూపంతో..
మనల్ని.. ఊరిస్తూ..ఉంటాడు..
అతనొక అక్షర తరంగం..
 భావ కెరటాలతో.. మనల్నిముంచెత్తి  ..
 తనలో మమేకం చేసుకుంటాడు..
 అతనొక.. అక్షర సవ్యసాచి.
లోపాలని. వాస్తవాలని పాటకులపై..
అస్త్రాలుగా .. సంధిస్తాడు..
అతనొక  అక్షర పిపాసి..
తను వ్రాయకుండా..
మనలని చదవనీయకుండా
ఉండనీయ లేడు..
సామాజిక రుగ్మతలని
ఔపాసన పట్టిన అతని కలం.. .
అప్రతిహతంగా. నడక సాగిస్తూనే ఉంటుంది..
అతని అక్షరం ప్రవర్ధమానంగా..
బహుమతుల పల్లకి పై..
ఊరేగుతూనే ఉంటుంది..
అతను మాత్రం ఎన్నటికి వర్ధమాన రచయితగా..
మిగిలిపోతూనే ఉంటాడు...
రోజు కోక ఉత్తమ కథ,
కవిత  మద్యం సీసాకి అమ్ముడై..
ఆర్తిగా.. అతనిని హత్తుకుని
 సేద తీరుస్తూనే ఉంటుంది..


కృష్ణాతీరంలో తానా-చైతన్య స్రవంతి - తెలుగు వైభవం

 తానా-చైతన్య   స్రవంతి  - తెలుగు వైభవం.  

కృష్ణాతీరంలో.. డిసెంబర్ 19 న జరిగిన..  ఓ.. కార్యక్రమం గురించి మీ.. అందరితో.. పంచుకోవాలనే .. ఈ.. చిన్ని ప్రయత్నం .

 మాతృ దేశాన్ని  వీడిన మన సహోదరులు  మాతృ బాషపై మమకారంతోను..మన ప్రాచీన జానపద కళారూపాలను.. ఈ తరం కి.. గుర్తు చేయడానికిని  తానా-చైతన్య  స్రవంతి  - తెలుగు వైభవం పేరిట విజయవాడ  పట్టణంలో.. .  అత్యంత పేరెన్నికగన్న   కళారూపాల ప్రదర్శన లను ఏర్పాటు చేసారు.

అంతకు ముందుగానే 18 -25   వయస్సు మద్య ఉన్నవారికి.. వచన కవితలపోటిని.. నిర్వహించారు. ఆ.. పోటీలను మా.. సంస్థ ఎక్సరే  (సాహిత్య,సాంస్కృతిక.సేవా సంస్థ )  నిర్వహించడం జరిగింది.

ముగ్గురు న్యాయనిర్ణేతలతో..కూడిన బృందం.. విజయవాడ  పరిసర   ప్రాంతాలలోని కవులు.. పాల్గొని  సభని పరిపుష్టం చేయడం ఒక వంతు అయితే..  ఆ పోటీలలో.. పాల్గొన్న యువ కవులు గురించి  చెప్పడం.. చాలా అవసరం. కవిత్వం అంటే.. అదేదో అర్ధం కాని బాష అనుకునే వారు ఎవరు లేరు ఇప్పుడు..  ప్రతి ఒక్కరు కవిత్వంని ఆస్వాధించేవారే!   పద్యం నుండి.. వచన కవిత్వంగా.. రూపాంతరం  చెందిన.. 70 వ ధశక  ప్రారంభం నుండి.. వచన కవిత్వానికి వేదికగా.. ఎక్సరే.. పత్రిక  ఉండేది.

అమలాపురం నుండి  మద్రాస్ వెళ్లి.. మళ్లీ .. విజయవాడ.. వచ్చి.. ఇక్కడే స్థిరపడిన.. ఎక్సరే.. సంస్థ.. గత పదమూడు ఏళ్ళుగా .. సాహితీ.. కార్యక్రమాలు.. నిర్వహిస్తుంది.అందులో.. ముఖ్యమైనది... నెల నెల వెన్నెల.. కార్యక్రమం.  గత పదనూడు ఏళ్ళుగా.. ఎంతో మంది కవులను.. తీర్దిదిడ్డింది..  ప్రతి నెల.. మొదటి ఆదివారం ఈ.. కార్యక్రమమని.. నేనే.. నిర్వహిస్తాను.

ఇంతకి.. నేను.. చెప్పొచ్చేది ఏమిటంటే   మాతృ బాషపై.. మమకారం తగ్గుతుంది అని భయపడుతున్న  ఈ..రోజుల్లో.. యువత బాషపై.. తమకి ఎలాటి పట్టు ఉందో.. వాళ్ళ కవిత్వం  ద్వారా.. నిరూపించారు. పైగా.. వాళ్ళు.. ఇంగ్లీష్ మాద్యమం ద్వారా విద్యని.. అవలంబిస్తున్నవారే  ! తెలుగు  వెలుగు  మన నుండి దూరం చేయడం .. ఎవరికి సాద్యం కాదు అని నా.. అభిప్రాయం.

తానా.. నిర్వహిస్తున్న వచన పోటీలు.. అనగానే .. దూర ప్రాంతాలైన   పలమనేరు, కోట, వెంకటగిరి, మంచిర్యాల మొదలగు.. ప్రాతాలనుంది యువ కవులు.. పాల్గొని.. బహుమతులు.. పొందారు..   వారు.. వ్రాసిన  మంచి కవితలు.. సామాజిక వర్తమాన ఆర్ధిక  ,రాజకీయ దృక్పోణంలో.. మేలేన్నికగన్నవి..   నేను.. చాలా సంతోషపడ్డాను..  యువత.. చాలా.. ముందుకు దూసుకేళ్ళుతుంది. ఎటు తిరిగి వారిని .. సరియిన ట్రాక్ పైకి.. మళ్ళించాలి.. సాహిత్యంని వారికి రుచి చూపించాలి.  పాఠ్య  అంశాలలో   .. చదువుకుని  తెలుగుని వదిలేయడం కాదు..  జీవనవిధానంలో.. మాతృ బాషకి.. తగిన గౌరవమని ఇస్తూ.. ముందు  తరాలకి..  మన బాషని.. మన ప్రాచీన కళల్ని..  వారసత్వ సంపదగా.. అందించాలనే ప్రయత్నంతో.. తానా  నిర్వహించిన ఈ..పోటీలు.. చాలా.. స్పూర్తికరం.. తానా చైతన్య స్రవంతికి  మనఃపూర్వక  ధన్యవాదాలు.

 అప్పటి కళారూపాల ప్రదర్శన చూసి.. అందరు.. మురిసిపోయారు  ..  డిసెంబర్  24 -25.. తేదీలలో.. జరిగిన ఈ కార్యక్రమాలు.. విజయవాడ  . పట్టణంలో.. ప్రజలకి.. 20 ఏళ్ళ క్రితం   సంక్రాంతికి..  పుట్టిన ఊర్లికేల్లి . .. గడిపినట్లు ఉంది..  ఇలాటి తెలుగు వైభవాలు.. నిత్యం జరగాలని కోరుకోవడం అత్యాశ  అవుతుందేమో.. కానీ.. ఆర్నెల్లకి   ఒకసారి అయినా జరగాలని కోరుకుందాం.

చివరగా.. ఒక మాట.. ఎక్సరే.. అని ఇంగ్లీష్ పేరు పెట్టారు.. మీ.. సంస్థ పేరు.. అని అడుగుతుంటారు. కోట్ల గుండెల్లో.. రగిలే జ్వాలలను.. చిత్రీకరించి.. హృదయం అనే.. డార్క్ రూంలో   డెవలప్ చేసి.. సమాజం ఆల్బంలో.. ప్రదర్శించడమే..  ఎక్సరే.. పని..  ఆ.. పని.. చేసే యజ్ఞంలో.. మా..సంస్థ.. నడుస్తుంది.. అదన్నమాట ఎక్సరే కి అర్ధం...  ప్రపంచమొక పద్మవ్యూహం .. కవిత్వమొక  తీరని దాహం .. శ్రీ..శ్రీ..  సాక్షిగా.. కవితా  ప్రక్రియలో..  ఆంద్రుల  నాడిని,ఒరవడిని.. చాటి చెప్పడమే పనిగా.. ఈ.. బ్లాగుల.. పరికింత.. నా.. పులకింత.

బ్లాగు లోకంలో.. నవ కవిత్వం విల్లివిరియాలని.. ఆకాంక్ష. యే రకమైన సాహిత్య ప్రక్రియ   అయినా.. అందరిని  అలరింపజేసి   మన మూలాలను  మరువకూడదనే ..అభిలాష .

 సామాన్య చదువరిగా  నేను కోరుకోవడంలో.. తప్పు ఉందంటారా!

27, డిసెంబర్ 2010, సోమవారం

విదేశాలకి వెళ్లి..



మన బ్లాగ్ ఫ్రెండ్  వెలిబుచ్చిన అభిప్రాయం  చూసాను.. చాలా.. మంది తల్లితండ్రులకు  విదేశాలకి వెళ్లి.. డబ్బు సంపాదించడమే.. ద్యేయం కాదు..  వారి వారి కాలంలో.. చేయలేని  పనులు, రాని అవకాశాలు వారి బిడ్డలకి.. లభిస్తున్నాయి. అందుకు సంతోషమే కదా !   అందరు చదువు   విలువ తెలుసుకుని చదువుకుని వ్యక్తి అభివృద్దితో పాటు.. దేశ అబివ్రుద్దిని కోరుకోవడం తప్పుకాదు కదా !  అలా.. నడుచుకోమని సాక్షాత్ మాజీ ప్రధాని  గారే సలహా.. ఇచ్చారు కూడా. 

 మన దేశంలో.. సాధించిన  అభివృద్ధి కన్నా.. విదేశాలలో..  మన నైపుణ్యాన్ని.. అమ్మి.. వారికి మంచి.. అభివృద్ధిని సాధించిపెట్టి.. మాతృదేశ విజయకేతనంని  ఎగురవేస్తుంటే.. మనం గొప్పగా.. చప్పట్లు కొట్టుకోవడంలేదూ ! ఈ.. దేశంలో.. అబివృద్ధి.. కుంటు పడుతూ  ఉందంటే  కారణం.  కుల మత బేధాలు..ఓటు  బ్యాంకు రాజకీయాలు, వేళ్ళూనుకున్న  అవినీతి అని తెలియడం లేదు?  అవినీతిని నిర్మూలించడం ఎవరివల్ల సాద్యం..!?

  వేలంవెర్రి చదువులు వల్ల తగ్గిన  ఉపాధి అవకాశాలు. నిరుద్యోగం తో  నిరాశ నిసృహలతో.. యువత  కొట్టు మిట్టాడుతూ.. విదేశాలకు  పయనమవుతున్నారు. పట్టభద్రులైన.. కొంత మంది యువకులు వారి వారి నైపుణ్యం తో.. పరిశ్రమలని.. స్థాపించి.. మరికొంతమందికి.. ఉపాధి అవకాశాలు.. కల్పించాలనే ఉత్సాహం    ఉన్నా  కూడా ..  వారికి.. తగిన  రీతిలో.. ప్రోత్సాహం లబించడం లేదు.. అడుగడుగునా.. నిరాశ.  పరిశ్రమల స్థాపనకి  లభించే  అనుమతి నుండి  కేటాయించే..  భూమి దగ్గరనుండి..  కరంటు,నీరు.. యంత్రసామాగ్రి.  వరకు.. అడుగడుగునా ఆంక్షలు.  అధికారుల లంచగొండితనం తో  విసిగి వేసారిన యువత ఇక్కడ ఏం చేయాలో తోచక  విదేశాలకి పయనం అవుతున్నారు.   విదేశాలలో.. చదువుకోవడానికి  మాత్రం  అడగగానే లక్షలకి లక్షలు లోనులు ఇచ్చే.. బ్యాంక్లు.. పరిశ్రమల స్థాపనికి.. ఎన్నో రూల్స్.. పెట్టడం గమనించవచ్చు.

ప్రభుత్వాలు.. విదేశి సంస్థలకి.. ఆహ్వానం  పలకడం,. కార్పోరేటులకి .. కొంగు  బంగారంగా.. మారడం..  వీటన్నిటి మద్య యువత  ఏమి   చేయాలి?    పరాయిచోట ..  అదిక చాకిరి  చేస్తూ.. విదేశీ ద్రవ్యంతో.. స్వదేశంలో.. అభివృద్ధి.. చెందామను కుంటున్నారు.  పిల్లలని.. అక్కడికి పంపిన తల్లిదండ్రులు.. కంటి మీద కునుకు లేకుండ.. వారి క్షేమం కోసం  నిత్యం  ఆరాటపడుతున్నారు..

 ఈ.. దేశంలో.. బ్రతకడం ఎంత కష్టతరం  అయిందో.. మండే.. నిత్యావసర ధరలు.. చూస్తే.. అర్ధమవడంలేదూ ..!  విద్యావిధానాలు  మారాలి, ఉపాధి  అవకాశాలు  పెరగాలి.  చిత్త  శుద్ధి  లేని  ప్రభుత్వాలని.. ఎన్నుకుని.. ప్రజలు.. పాట్లు పడుతూ..  దేశ మాత ని.. కీర్తించుకుంటూ.. గుడ్డెద్దు చేలోపడి మేస్తూ.. వెళ్ళినట్లు..  పిల్లల..  అభివృద్ధి కాంచుతూ.. త్రుప్తిపడటం మినహా..  ఈ.. వ్యవస్థని ప్రక్షాళన చేయడం  ఎవరి తరం.. చెప్పండి!   ప్రపంచమే.. ఓ.. కుటీరం.. విశ్వజనీయ భావన పెంపొందించు కున్నామని  తృప్తి పడుతూ..  సంతోషంగా ఉందామని..  చాలా అసహ్యంగా  మొన్ననే.. జోక్.. చేసుకున్నాం  కూడా ! క్షమించాలి..  ఫ్రెండ్స్..  అంత కన్నా ఏం చేయాలో తెలియక .  మాత్రమే !

తగిలే రాళ్ళని పునాది చేసి ఎదగాలని..తరిమేవాళ్ళని హితులగా తలచి ముందు కెల్లాలని


Posted by Picasa ఐ యామ్ అల్ల్వేస్ విత్ యు..
ఇలా.. మీతో.. అనేవారు ఉంటారు కదా!
ఇప్పుడు..ఈ పాట ఏమంటుందో చూడండీ !

చీకటితో వెలుగే చెప్పెను .. నేనున్నానని.. ఎంతో.. స్పూర్తికరమైన పాట.

నా.. లైఫ్ టైం.. ఫేవరేట్ సాంగ్..
చంద్రబోస్.. సాహిత్యం..
చాలా.. లైట్ లైట్.. వర్డ్స్ తో.. అనంత మైన అర్ధాన్ని.. చెప్పిన పాట.

నాకు.. చాలా.. నచ్చిన పాట.

ఎమ్. ఎమ్. కీరవాణి.. స్వీయ సంగీతంలో సునీత తో.. కలసి పాడిన పాట.

కథా.. పరంగా.. మొదటి చరణం .. ఎవరైనా ఎదురు దెబ్బలు.. తింటూ.. ఎదగాలని.. స్ఫూర్తి కల్గిస్తూ.. సాగితే.. ఆ.. వ్యక్తే.. రెండో చరణంలో.. ఇంకొకరికి.. వోధార్పునిస్తూ .. నేనున్నానని .. అండగా.. నిలబడటం.. వ్యక్తి పరిణితికి.. చిహ్నంగా.. నిలుస్తూ.. మనిషికి.. ఇంతకన్నా.. ఇంకా.. ఏమి కావాలి అనిపిస్తుంది..

ఎవరు వింటున్నా.. వారి మనసుకి.. అలాటి అండ -దండ ఉంటే బాగుండును అనిపించే..పాట.

చీకటితో.. వెలుగే చెప్పెను.. నేనున్నానని..
ఓటమితో.. గెలుపే.. చెప్పెను నేనున్నానని..
నేనున్నానని .. నీకేంకాదని.. నిన్నటిరాతని మార్చేస్తానని.. (చీ)

తగిలే రాళ్ళని పునాది చేసి ఎదగాలని..
తరిమేవాళ్ళని హితులగా తలచి ముందు కెల్లాలని..

కన్నుల నీటిని కలల సాగుకై వాడుకోవాలని..
కాల్చే నిప్పుని ప్రమిదగా మలచి... కాంతిని పంచాలని..

గుండెతో.. ధైర్యం చెప్పెను..
చూపుతో మార్గం చెప్పెను..
అడుగుతో గమ్యం చెప్పెను..
నేనున్నాని . నేనున్నాని . నీకేంకాదని ..
నిన్నటి రాతని మార్చేస్తావని..

ఎవ్వరు లేని ఒంటరి జీవికి తోడు దొరికిందని..
అందరు ఉన్నా ఆప్తుడు నీవై.. చేరువయ్యావని..
జన్మలకేరుగని అనురాగాన్ని పంచుతున్నావని..
జన్మలుచాలని.. అనుబంధాన్ని.. పెంచుతున్నావని.. ..

శ్వాసతో.. శ్వాసే చెప్పెను..
మనసుతో.. మనసే.. చెప్పెను..
ప్రశ్నతో.. బదులే చెప్పెను..
నేనున్నానని.. నేనున్నానని.. నీకేంకాదని..
నిన్నటి రాతని మార్చేస్తానని.. (చీ)..

వండర్ ఫుల్ .. సాంగ్ కదా.. ప్లూట్ & కీరవాణి.. వయోలిన్.. వాయిద్యం.. మనసుని దోచేస్తుంది..
ఎంతయినా.. మరకతమణి.. స్పెషల్ కదా.. ! ఎన్ని సార్లు విన్నా.. వినాలనిపించదు..

కానీ.. విన్నప్పుడల్లా.. అబ్బ.. ఎంత మంచి పాట అన్పించక మానదు.. మీరూ.. వినండీ..

ఇంతకు.. ముందు.. ఎందరో...... ఈ పాట గురించి.. వాళ్ళ ఫీలింగ్ పంచుకుని ఉండొచ్చు..

నేను.. ఏమైనా.. కొత్తగా.. చెప్పానా! మీరే చెప్పండి...ప్లీజ్!




బంగారుకొండ ..ఈ అమ్మకి నువ్వు అండ

Posted by Picasa మా..ఇంటి దీపం..నా కంటి వెలుగు.. లైటింగ్ & ఎలైటింగ్..తాతినేని ఫ్యామిలీ..
నిఖిల్ చంద్ర తాతినేని.

విద్యార్ధి..యూనివర్సిటీ ఆఫ్ సెంట్రల్ మిస్సోరి (అ . సం .రా )

అమ్మ మనసులోని.. ప్రేమకి..రెట్టింపు.. ప్రేమని.. ఇచ్చే.. నా..కలల దీపమా!వాస్తవ రూపమా!!

నిండు నూరేళ్ళు.. ఆయురారోగ్యములతో .. సుఖ సతోషంలతో..విద్యావివేక సంపన్నుడవై.. యశస్విభవ వై..చల్లగా.. వర్ధిల్లాలని..ఆశిస్తూ..భగవత్ కృప కటాక్షంతో..

నీ.. మాతృ దేశంకి..వన్నె తెచ్చే.. తేజమై..ఎదగాలని..ఆకాంక్షిస్తూ..

ప్రేమతో.. దీవెనలతో.. మీ.. అమ్మ.

ప్రణయమా!


Posted by Picasa
ప్రణయమా! మరుమల్లెపూల తోటలో.. ఘుమ ఘుమ .. పాట..గుర్తోస్తుందండీ. !

నువ్వు.. మరీ చిన్న .. పిల్లవి అయిపోతున్నావు.. అని..అంటారు.. నా.. సన్నిహితులు..
పాట వినడానికి.. భావాన్ని.. ఆస్వాదించడానికి.. వయస్సుతో .. సంబంధం..లేదు కదా..!?

"లవ్ హేస్ నో..సీజన్.. నాట్.. ఈవెన్.. రీజన్.".కాలంతో పని లేనిదీ.. కారణంతో .. పని లేనిదీ.. ఒక్క ప్రేమ.. మాత్రమే..

పాట.. సాహిత్యం.. వేటూరి.. అని అనుకోవద్దు.మనకి లబించే.. వివరాలు అలాగే.. ఉంటాయి..
కానీ.. ఆ పాటని.. చంద్రబోస్.. వ్రాశారు. ఈ చిత్రంలో.. అన్నిపాటలు.. మంచి పాటలే.. బొంబాయిప్రియుడు.. చిత్రం లోని.. ఈ..పాట.. నాకు.. చాలా.. చాలా.. ఇష్టమైన పాట.

సాహిత్యపరంగా.. చంద్రబోస్ ని.. వేటూరి గారితో సమాన స్థాయిలో నిలిపింది.. అంత్య ప్రాస తో.. వారి.. శైలిని.. పట్టి ఇచ్చేస్తుంది..

చంద్రబోస్ కి.. తొలి నాళ్ళల్లో.. మంచి గుర్తింపు.. ఇచ్చింది.. మళ్ళీ.. చెపుతున్నాను.. ఇది చంద్రబోస్ పాట... చంద్రబోస్ గారిని స్వయంగా అడిగి.. నిర్ధారించుకున్న విషయం ఇది.

ఎమ్ .ఎమ్. కీరవాణి.. స్వర కల్పనలో.. స్వయంగా.. చిత్ర తో.. కలసి పాడిన పాట.. ప్రేమలో.. పడిన వారికి.. మనసు.. చేసే.. గారడీలని.. అద్భుతంగా.. వ్యక్తీకరించిన.. పాట.. మీరే.. చూడండి ఈ.. సాహిత్యం..ఇక చిత్ర గారి గళం లోని.. ఒంపులు..సొంపులు..చెప్పనలవి కాదు..విని..తేలి ఆడాల్సిన పాట. .

ప్రణయమా.. మరుమల్లెపూల తోటలో.. ఘుమ ఘుమ..
పరువమా.. సరసాల వీణ పాటలో.. సరిగమ.. మోయలేని భావమా..
రాయలేని కావ్యమా.! నండూరి వారి గేయమా! (ప్ర)

అవునన్నా.. కాదన్న.. మనసే వినక..
మురిపిస్తా వేల న్యాయమా.!
రేయనక.. పగలనక.. తలపుల వెనుక...
తరిమేస్తావేల.. న్యాయమా..!
నిన్న లేని.. చోద్యమా .. నిన్ను.. ఆప సాధ్యమా..?

గుండె చాటు.. గానమా..
గొంతు.. దాటు.. మౌనమా..
ఎదలోని.. ఇంద్రజాలమా! (ప్ర)

పూలనక ముళ్ళనక..
వలచిన క్షణమే.. విహరిస్తావేల.. హృదయమా..
రేపనక.. మాపనక ఆ.. మరు క్షణమే..
విసిగిస్తావేల.. విరహమా..!
లవ్లీ.. ఇంత వింత.. సత్యమా..!?
ఎంతకైనా సిద్దమా.. అంతు లేని ఆత్రమా..!
అందులోన అందమా..
కోటి కలల నేత్రమా..
కొంటె వలపు గోత్రమా.. శృంగార సుప్రభాతమా..! (ప్ర )

ఎంత బాగుంది.. అందుకే.. వినేయండి..వీడియో ..చూసేయండీ ..





నినాలనుకుంటే.. ఇదిగో ఇక్కడే వింటూ ప్రణయంలోని ఘుమ ఘుమ.. లు.. మీలో.. మీరే.. ఆఘ్రాణిచండి..మరి..


26, డిసెంబర్ 2010, ఆదివారం

తన షెహనాయి వాయిద్యంతో.. నిత్యం..కాశీ..విశ్వేశురుడిని మేలుకొలిపే..ఆ మధుర స్వరం స్వర ఝరీ ప్రవాహమై. ..


Posted by Picasa బిస్స్మిల్లా ఖాన్ షెహనాయి...
తెలుగు పాటలో.. వింటే... ఎలా ఉంటుంది.!
అవ్యక్తమైన భావంతో... హృదయం రస డోలికలలో తేలియాడుతుంది..
ఆ.. పాట గురించి నేను చెప్పబోతున్నాను..

తన షెహనాయి వాయిద్యంతో.. నిత్యం.. కాశీ.. విశ్వేశురుడిని మేలుకొలిపే.. ఆ మధుర స్వరం.. స్వర ఝరీ ప్రవాహమై.. ఈ.. పుణ్యభూమిని ధాటి.. మరీ.. విశ్వమంతా స్వర విహారం చేసింది..
తలుచుకుంటేనే.. ఘనమైన భావన..
ఉత్తుంగ తరంగమై.. నన్ను.. తడిపేస్తుంది..
సంగీతం సర్వజన సమ్మోహితం..

భాషతో.. పనిలేకుండా హృదయ బాషతో.. జగత్తుని చుట్టి వస్తుంది.. ఈ.. షెహనాయి.. అలాగే చుట్టేసి.. లోకాన్ని.. తన వైపు లాగేసింది..

ఉస్తాద్ బిస్స్మిల్లా ఖాన్ అంటే.. తెలియని వారు ఉండరేమో.. ఎన్ని.. పెళ్లి పందిళ్ళలో .. స్వరం సాక్షిగా.. ఎందరో.. స్త్రీ-పురుషులని.. ఒకటి చేసింది..
ఒక ఘనత, అదృష్టం.. మాత్రం జీ.కే. వెంకటేష్ గారికి దక్కింది.. బిస్స్మిల్లాఖాన్ గారి షెహనాయి.. మన తెలుగు సినిమా.. సన్నాయి అప్పన్న చిత్రంలో.. వినే అదృష్టం కల్గింది..

సన్నాయి రాగానికి.. ఈ.. చిన్నారి.. నాట్యానికి.. పాటలో.. . వినవచ్చు.. బిస్స్మిల్లా ఖాన్ గారు.. ఎన్నో.. హిందీ చిత్రాలలో.. వారి స్వరాన్ని అందించారు. ఇక్కడ ఆ పాటని వినండి.


ఇనుస్త్రుమేంట్ మ్యూజిక్ ని ముంబై.. వి.బి.ఎస్.. అప్పుడప్పుడు.. స్వరసుధ లో.. వినిపిస్తుంది.. జాతికి.. గర్వ కారణమైన..ఆ ఉస్తాద్.. మన మనసులని.. రాగరంజితం చేసి.. వారసత్వ సంపదగా..ఆ సంగీతాన్ని.. మనకి.. మిగిల్చి వెళ్లారు.. అక్కడ పరమేశ్వరుడిని.. నిత్యం తన మదుర స్వరంతో.. అర్పిస్తూ.. ఉండి ఉంటారు.. పూర్వ జన్మలో.. పరమేశ్వరుడికి.. తేనియ.తో.. అభిషేకం చేస్తే.మంది సంగీత జ్ఞానం లభిస్తుందట.. చెరుకు రసం తో..అభిషేకిస్తే మంచి స్వరం లబిస్తుందట.మా.. నానమ్మ చెప్పేది.. ఇప్పుడు నేను అదే రీతిన చేస్తుంటా.. ఆశతో..

ఈ రోజు పొద్దు పొద్దుటే..ఆ.. స్వరం నాలో మెదిలి.. ఇలా .. నాతో.. ఈ.. పాటని పంచే పనికి ఉసికొల్పింది..ఈ..పాట

సాహిత్యం ఇవ్వలేను.ఎందుకంటే..నా.. కంప్యూటర్ పరిజ్ఞానం గురుముఖ విద్య కాదు. స్వయంగా కుస్తీలు పట్టి నేర్చుకుంటున్నాను. ఇంగ్లీష్ కూడా.. రాదు.. పాటని జత చేసే పరిజ్ఞానం పెంపొందించుకుని .. అప్పుడు జత పరుస్తాను. సన్నాయి అప్పన్న చిత్రంలో.. ఈ.. పాటని.. .. వినండి..

స్వర్గీయ బిస్మిల్లాఖాన్ కి.. స్వర నీరాజనం ని.. హృదయ చెమరింత్లతో చెప్పడం మరువ వద్దు.. హృదయాన్ని.. తుత్తినియలు.. చేసే సంగీతమా.. ! నీ.. ఒడి.. అమ్మ ఒడి కన్నా. చల్లన.. మాతృ బాష కన్నా..తీయన. గుండెని.. పిండేసే .. మధుర భావన.... నిత్యం నీలో.. కరగనీ.!. కరిగి కరిగి.. ఈ.. నదీనదాల్లో.. ప్రవహించని.! మళ్ళీ.. జన్మ ఉంటే.. ఈ.. నేలపైనే.. జన్మించనీయి! ఇది.. ఆ ఉస్తాద్ మనసులోని.. భావన..

ఈ పాటని వారికి స్వరనీరాజనం .. తో.. అర్పించి మనసారా ప్రణమిల్లుదాం. .

24, డిసెంబర్ 2010, శుక్రవారం

సంగీత రసజ్ఞత మాత్రమే కాదు..సాహిత్య రమణీయత తోడైతే అమృతం కన్నా.. కావ్యం మధురిమ మిన్న

Posted by Picasaతెలుగు .. భక్తి.. రస చిత్రాలోలో.. మకుటాయ మయంగా.. విలసిల్లె.. చిత్రం.. అన్నమయ్య.
సంకీర్తనాచార్యుడిగా.. మనకి.. అపూర్వ పెన్నిధి..అందించిన..స్వరకర్త..పదకర్త..

ఆయన జీవిత చరిత్ర ఆధారంగా నిర్మించిన చిత్రం.. ఒక.. ట్రెండ్ సెట్టర్..  
నాగార్జునకి .. ఒక  కలికితురాయిగా..మిగిలిన  చిత్రం.

ఈ.. చిత్రం .. విజయానికి ఎమ్  .ఎమ్ . కీరవాణి.. సంగీతం   పెద్ద  ఎస్సెట్ ..మరకత మణి ..అద్భుత  స్వరకల్పన  లోనే .. ఆ  చిత్రం  60 % ..  విజయం పొందింది.

 ఇక దర్శకేంద్రుడి ప్రతిభ  ఏలాటిదంటే.. భక్తి రస చిత్రంలో కూడా..  మాస్ ఎలిమెంట్స్ పుష్కలంగా.. దట్టించి.. భక్తి రసంలో.. శృంగార  రసాన్ని  .. ఆవిష్కృతం కావించారు.. కామి కాని మోక్షగామి.. కాదు..  అన్నదానికి  తార్కాణంగా.. మన అన్నమయ్యతో  .. మరధళ్ళతో.. సరససల్లాపాలలో  ముంచి తేలియాడించి.. ఆహా..  ధర్శకేంద్రా!  ఏమి చతురత.. అనిపించారు  .. ఆ.. చిత్రం అంతా.. బాగుంటుంది.

కానీ .. అందులో  .. అన్నిట్లో..నా.. చూపు మాత్రం పదహారు కళ లతో  పాట. 
అక్కడ ఏడుకొండలపై..  స్వామివారికి.. భూసురులు..  షోడపచారములతో పూజాదికాలు .. నిర్వహిస్తుంటే.. ఇక్కడ మన అన్నమయ్య  మరధళ్ళతో..  వారి.. సొగసులకి దాసోహం అయి. వారికీ.. మనసుకి ఇంపైన సేవలు.. చేస్తూ.. మురిపిస్తూ..ఉంటాడు. ఏమి వైయుక్తి కదా!.. సూపర్బ్.. అందుకే.. మనసులో..పట్టం కట్టేసి.. మురిపించి.. మైమరపించింది.  

జీవితంలో.. రక్తి-అనురక్తి.. కలిగి  ఉంటేనే.. భక్తికి.. ముక్తికి. కూడా.. సులభ మార్గం లభిస్తుందని.. చెప్పడం కద్దు కావచ్చు.  అందుకే నా..ఓటు  .. ఈ.. పాటకే.. 

శ్రీ పద్మావతి భూదేవి   సమేతస్య శ్రీ మద్వేంకట నాయకస్య 
నిత్య షోడోపచార   పూజాం కరిష్యే ఆవాహయామి.. 

పదహారు కళలకు  ..  ప్రాణాలైన.. 
నా..ప్రణవ ప్రణయ దేవతలకు.. ఆవాహనం..

ఓం ఆసనం సమర్ప యామి 

పరువాలు హోయలకు పయ్యధలైన  
నా..  ఊహల లలనలకు.. ఊరువుల ఆసనం. 

ఓం..స్నానం సమర్పయామి

చిత్తడి చిరు చెమటలతో.. చిందులోలికే పద్మిని భామనిలకు    
 పన్నీటి  .. స్నానం.

ఓం..గంధం సమర్పయామి  

ఘలం ఘలన నడల వలన అలసిన 
నీ గగన జఘన సొబగులకు  .. శీతల గంధం..  

ఓం..నైవేద్యం సమర్పయామి

రతి వేద వేధ్యులైన రమణులకు.. 
అనుభవైక వేద్యమైన  నైవేద్యం. 

ఓం తాంబూలం సమర్పయామి

నీ..తహతహలకు  తపనలకు.. తాకిళ్ళకు .. 
ఈ.. కొసరు  కొసరు ..తాంబూలం  ..

ఓం సాష్టాంగ వందనం సమర్పయామి 

అనంగ రంగ   భంగిమలకు.. సర్వాంగ చుంబనాల.. వందనం..   

ఆవాహనం,ఆసనం, స్నానం, గంధం, నైవేద్యం, తాంబూలం, వందనం..భక్తికి..రక్తికి.. కూడా. 

నా.. అభిమాన సంగీత దర్శకుడి..స్వర ఝరిలో .. భావ పరంపరలో..తడిసిపోయే  పాట.. మనో.. గళం మధురలు ఊరు. 
సంగీత రసజ్ఞత మాత్రమే కాదు..సాహిత్య రమణీయత తోడైతే ..అమృతం ఎందుకు...!?  అమృతం కన్నా.. కావ్యం .. మధురిమ మిన్న అని తెలిస్తే..
దేవతలు,రాక్షసులు యుద్దాలు మానేసి..కావ్య అమృతాలు  సేవించేవారని.. చతురోక్తి.. నిజం  అయ్యేదేమో మరి.. 

ఇక సరి సరి.. ఈ.. అర్ధ వివరణకి. మరి ..సెలవు.  కవికి..వందనం ..  స్వామి  ..చరణారవింధం..కి..  ఆత్మాభివందనం. ఈ.. సారి.. నవ్య దృష్టితో.. మీరూ..వినండి..   Permalink 


అలాగే చూడండీ..!

రాగం తీసే కోయిలా..


ఒక కోయిల విషాద గీతం.. ఎదను పిండగా.. మదిని మీటగా.. కంటి చెమరింపుగా.. అడవిలో ఎవరు వినని.. ఆమని పాట వేదనలూదగా..


 హాయ్.. ఫ్రెండ్స్.. ఈ..రోజు.. ఏమి పాట.. ఇస్తున్నానో తెలుసా.. !? నేను మీలా.. పాటల ప్రేమిని కనుక పాటల కోసమే అన్వేషణ.

ఎక్కువ సోది.. చెప్పకుండా పాట గురించి చెప్పనే చెప్పను . అదే చిక్కు..ఈమెతో అని అనుకుంటూ ఉంటారు..కదా ! నిజమే కదా?

ఆ పాట నాకెందుకు నచ్చిందో.. చెప్పకపోతే ఏం బాగుంటుంది చెప్పండి..  :)

 ఒప్పుకుంటారు కదూ..!? ధన్యవాదాలు..

ఈ.. నాటి పాట.. రాగం తీసే కోయిలా...నాగమల్లి.. చిత్రంలో పాట.. (నాగవల్లి.. కాదు.)

1980 లో.. ఈ చిత్రం చూసేదానికన్నా.. వినడంలోనే ఆసక్తి ఎక్కువ. ఎక్కువగా జనరంజనిలో వినబడేది. ఎందుకో.. విషాదం కూడా మనిషికి.. ఆనందం.

కాలానికి..కూడా లొంగనిది విషాదం ఒక్కటే.!.  ఒకోకరికి విషాదంతోనే జీవితం కడతేరి పోతుంధికదా..!!

ఈ పాట వినడానికి మధురం.. భావన ఎంతో..విషాదం

బాసలెన్నో చేసుకున్న ఆశే.. మాయగా..
రాతిరి వేళల రగిలే ఎండలా..
ఎడబాటుని.. ఎంత వేదనగా వర్ణించారు.. ఆత్రేయ కన్నా మిన్నగా.. అనిపిస్తుంది..

ఎడారిలో కోయిలా..  అనే పాట కూడా అంతే..!

వేటూరి కలంలో.. సిరా చుక్కని అయినా బాగుండేది అనిపిస్తుంది ఇలాటి.. పాటని విన్నప్పుడు.
అయ్యో ! అంత అదృష్టం కూడానా..  మనకి అనుకుంటూ  నిట్టూరుస్తూ ఉంటాను కూడా.

గుండెలో మురళిని.. గొంతులో.. ఊదకే .. అని సాహిత్యం .

కానీ.. ఊది..తెరుకోలేని బాధతో..వెంటాడి వేధించే పాట
జీవితానికి.. అన్వనయించుకునేలా.!

అందుకే ఈ పాట నాకిష్టమైన పాటల పొదిలో విషాద ఆస్త్రం. ఈ రోజు.. సంధించాను ఇలా..



రాజన్-నాగేంద్ర.. అద్భుత స్వరాలు.. మనలని వీడిపొలేవు..

ఇక వేటూరి పద కల్పన.. ఒక విషాద రాగం తీసే కోయిల పాట..
కోయకు గుండెలు తీయగా.
రాతిరి వేళలా.. రగిలే ఎండలా.. ( రా )
బాసలెన్నో .. చేసుకున్న ఆశే మాయగా..( బా )
పిలవని పిలుపుల.. రాకే నీవిలా.. (రా )

జంటని ఎడబాసిన ఒంటరి నా బ్రతుకున..
మల్లెల.. సిరివెన్నెల మంటలు రేపగా..
వయసులా.. నులివెచ్చని..
వలపులా మనసిచ్చిన..
నా...చెలి..చలి వేణువై.. వేదనలూదగా ..
తొలకరి పాటలే.. తోటలో పాడకే..
పదే పదే.. పదే పదాలుగా.. ( రా )

పగిలిన నా హృదయమే..
రగిలెనే ఒక రాగమై ..
అడవిలో వినిపించిన ఆమని పాటగా..

అందమే.. నా.. నేరమా..!
పరువమే.. నా.. పాపమా..?
ఆదుకోమని చెప్పవే.!. ఆఖరి మాటగా...

గుండెలో మురళిని గొంతులో.. ఊధకే..
పదే పదే పదే..పదాలుగా ( రా).

ఈపాటలో.. స్పెషల్ ఏమిటంటే.. వేణువు..గుండెల్ని పిండేస్తుంది అందుకే.. నాకు బాగా నచ్చిందని అనుకుంటాను 

..
మరి  మీరు వినేసి మీకు ఎలా అనిపించిందో చెప్పండి!?  వినేసి, విసుగేసి..  వదిలేసినా పర్లేదు సరేనా!.

ఎస్. పి. బాలు.. చంద్రమోహన్ స్వరం నూటికి నూరు పాళ్ళు..

ఈ పాటలో.. ఇన్ని ఉత్తమ అంశాలు..

ఇదిగో ఈ పాట లింక్ మీరే వినండి.

రాగం తీసే కోయిల ...




23, డిసెంబర్ 2010, గురువారం

కనులలో.. నీ..రూపం.. మనసులో.. నీ..గీతం.. .



నాకిష్టమైన  పాట మరొకటి మీతో.. పంచుకోవాలనిపిస్తుంది..
వేణువు.. అనగానే.. మరో  .. పాట.. మనసులో.. మెదిలింది..
జీ.కే. వెంకటేష్.. స్వరపరచిన పాటే.. ఇది.

పద కర్త  డా.సి.నా.రెడ్డి గారు.  పాటల చిత్రీకరణలో..  ఓ' ట్రెండ్ సెట్టర్..  చిత్రం.. రావణుడే రాముడైతే.. కి..  దాసరి  దర్శకత్వం వహించారు..

అప్పటి హీరోయిన్స్ లో..జయ త్రయం లోని.. జయచిత్రని..  మేఘమాలికలపై  .. నడిపించి..  పాటకి.. అందమైన రూపం కల్పించారు..  ఎందుకో.. ఆ పాటంటే.. నాకు.. చాలా.. ఇష్టం.

కనులలో.. నీ..రూపం.. మనసులో.. నీ..గీతం.. .. కదలాడే.. నేడే ..  హే..హే..హే.. .. (క )

నీ.. గీతి నేనై.. నా.. అనుభూతి.. నీవైతే.. చాలు..  అంతే.. చాలు..
పదివేలు.. కోరుకోను..ఇక..యే.. నందనాలు..
 యే.. జన్మకైనా.. నీవు నాకు.. తోడుంటే..చాలు..
అంతే చాలు..
ఎదలో.. కోటి రసమందిరాలు.. ఆ..ఆ.. ఆ..ఆహా..హా..ఓ..హో.. హో.. (క)...

ఆ కొండపైనే.. ఆగే మబ్బు.. తానే.. ఏమంది..?
ఏమంటుంది.. !?
కొండ ఒడిలోనే.. ఉండాలంటుంది..

నీ.. కళ్ళలో.. ఒదిగే బొమ్మ.. ఏమంది.. ఏమంటుంది ?
పదికాలాలు.. ఉండాలంటుంది..(క)

అతడు-ఆమె.. కలిసి.. ఇలా.. పాడుకుంటూ ఉంటే.. మనం ఏమంటాం..!
తధాస్తు..!! అంటాము.. కదా..!
ఒక మంచి అనుభూతిని అందించే.. సంగీత.. గీతిక.. అందుకే.. నా..కు.. ఇష్టమైనది..
మీరు వినండీ!!!      కనులలో  నీ  రూపం  -- రావణుడే  రాముడైతే 

22, డిసెంబర్ 2010, బుధవారం

వేణువు అనురాగ గీతీక.

ఒక వేణువు వినిపించెను అనురాగ గీతిక
నేను.. చాలా చిన్నప్పుడు.. కాన్వెంట్ కి .. డుమ్మా కొట్టి.. రోడ్డు మీద షికార్లు చేస్తూ.. మా మైలవరంలో.. తెగ బిజీగా.. తిరిగేస్తున్నా..

అప్పుడు.. ఎక్కడ నుండో.. గాలి.. అలలపై.. అల్లనల్లగా.. తేలుతూ.. మంద్రంగా.. ప్రవహిస్తూ... ఒక.. తీయని స్వరం నన్ను తాకింది..
అప్పుడు.. అదొక.. వేణు గానమని.. పాటలో.. భాగమని నాకు తెలియదు..

వెంటనే.. వెళ్ళిపోయి.. ఎక్కడనుండి విన వస్తుందో.. ఆ ఇంటి గుమ్మం ముందు.. నిలుచున్నా.. అక్కడ అంతా.. మనుషుల కోలాహలం .
ఒక నాలుగు పలకల.. పెట్టె చుట్టూ... కూర్చుని.. అందులో.. వచ్చే.. బొమ్మలని.. చూస్తూ.. పాట వింటూ.. ఉన్నారు. ఇంతలో.. నన్ను చూసి లొపలకి పిలిచి.. కూర్చోమన్నారు..

నేను ఎమా ధైర్యంగా.. కూర్చుని ఆ సినిమాని అంతా చూసాను.

తర్వాత చెప్పారు.. ఆ ఇల్లు.. మా.. నాన్నగారి స్నేహితుడి.. ఇల్లని.. ఆయన అన్నయ్య.. అమెరికా లో ఉంటాడని.. ఇక్కడికి వస్తూ..టి .వి. అనబడు సాధనాన్ని, అమెరికా అమ్మాయి.. అనే తెలుగు.. సినిమా కేసెట్టు .. తెచ్చి అందరికి గొప్పగా చూపిస్తున్నాడని ..

నాకైతే.. బోలెడంత ఆశ్చర్యం.. తో పాటు.. ఒక వేణువు.. వినిపించెను పాట.. తెగ నచ్చేసింది..
తర్వాత తర్వాత.. రేడియోలో.. ఆ.. పాట వింటూ..తెగ ఆనంద పడేదాన్ని..
ఇప్పటికి అంతే అనుకోండి..
ఆకాశవాణి విజయవాడ కేంద్రంలో.. ఆపాట కోరే.. ఏకైక శ్రోతని నేనే.. అని.. మా అనౌన్సర్లకి.. మా ఆర్ .జే. లకి.. గట్టిగా.. తెలుసు..
అందుకే.. ఎస్. ఎం ఎస్ ల.. కోటాలో.. కూడా.. పూర్తిగా..పాట వినిపించి..
నేను.. నొచ్చుకోకుండా నా.. అభిమానాన్ని.. గెలుచుకుంటారు అనుకోండి..అది వేరే.. విషయం.
అసలు విషయానికి వస్తే.. ఆపాట.. అప్పుడు విన్నది మొదలు..

వేణు గానం విన్నానంటే .. చాలు.. ఒడలు.. మరచిపోతాను.. చెవులు ఊరగా.. వింటూ..ప్రపంచాన్నే.. మరుస్తాను.. వేణు గానానికి అంత శక్తి ఉంది..

కాబట్టే.. సంగీతంలో..అగ్రతాబూలం వేణువుది.. అలసిన మనసుని సేదతీరుస్తూ.. జీవశక్తిని.. ఇచ్చే.. మంత్రజాలం.. వేణు గానం. అందుకే.. అంత ఘాడమైన ముద్రతో.. .మనందరిని.. ఎప్పుడూ.. తన వైపుకు.. లాక్కుంటుంది.

అసలు.. కృష్ణుడికి.. వేలమంది.. గొపికలని..ఆకర్షించే శక్తి.. వేణువుదే కదా... కాదంటారా..! అలాటి వేణువు అనురాగ గీతీక.. వినిపిస్తే.. ఎవరికి.. నచ్చదు చెప్పండి.. అందుకే.. ఆ పాట.. నాకు.. చాలా.. ఇష్టం.

ఆపాట.. సాహిత్యం మైలవరపు గోపి.. సంగీతం జి.కే. వెంకటేష్... ఇక గాయకుడు.. ఆనంద్ గొంతులో.. ఎంత మత్తు ఉందో.!

ప్రకృతిలోని.. అందమైన వాటితో.. తన చెలి సొగసును పోలుస్తూ .. అంతకన్నా.. మిన్న అని.. అతిశయంగా.. కీర్తిస్తూ.. పాడిన పాట.. నాకైతే..ఎవరికైనా ఇలాటి ప్రేమికుడు.. ఒకే ఒక్కరు.. ఉండాలనిపిస్తుంది. అంత బాగుంటుంది మరి.

సాహిత్యం ఇదిగో.. అందుకోండి..లీనమైపొండీ..!

ఒక వేణువు..వినిపించెను అనురాగ గీతిక..
ఒక రాధిక అందించెను.. నవరాగమాలిక..
సిరివెన్నెల తెలబోయను.... జవరాలి చూపులో.. (2 )

నవమల్లిక చినబోయెను.. చిరునవ్వుసోగసులో.. (2 )(ఒక )

వనరాణియే .. అలివేణికి.. సిగపూలు తురిమేను..(వన )
రేరాణియే.. నా.. రాణికి.. పారాణి పూసెను.. (రే ) (ఒక )

ఏ నింగికి ప్రభవించెనో.. నీలాల తారక.. (ఏ నింగికి )
నా గుండెలో.. వెలిగించెను.. శృంగారదీపిక (నా ) (ఒక ) ..

ఇక చెప్పలేనండి.. ఇంత చెప్పాక.. ఒక్కసారి అయినా. మీరు.. వింటారు అనుకోండి..

తర్వాత.. వినేది లేనిదీ.. మీ.. ఇష్టం..ఇక పడుకుంటా.. వార్నింగ్స్.. వస్తున్నాయి మరి.. బై .. ఫ్రెండ్స్..
.ఒక వేణువు వినిపించెను అమెరికా ఆమ్మాయి ఈ.. పాట ఈ లింక్ లో వినండి.



ఇక్కడ చూడండీ!..

హాస్టల్ గది


హాస్టల్ గది 

 హాస్టల్ లో ఉన్న ఆడపిల్లలని చూస్తే
ఆక్వేరియంలో అలుపు లేకుండా తిరిగే 
రంగు రంగుల  చేపలని చూసినట్టుంటుంది 
ఎప్పుడెప్పుడు బయటపడదామా అన్నట్లు 
గేటు వైపు చూస్తుంటే 
కాముకుల చూపుల వలకి  
చిక్కుకుపోతారేమోనని భయమేస్తుంటుంది 
చదువుల సముద్రంపై రాంక్ ల ఓడపై 
ప్రయాణం చేస్తున్నట్లు ఉంటుంది 
ఏ తుఫాన్ తాకిడికి చిక్కుకుంటారో 
ఏ తీరాలకి చేరుకుంటారోనని  
దిగులుగా ఉంటుంది 

జ్వలనం చలనమూ లేక  
యాంత్రికంగా మరబొమ్మల్లా 
నడుస్తున్న వాళ్ళని చూస్తుంటే  
వీపున మోస్తున్నసిలబస్ లన్నీ 
కర్కశ హృదయాల పేరాశగా  
కనురెప్పలు మోస్తున్న 
కలలభారాలన్నీ కన్నవారివిగా   
తెలుస్తూనే ఉంటాయి   

వారానికొక రోజొచ్చి ఆత్రంగా 

మార్కుల వివరాలడుగుతుంటే 
పూల వనాలని ధ్వంసం చేసి 
సీతాకోక చిలుకల సంచారం కోసం 
ఎదురు చూపులు చూస్తున్నట్లు ఉంటుంది    

విద్యా గంధాలని 
ఆస్వాదించాల్సిన మనసులు 
టాయ్ లెట్ల దుర్గంధాన్ని భరించలేక 
వమనం చేసుకుంటారు 
తేలికగా రూపాయలెలా సంపాదించాలనే 
ఆలోచనల కుళ్ళుని మోస్తూ 
ఆత్మీయతకి అలమటిస్తారు   
పాటా లేదు పదమూ లేదు  
చీకటి గదులు ప్రహారా కాస్తున్న కళ్ళు 
వాయిదా వేసుకున్న ఆకళ్ళు 
మనిషిగా ఎందుకు పుట్టామోనని వగస్తూనే
గది గోడలు బద్దలు కొట్టాలనే కసితో 
చదివేస్తూ ఉంటారు 
జైల్లో ఖైదీలకి లాగా పదే పదే 
కేలండర్ కేసి చూస్తుంటారు 

21, డిసెంబర్ 2010, మంగళవారం

ముందు తెలిసెనా... ప్రభూ ...






నాకిష్టమైన పాట ...ఇంకొకటి మీతో.. పంచుకుంటున్నాను. పైన లింక్లో.. ఇచ్చిన పాటని వింటూ ఇది చూడండీ!!!

ఈ పాట కీర్తిశేషులు శ్రీదేవులపల్లి వారు వ్రాసిన భావకవిత్వం అంటే... ఒప్పుకోవలిసిందే... ఇంతకు ముందు కూడా.. ఎవరైనా ఈ పాట గురించి..ప్రస్తావించి ఉండవచ్చు కూడా!
అయినా ఈ పాట నాకు ఎందుకు.. ఇష్టమో..చెపుతాను ఫ్రెండ్స్.

మేఘసందేశం ... మీకు తెలుసు కదా... దాసరి గారి అపూర్వ దృశ్యకావ్యం..

ఆ సినిమా.. నాకు ఎంత నచ్చిందో చెప్పలేను. వివాహితుడైన ఒక పురుషుడి జీవితంలోకి.. అనుకోని సంఘటనల్లో .. వేరొక స్త్రీ ప్రవేశించడం అందు మూలంగా అతను... కుటుంబం కి దూరం కావడం,అందుకు బార్య సహకరించడం అంతా... ఆసక్తికరం.

కానీ... ఇరువురు స్త్రీ -పురుషులు మద్య శారీరక సంబంధం కాకుండా కళాభిరుచి తో ఏర్పడిన బంధం. వారు ఇరువురిని మరణంలో కూడా విడదీయలేని బంధంగా...నిలిచిపోయింది.

అక్కినేని గారి నటనా వైదుష్యం జయసుధ సహజ నటన, జయప్రద...అపూర్వ నటనా సామర్ద్యం.ఎప్పటికి.. ఈ... చిత్రాన్ని తెలుగు సిని కిరీటంలో... మకుటామయంగా భాసిల్లేటట్లు చేసాయి.

ఇంతకీ పాట ఏమిటో చెప్పకుండా విసుగు కల్గిస్తున్నానా...! వచ్చేస్తున్నాను అసలు విషయంలోకి...
జయప్రద నా అభిమాన నటి... అని చెప్పేస్తే చాలా.. తక్కువ అండీ! ఎంత వీరాభిమానిని అంటే 80 లలో... దిన పత్రికలలోనూ,మాస పత్రికలలోనూ, వార పత్రికలలోనూ... ఆమె స్తిల్ల్స్ కనబడితే చాలు దానిని నొక్కేయడం.. శ్రద్ధగా... కత్తిరించి లాంగ్ నోట్ బుక్ లో అతికించి... ఆల్బం చేయడం. దానిని అందరికి.. చూపించి మురిసిపోవడం అదొక పెద్ద ప్రక్రియ. ఒకనాడు.

అవ్వన్నీ నాకు దూరం అయిపోయాయి.ఆ కధ ఇప్పుడు వద్దులెండి, మరోసారి చెపుతాను. అంత ఇష్టమైన జయప్రదపై..చిత్రీకరించిన పాట అండీ ఈ పాట...

ముందు తెలిసెనా  ప్రభూ... ఈ మందిరం ఇటుల ఉంచేనా !
మందమతిని.. నీవు వచ్చు మధుర క్షణమేధో 
కాస్త ముందు తెలిసెనా ప్రభూ.!

అందంగా నీ కన్నులకు విందులుగా వాకిటనే (2 )..
సుందర మందార కుంద  సుమ దళములు పరువనా 
దారిపొడవునా  తడిచిన  పారిజాతములపై
నీ అడుగుల గురుతులే నిలిచినా చాలు

ఎంత భావుకత... అందుకే కృష్ణ శాస్త్రి... కవిత్వమంటే అందరికి పిచ్చి. ప్రేమికులకైతే... మరీ..

ఇక రెండో చరణం .

బ్రతుకంతా ఎదురు చూపు పట్టున్న రానే రావు...
ఎదురగని వేళ వచ్చి ఇట్టే మాయమవుతావు...(2 )
కధలనీయక.. నిమిషం నను వదలిపోక
నిలుపగా నిన్ను పదములు బంధింపలేను
హృదయం సంకెల జేసి... !

ఇలాటి సాహిత్యంతో ఏ మణులు,మాణిక్యాలయినా... దిగదుడుపే.
అందుకే ఈ...పాట అంటే నాకు.. చాలా ఇష్టం.
రమేష్ నాయుడు గారి స్వర కల్పన.,సుశీల గారి గళం... ఒక అనుభూతికి... ప్రాణం పోశాయి.

ఇక భావం విషయానికి వస్తే  ప్రియుని రాక కోసమై  ఎదురు తెన్నులు చూసే అభిసారికకి..
కబురు కాకరకాయ లేకుండా అతను హటాత్తుగా అడుగిడితే 
ముందు తెలిస్తే... ఈ మందిరం ఇట్లా.. ఉంచుతానా! నేను అసలే మందమతిని నీవు వచ్చే మధుర క్షణమేదో... గుర్తించలేకపోయా,   తెలిస్తే... ఇంటిని, నన్ను మరికొంత అందంగా... అలంకరించుకోనా ? 
నా ఇంటి దారిని రకరకాల పూలతో... అలంకరించనా ! ఆపూల పై... నీ అడుగులే.. పడిన చాలు

నాకు ధన్యత చేకూరును  అంటుంది ఆమె . వావ్... ఎంత గ్రేట్ ఫీల్...!

బృతుకంతా ఎదురు చూసిన రావు... ఎప్పుడో వచ్చి అంతలోనే మాయమైతే నిన్ను బంధించడానికి నా.. హృదయం సంకెలలు చేయడం మినహా...(ఎందుకంటే... అతను వివాహితుడు కనుక.)

అనుభూతి.. చెందడంలో కూడా అర్ధం ఉండాలండీ అనుకుంటాను నేను. ఈ పాట... ఆ కోవలోనిదే!
అందుకే ఈ పాటంటే... ప్రాణం.

నేను వీడియో పాటని లభ్యం కాక జతపరచ లేకపోతున్నాను. వేరే విధంగా వినండీ. ప్లీజ్!! జయప్రద ఎంత అందమైన స్త్రీ నో .. ఆమె పై చిత్రీకరించిన ఈ పాట కూడా అంత అందమైన పాటండీ. ఆమెని దృష్టిలో ఉంచుకుని ఈ పాట వ్రాసి ఉంటారేమో ఆ భావకవి అన్నట్టు ఉంటుంది. 

ఏమైనా... పాట పూదోటలో  నేను గండు తుమ్మెదని అని చెప్పాను కదా! ఈ పాట మీరు విని భావ సంద్రంలో.. తేలియాడండి .. అందుకే ఈ పాట.

ముందు తెలిసినా ప్రభూ! ఈ మందిరమిటులుంచేనా
మందమతిని నీవు వచ్చు మధురక్షణమేదో
కాస్త ముందు తెలిసెనా ప్రభూ! ఈ మందిరమిటులుంచేనా
మందమతిని నీవు వచ్చు మధురక్షణమేదో
కాస్త ముందు తెలిసెనా ప్రభూ!

అందముగా నీ కనులకు విందులుగా వాకిటనే
అందముగా నీ కనులకు విందులుగా వాకిటనే
సుందర మందారకుంద సుమ దళములు పరువనా
సుందర మందారకుంద సుమ దళములు పరువనా
దారి పొడుగునా తడిసిన పారిజాతములపై
నీ అడుగుల గురుతులే నిలిచినా చాలును

ముందు తెలిసెనా ప్రభూ! ఈ మందిరమిటులుంచేనా
మందమతిని నీవు వచ్చు మధురక్షణమేదో
కాస్త ముందు తెలిసినా ప్రభూ!

బ్రతుకంతా ఎదురుచూచు పట్టున రానేరావు
బ్రతుకంతా ఎదురుచూచు పట్టున రానేరావు
ఎదురగయని వేళవచ్చి ఇట్టే మాయమవుతావు
ఎదురగయని వేళవచ్చి ఇట్టే మాయమవుతావు
కదలనీక నిముసము నను వదలిపోక నిలుపగ
నీ పదముల బంధింపలేను హృదయము సంకెల జేసి

ముందు తెలిసెనా ప్రభూ! ఈ మందిరమిటులుంచేనా
మందమతిని నీవు వచ్చు మధురక్షణమేదో
కాస్త ముందు తెలిసినా ప్రభూ!


నేను రూపొందించిన  వీడియో ని ఇక్కడ చూడండి. 




సాయం చేయడానికి చేతులు కావాలి..


సాయం చేయడానికి చేతులు కావాలి..

శ్వేతసౌధం మీదగా పయనించి వచ్చిన గాలికి
ఉలికిపడి కనులు విప్పిన నవజాత శిశువు..
నా వారసుడే  కాదు..
 భావిభారతం కూడా..
పుట్టుకతో గ్రీన్ కార్డు హోదాను
ఇచ్చానని మురిసిన తండ్రిని
ఆరచేతిలో ఉసిరిలా అందే
పసిమి భవితకి.. సంతసించే తల్లిని దాటి..

మమతల స్పర్శతో ముద్దాడుతున్న
నా  చూపుడు వేలిని.. కొత్తగా   ..
ఏర్పడిన అణుబంధం అంత బలంగా.. ఒడిసిపట్టుకుని..
తన మూలాలు వెతుకుతున్నట్టే ఉంది.

పాశ్చాత్యపు సంస్కృతి  పొత్తిళ్ళలో ఉన్న వాడిని..
అమాంతం దొంగిలించుకు వచ్చి.
పల్లె తల్లి ఒడిలో లాలించాలనిపిస్తుంది..
 ఊరి చివర వెలివేసినట్లున్న
 విశాలమైన ఇళ్ళల్లో.. చలిమర చప్పుళ్ళలో..
 పలకరించే దిక్కులేని వైనాలకి అందనీయక
 కష్టం-సుఖం సవ్వడి వినిపించాలని ఉంది.

వాడికి ఊంగా ఊంగా..ఊసులతో పాటు 
వాడి తండ్రికి వినిపించిన ఫూల్ కి చాహ్ కధ
పరమవీరచక్ర  గాధలతో పాటు 
పరాయి దేశంలో  తానుననుభవించిన
ఫూల్ ఔర్ కంటే.. వాస్తవాలని.. 
హృదయానికి హత్తుకునేలా..చెప్పాలనిపిస్తుంది.

అరక దున్నుతూ.. చెలకలు వేస్తూ స్వేదం
విలువ  తెలియచెప్పాలని ఉంది..
ప్రమాణాలకి.. కొలతలకి.. అందక 
స్వేచ్చా జీవితంని అందించాలని.. 
నాగరిక చదువులకి అందనీయక
పల్లె కడుపులో.. పొదువుకోవాలని ఉంది.
ఆ చదువులే.. కదా ఆత్మీయ స్పర్శ కి
 అంటరానితనంని అపాదించాయని.. 
అరచి చెప్పాలని ఉంది.. 

వేళ మైళ్ళదూరంలో ఉన్న కన్న బిడ్డని 
తెర మీద బొమ్మల్లా చూస్తూ ఉండటం, 
మాట్లాడుతూ ఉండటం తప్ప
స్పర్శ Spencer ని  కనిపెట్టటం తెలియని 
శాస్త్రాన్ని పరిహసించాలని  ఉంది.. 

సుక్షేత్రమైన పంట పొలాన్ని.. 
ఏడాదికి ఒక ఎకరా లెక్కన తెగనమ్మి 
పదిలంగా  పెంచిన ఒకే ఒక వృక్షం
పదిమందికి.. నీడ నిస్తుంది అనుకుంటే.. 
పెరటి చెట్టు వైద్యానికి పనికి రాని చందాన 
విఫలమైన కోటి ఆశల కధ చెప్పాలనిఉంది..

ఒక తల్లి గుండెని.. నీరు చేసి.. 
ఒక తల్లి గుండెని.. బండగా మార్చి..
పరాయి క్షేత్రంలో వేసిరివేయబడ్డ విత్తులై.. ..
డాలర్ల కాపు కాసే చెట్లైతే.. పెరడే కాదు..
ఊరు ఊర్లే.. బావురుమంటున్న దృశ్యాలని..  
 ప్రత్యక్ష ప్రసారాలతొ .. చూపించాలనిపిస్తుంది.

నిర్మానుష్యంగా మారిన నా పల్లె నడిబొడ్డున..
జిల్లేళ్ళ వనాలు  .. విస్తరిస్తున్నాయి.. 
జిల్లేడు దూదిపై కూడా.. 
పేటెంట్ హక్కుని సొంతం చేసుకున్నందుకు.. 
తీరికగా.. నిరసిద్దాం.

ఇప్పుడు.. నా.. వారసత్వ సంపదతో పాటు..
నా కయ్యలు.. నా పెయ్యలు.. నాక్కావాలి .. 
శిధిలమైన  ఇళ్ళ మొండిగోడలపై..
ప్రేమ పైకప్పులు వేయడానికి..
వట్టిపోయిన కొట్టాల మధ్య 
తువ్వాయిల మెడలో..మువ్వల పట్టీలు కట్టటానికి..
నా.. వారసత్వ  శిశువులు  కావాలి..

అభేద్యమైన..  గాఢ అంధకార  మేఘచ్చాయ నుండి..
నా జాతిని వెలుగులోకి నెట్టటానికి.. .. నాకిప్పుడు   
సాయం చేయడానికి చేతులు కావాలి.. చేతులు కావాలి..               

10, డిసెంబర్ 2010, శుక్రవారం

రాత్రి..ఓ అంతరంగ రహస్యం

Posted by Picasa  


రాత్రి.. ఓ అంతరంగ రహస్యం


 ఏ పర్వత సానువులుపై కురిసిన
చినుకు చినుకు
ఝరీ..ప్రవాహమై సాగినట్లు
ఏ..హిమవత్పర్వతముల నుండో
కరగిన మంచు
 జీవనదిగా ప్రవహించినట్లు
ఏ తెల్లని మబ్బులో
గుంపులు గుంపులుగా కొండాకోనలపై
హంసలవలెనడయాడినట్లు
ఏ మింటిని  వదిలిన
శరంలా భ్రమరం
    పువ్వుని ముద్ధాడినట్లు
  ఆ నీలాల నింగి
జలతారు పరదాతో
 తనని తాను అలంకరిందుకున్నట్లు
  ఏ కోనేటి కలువనో
చూసేందుకు  తొంగి చూసిన చంద్రుడికి
నీటి తళతళలో
 తన రూపు చూసి తానే మురిసినట్లు
 వికసిత పరిమళాలను తనలోఇముడ్చుకుని
 పిల్ల తెమ్మెర లోకాన గర్వంగా ఊరేగినట్లు
 ఏ గిరిశిఖరాన్నోతాకి ఇనబింబిం ఎర్రబడినట్లు
రాత్రి తన కన్నులకు కాటుకని
 గాడంగా అద్దుకున్నట్లు
 తన నుండి ఉద్భవించిన
 రేరాజుని  అందుకోవాలన్నట్లు
 కడలి కెరటాలతో ప్రయత్నం చేస్తున్నట్లు
  ఒక సౌందర్య దేవతని చూసిన
 నక్షత్రం జారి ముక్కుకి నత్తు అయినట్లు
 శిశిరకాంత నగ్నంగా
తనని తాను అలంకరించుకుని
 సిగ్గుతో మోముని వాల్చినట్లు
ప్రకృతి ప్రకృతిలో లీనమైనవేళ
 నీ గురించిన తలపులతో
 నీ ఊసుల దుప్పటి కప్పుకుని
లోకం అంతా నిదురించిన వేళలో 
నన్నునీలో దర్శించుకుంటున్నా
మనసు మనసుతో మాట్లాడేది
రాత్రి సమయంలోనే కదా
  రాత్రి ఓ అంతరంగ రహస్యం.
 ఆ రహస్యాన్నిచేధించే విలుకాడా
కనుమూతపడక ముందే రా
రాత్రిని కరగనీయగా రంగుల కలలా  


8, డిసెంబర్ 2010, బుధవారం

దేహాన్ని కప్పండి!.

     





||  దేహాన్నికప్పండి  ||

చిన్ని పాపా! 
నిన్ను తెర మీద చూసుకోవాలనుకున్న
ఆత్రుత కల్గిన తల్లి ఉంటే..
నీకు ఈస్త్రోజెన్ .. 
సూది మందు ఇవ్వడం మొదలుఅవుతుంది..

నిన్ను కాసులని పండించే 
పంటభూమి అనుకునే.. 
తండ్రి ఉంటే.. నీ.. శరీరం 
లైపోసేక్షన్  ఆపరేషన్లకి ..సిద్దం చేయ బడుతుంది. 
ఎందుకంటే.. ఏ.. తెర మీదైనా  
ఆడతనం ..నిరూపణకి.. ఆ..రెండూ ముడిసరుకులు మరి. 

అర్భకత్వం  దేహానికిచ్చి..
అల్పత్వం మనసుకి లేకుండా..
ఉదార హృదయంతో.. అంతా .. పరిచేసి 
పాకుడు రాళ్ళపై.. పైకి ఎగబ్రాకుతూ 
దేహం అడవిలో.. 
పిచ్చ్ది మొక్కల్లా.. పెంచుకున్న యవ్వన సంపదంతా.. 
సంకోచం లేకుండా.. అచ్చాదనంటూ.. లేని.. 
కెమెరా  కళ్ళకి. చిక్కి... 
గంగవెర్రులేక్కిస్తే..
అది దర్శకుడి.. కళాదృష్టి  అయికూర్చుని..
వ్యాకోచాలు మొదలైతే.. 
తల్లి, చెల్లి,పిల్ల.. అన్ని మరచి.. 
నేర ప్రవృత్తికి.. కొత్త ఊపిరి పోస్తున్నాయి.. 
రసిక హృదయులకీ.. ఇల్లు..నచ్చక 
అంగడి బొమ్మలకై వెదుకులాడుతున్నాయి ..

ప్రకృతిలోని వేయి పూవులన్నీ తెచ్చి. 
ఒక్క చీరలో చుట్టి..దేహాన్ని చుట్టాలనుకున్నది.. 
వ్యాపార రహస్యమైనా.. 
ఏ ..ప్రారంభానికో  విచ్చేసిన.. తార..
ఆ చీర బహుమతిగా.. కొట్టేసి.. 
త్రీ పీస్ మిడీ, డీప్ నెక్  లేదా బ్యాక్   ఫ్రీ .. బ్లౌస్ చేసేసి .. 
తెరపై .. నాయకుడి.. చేతి.. నడుం పట్టులో..నలిగిపోతుంటే..
సంప్రదాయమైన పట్టు.. వెలవెలా.. పోతుంది..  

ప్రపంచం అంతా.. 
పువ్వులాంటి అబల  నడుమ చుట్టేగా.. తిరుగుతుంది..
సంప్రదాయం గరికలా.. మిగిల్చి.. 
మనం.. నాగరికతని వెతుకుతున్నాం..  

నాగరికత .. హై టెక్ .. పార్టీలలోనూ..
ర్యాంప్  షో.. పిల్లి నడకల్లోను..  
నట్టింట్లో.. తెరపై ..కాదు.. కనిపించేది. 

నాగరికతని నేర్చుకున్న ఆది మానవుడిని  అడగండి.. 
మునిమాపు వేల.. గడ్డిమోపు తలకెత్తుకుని వెళుతూ..
బడిపిల్లని... చేతబట్టుకుని వెళుతున్న
పల్లెతల్లిని అడగండి. 

" మెదదు  అంతా.. మన్నేనా!? 
హృదయం అంతా.. బండేనా !?. 
అయినా శరీరం అంతా..
స్వరజతులే ఉండాలా!? 
మీటితే ఎప్పుడు పడితే అప్పుడు.. 
అలరిస్తూనే ఉండాలా!?
మద్యంలాగా.. మగువ కూడా.
తయారు చేసుకున్న వస్తువా!? 

నాగరికత భ్రమలో   
అనాగరికతకి .. నిలయమైపోకండి.. 
మనకే సొంతమైన లంగా -ఒణీని.. 
ఫ్యాషన్ .. అని వక్రీకరించకండి.. 
ఫిజిక్  టైట్.. పరవళ్లుతో.. 
దేహసంపదని బజారున పడవేయకండి.. 

పల్చని జార్జెట్ ..చీరల్లో..  
బొడ్డుక్రింది మడతల్లో.. 
అందాలు ఆరబోయకండి.. 
నైట్ గౌన్.. మోతలో.. 
ఆరుగజాల.. మన సంస్కృతిని .. 
మరుగున పడనీయకండి.. 

పడతులూ.. భామలూ.. 
అత్తమ్మలూ.. అమ్మలూ.. 
అమ్మమ్మలూ.. బామ్మలూ..  
పైటని చుట్టండి..
దేహాన్ని కప్పండి.! దేహాన్ని కప్పండి!!.