నీకూ నాకు ప్రత్యేకమైన రోజు

పుట్టినరోజు శుభాకాంక్షలు ..బంగారం .. ఈ రోజు నీకూ నాకూ ప్రత్యేకమైనదే ..

ఇలాంటి పుట్టిన రోజులు నిండు నూరేళ్ళు జరుపుకోవాలని ..

చైతన్యవంతమైన జీవన గమనం తో..

స్ఫూర్తి కరమైన మార్గంలో నడుస్తూ..

సుఖసంతోషాలతో..ఆయురారోగ్యములతో.. పుత్ర పౌత్రాభివృద్దితో

యశస్విభవ గా దేదీప్యమానంగా వెలుగొందాలని ..

మనసారా దీవిస్తూ..

భగవంతుని కరుణా కటాక్షములు అన్నింటా లభించాలని కోరుకుంటూ...

హృదయపూర్వక శుభాకాంక్షలు ..

నిండు మనస్సు తో.. ఆశ్శీస్సులు .. అందిస్తూ..నా ఆశీస్సులలో సదా ఆ సదాశివుడి దీవెనలు నీవెంట ఉంటాయి. 

"ఎక్కడ నీవున్నా-నా ఆశలు నీవన్నా

నీతో నీడల్లే నా ప్రాణం ఉందన్నా

నీవు ఇంతకు ఇంతై - అంతకు అంతై ఎదగర ఓ..కన్నా" ప్రేమతో ... "అమ్మ"

పుట్టినరోజు శుభాకాంక్షలు ..బంగారం .. ఈ రోజు నీకూ నాకూ ప్రత్యేకమైనదే ..

ఇలాంటి పుట్టిన రోజులు నిండు నూరేళ్ళు జరుపుకోవాలని ..

చైతన్యవంతమైన జీవన గమనం తో..

స్ఫూర్తి కరమైన మార్గంలో నడుస్తూ..

సుఖసంతోషాలతో..ఆయురారోగ్యములతో.. పుత్ర పౌత్రాభివృద్దితో

యశస్విభవ గా దేదీప్యమానంగా వెలుగొందాలని ..

మనసారా దీవిస్తూ..

భగవంతుని కరుణా కటాక్షములు అన్నింటా లభించాలని కోరుకుంటూ...

హృదయపూర్వక శుభాకాంక్షలు ..

నిండు మనస్సు తో.. ఆశ్శీస్సులు .. అందిస్తూ..నా ఆశీస్సులలో సదా ఆ సదాశివుడి దీవెనలు నీవెంట ఉంటాయి. 

"ఎక్కడ నీవున్నా-నా ఆశలు నీవన్నా

నీతో నీడల్లే నా ప్రాణం ఉందన్నా

నీవు ఇంతకు ఇంతై - అంతకు అంతై ఎదగర ఓ..కన్నా" ప్రేమతో ... "అమ్మ"

సముద్ర తీరంలో ... ఇష్టమైన వారి పేరు వ్రాసుకోవాలట. జన్మజన్మలకూ ..ఆ అనుబంధం కలిసేలా భగవంతుడు దీవిస్తాడట .. అని విన్నాక నీ పుట్టినరోజుకు రెండు రోజుల ముందు .. సముద్ర తీరానికి వెళ్లి వెళ్ళగానే ..నీ  పేరు వ్రాసుకున్నాను చిన్ని బంగారం ...

దీపావళి ...

అదే నీవు

నవంబర్ 24.

ఎనిమిదేళ్లు, నువ్వొక చోట నేనొక చోట. ఇన్నేళ్ల తర్వాత  వొకే  గూటిలో మనం.

నాకింకా చిన్న పిల్లాడివే. అమ్మా !  నాకేం చేసి పెడతావ్ అని పొద్దున్నే అడుగుతావు, రాత్రి బాగా పొద్దుపోయాక నా గదికి వచ్చి గాడ్జెట్  పట్టుకుని వుంటే మృదువుగా కోప్పడి దుప్పటి కప్పి మంచినీళ్ల బాటిల్ ప్రక్కన బెట్టి గుడ్నైట్ చెప్పి వెళతావ్.

అమ్మకి కావాల్సినవన్నీ అమర్చి పెట్టాలని తాపత్రయ పడతావ్, అంతలోనే   బాలుడిలా  అల్లరి చేస్తావ్.

మూడు పదుల వయసొచ్చినా పసి మనసే నీది.

అంతరంగం సముద్రమంతలోతు, ప్రపంచాన్ని చదివిన ఆలోచనలు, నువ్వు నువ్వుగా ఉంటూ అందరికీ నీకేమి తెలియదు అనుకున్నట్లు వుండే సాధారణంగా కనబడే  మంచి అబ్బాయివి. సింపుల్ మేన్ వి.

ఇలాంటి పుట్టిన రోజులు నిండు నూరేళ్ళు జరుపుకోవాలని ..

చైతన్యవంతమైన జీవన గమనం తో.. 

స్ఫూర్తి కరమైన మార్గంలో నడుస్తూ..

సుఖసంతోషాలతో..ఆయురారోగ్యములతో.. పుత్ర పౌత్రాభివృద్దితో

యశస్విభవ గా దేదీప్యమానంగా వెలుగొందాలని ..

మనసారా దీవిస్తూ..

భగవంతుని కరుణా కటాక్షములు అన్నింటా లభించాలని కోరుకుంటూ...

హృదయపూర్వక శుభాకాంక్షలు ..

నిండు మనస్సు తో.. ఆశ్శీస్సులు .. అందిస్తూ..  ప్రేమతో ..

                                                                                              అమ్మ.   

రాణి లా .. ఆలోచించు

రాణి  లా .. ఆలోచించు   :)  నేనే కాదు ఎవరైనా సరే !

                                                      Happy Birthday  " V "

"Think like a queen, A queen is not afraid to fall,

Failure is another stepping stone to greatness",,,, Oprah Winfrey

నూతన ఆంగ్ల సంవత్సర శుభాకాంక్షలు.

తెలుగు భాష పై మమకారం ఉన్నవారికి.. మాతృ భాషని.. ప్రేమించే అందరికి..
ప్రపంచవ్యాప్తంగా ఉన్న తెలుగు వారందరికీ..
బ్లాగ్ ముఖంగా... ఆంగ్ల నూతన సంవత్సర  శుభాకాంక్షలు.

 భ్రమించడం సూర్యుడి లక్షణం ..భాషించడం బ్రతుకు లక్షణం.
ఎవరికైనా మాతృ భాష  అందం.
భాషతో ముడి పడిఉన్న బ్రతుకులోని భావమందం.

బ్రతుకుని, భాషని విడదీయడం అపరాధం.
భాషే బ్రతుకైతే అది తరతరాలకి అరగని సుగంధం.
బహుభాషా కోవిదులు భాసిల్లును
బ్రతుకులో కన్నులపండుగగా..

మానవత్వం భాష తెలియనివారి బ్రతుకు అందరిలోదండుగ.

తమ బ్రతుకే భాషకే మలిచారు.. కొందఱు మహనీయులు.
భాషనే బతకడం కోసమే రాజకీయం చేస్తున్నారు కొందఱు నాయకులు.

 అన్నింటికీ మించి మాతృభాష వాడుక మనకి అందం.
పరాయి భావనలో ఎప్పుడైనా..ఎక్కడైనా అది  మనలని కలిపే ఏకైక బంధం.

మన మాతృ భాషని ప్రేమిద్దాం.
మన భాషని దేదీప్యమానంగా శోభిల్లజేసుకుందాం.
తెలుగు వారిగా గర్విద్దాం .

  ఈ తెలుగే కదా మనలని అందరిని కలిపింది. ఈ తెలుగు వెలుగు  తో.. మన ఉనికిని కాపాడుకుందాం. ఈ ఆంగ్ల సంవత్సర ఆరంభంతో ..

            ..

ఇంతలోనే కరిగి పోయావా!?

నాకైతే అసలు నమ్మశక్యంగా లేదు.

ఏం  చేయను..? రెండు సంవత్సరాలు ఎలా గడచి పోయాయో..ఏమో!

ఎన్ని అనుభవాలు,ఎన్ని జ్ఞాపకాలు, ఎన్ని భావాలు వెలిబుచ్చి నిన్ను పరిపుష్ట్యం చేయడానికి నిద్రాహారాలు మానాను.

పాలు పొంగళ్ళు, మాడి మసిబొగ్గుగా మారిన వంటలు,  హాజరు కాని విందు వినోదాలు..అన్నీ నీవల్లనే !

నువ్వు పరిచయం కానప్పుడు ఎలా గడచిందో..గుర్తుకు రావడంలేదు. పరిచయం అయిన కొద్ది రోజులకే అందరిని మరపించావు. నీ మాయలో పడేసావ్!

ఎక్కడికైనా వెళ్ళానా..అక్కడ ఉండగల్గానా!?  వచ్చేయి వచ్చేయి..అంటూ ఉండేదానివి.ఎంత త్వరిత గతిని ఇల్లు చేరి..నిన్ను కళ్ళ నిండుగా చూసుకోవాలని ఒకటే ఉబలాటం.

నువ్వు పరిచయం అయ్యాక ఒక్క అక్షరం ముక్క వ్రాస్తే ఒట్టు. ఎంత మంది స్నేహితులని ఇచ్చావు. పాత వాసనలు లేకుండా నీవే  నా శ్వాస ,నీవే నా ధ్యాస గా మారిపోయావు.

ప్రతి రోజు నిన్ను కొత్త విషయాలతోముంచెత్తే యాలని ఆలోచనలకి పదును పెట్టడమే సరిపోయింది.

నా ఆలోచనలని పంచు కున్న ప్రియ నేస్తానివి.నా మనసులో మాటని ఆత్మీయులకి అందించిన వారదివి.
నన్ను నాకే సరి క్రొత్తగా పరిచయం చేసిన జాణవి.

నా అనుభూతులని, భావాలని,కోపతాపాలని,నిరసన ని,ఆవేశాన్ని,అన్ని రకాల పైత్యాలని  అన్నింటిని భరించిన ఒకే ఒక నేస్తానివి.

నీకు మించిన నెచ్చెలి  వేరవరు ఉంటారు.. అందుకే నా హృదయ పూర్వక శుభాకాంక్షలు.

నన్ను ఎప్పుడు ఇలాగే అంటి ఉండాలని,వెన్నంటి ఉండాలని .. ఆకాంక్షిస్తూ..

                                                హమారే  యే సఫర్ దో  బరస్ పూరా  కర్లీ

                                                                                                                             ప్రేమతో... నీలో నేను.

ఆనంద దీపావళి

అజ్ఞానం అనే అంధకారమును చీల్చి జ్ఞాన జ్యోతులు వెలిగించుకుని..

బ్రతుకంతా  ఆనంద దీపికల వెలుగులో   ప్రతి ఒక్కరూ నక్షత్రం లా వెలగాలని కోరుకుంటూ ..  

బ్లాగ్మిత్రులందరికీ ఆనంద దీపావళి  శుభాకాంక్షలు అందిస్తూ..

                   "ఆత్మ దీపోభవ "

happy pictures

                                                                                                                                  వనజ వనమాలి

" హేమంత" కోసం..

మా (అప్పు) "హేమంత" కి పుట్టినరోజు శుభాకాంక్షలు.

మా అప్పు సీనియర్ ఇంటర్ చదువుతుంది. మేమిద్దరం మంచి ఫ్రెండ్స్ మి కూడా.. అప్పు మా చెల్లి కూతురు. సమానస్థాయి ఆలోచనలు కల మా ఇద్దరి మధ్య ఘన సమయాలు దొర్లిపోతుంటాయి.

నేను "నలిగే దారి " కవిత వ్రాసి బ్లాగ్లో పోస్ట్ చేసినప్పుడు.. ఇదేమిటి ..పెద్దమ్మా.. నువ్వు రాబర్ట్ ఫ్రోస్ట్ లాగా "ది రోడ్ నాట్ టేకెన్ " గురించి వ్రాయాలి కాని..అని కామెంట్ చేసింది.

అలాగే ఖలిల్ గిబ్రాన్ ఆన్ చిల్డ్రన్స్ గురించి చెప్పినప్పుడు.. ఫ్రెండ్ షిప్ గురించి చెప్పింది.

మా బంగారు తల్లి "చదువుల సరస్వతి " విజ్ఞాన ఖని.

నేను ఇంటర్ మీడియట్ తర్వాత బ్లాగ్ వ్రాస్తానని.. చెప్పింది. అందుకే "నిగమ " బ్లాగ్ మా పిల్లల కోసమే ఓపెన్ చేసాను.

మా అప్పు నిండు నూరేళ్ళు ఆయువారోగ్యములతో... నిత్య సుఖ సంతోషాలతో.. యశస్వి భవగా .. వర్ధిల్లాలని కోరుకుంటూ.. ప్రేమతో,దీవెనలతో.. హృదయపూర్వకంగా తెలుపుతున్న పుట్టినరోజు శుభాకాంక్షలు.

మా బంగారు తల్లికి మంచి మనసులున్న మీ అందరి దీవెనలు లభించాలని .. ఈ పోస్ట్.

రంగుల సంక్రాంతి..

మకర సంక్రాంతి శుభాకాంక్షలు. మదిలోని ఆశలన్నీ..అందమైన సుమాల రంగవల్లికలా ముంగిట ముగ్గై తీర్చిన వేళ... అందరి హృదయాలలోన ఆనంద సంక్రాంతి..

ఈ క్రింద   చూస్తున్న ముగ్గులన్నీ నిజమైన ముగ్గులు.

ఆ క్షణాన నేను ఆనందనాట్య మాడి ...

ఫోటోగా బంధించి..మన మిత్రులతో పంచుకుని ..

ఆనంద సంక్రాంతి..శుభాకాంక్షలు చెప్పాలని..
ఇలా వచ్చాను.

                                              పుష్ఫాలతో ముంగిట  ముగ్గులు

                                                                          

ఎంతో రసికుడు దేవుడు..  ఎన్ని పూవులు ఎన్ని రంగుల సంక్రాంతి.

ఇది నాకు నచ్చిన సంక్రాంతి. 

నూతన సంవత్సర శుభాకాంక్షలు.

మిత్రులందరికి.. హృదయ పూర్వక.. నూతన సంవత్సర శుభాకాంక్షలు.

కాలం కౌగిలిలో..మనమందరం బందీలం.
కాల ప్రవాహంలో.. మనమందరం మునకలు వేస్తూ..
నిన్న ఒక జ్ఞాపకం
నేడు ఒక కల
రేపు ఒక ఆశ ..గా..
మంచి దిశ గా ..మానవీయ విలువలతో.. నడక   సాగిస్తూ..
మానవ వారసులుగా ఓ..బాట మిగుల్చుతూ..
కొనసాగాలని ఆకాంక్షిస్తూ..  అందరికి హృదయ పూర్వక   నూతన సంవత్సర శుభాకాంక్షలు.
                                                                                                                                 
                                                                                                                                     వనజవనమాలి

స్నేహ దీపావళి

విద్యుత్  లేకుండా వెలిగేటి దీపం,

తైలాలు లేకుండా వెలిగేటి దీపం 

మనసులో ఎప్పుడు వెలిగేటి దీపం 

 స్నేహ దీపం ..

అంటూ కవి దాశరధి గారి గేయం 

బ్లాగ్ మిత్రులందరికీ 

స్నేహ దీపావళి 

మనలో ఉన్న అజ్ఞాన తిమిరాన్ని పారద్రోలి  విజ్ఞాన కాంతులు వెలిగించే ..దీపావళి 

సంతోషంగా,ఆనందంగా ,కాలుష్య రహితముగా 

జరుపుకోవాలని 

ఆకాంక్షిస్తూ..

పుష్పాలంకరణ 

                                                                      వనజవనమాలి 

పుట్టినరోజు శుభాకాంక్షలు ...

ఈ రోజు  మా "అప్పు" పుట్టినరోజు. 

అప్పు అంటే..మా చెల్లెలు కూతురు. పి.ఎస్. హేమంత. మొన్ననే..పదవ తరగతిలో..95 %  మార్కులు తెచ్చుకుని..ఇంటర్మీడియట్ లో..జాయిన్ అయింది. 

నాకైతే మా "అప్పు"ని చూస్తుంటే.. చాలా గర్వంగా  ఉంటుంది. మొన్న మొన్న నే.. కదా.. నేనే ..హాస్పిటల్ లో.. వాళ్ళ అమ్మ డెలివరీ టైం లో..ప్రక్కన ఉండి పుట్టగానే హాస్పిటల్ స్టాఫ్ చేతుల్లో నుండి.. నా చేతుల్లోకి అందుకుని.. అపురూపంగా "అప్పు" అని పేరు పెట్టాను. అలా పిలుస్తూ.. పిలుస్తూ.. 15 ఏళ్ళు గడిచాయి. " హేమంత "అన్న పేరు కూడా..నేనే పెట్టాను. 

మా "అప్పు" చాలా తెలివి కలది. ఐ.ఐ టి. లో..సీట్ సంపాదించాలనే లక్ష్యంతో.. మూడు సంవత్సరముల  నుండి ..ఓ..కార్పొరేట్.. స్కూల్లో చదువుకుంటూ..ఉంది.  తరగతి పుస్తకాలే కాదు అన్ని విషయాలు గురించి తనకి..అవగాహన ఉంది. ఆ వయస్సుకే..నాతో..కూర్చుని చాలా విషయాలు డిస్కస్ చేస్తుంది.

VR1 we are one ..అనే స్వచ్చంద సంస్థ గురించి చెపుతూ.. తనకి.. అలా సర్వీసెస్ చేయాలని ఉందని చాలా ఇంటరెస్టింగ్  గా చెప్పింది.. నేను ఆ పిల్లను అలాగే అబ్బురంగా చూస్తూ ఉండిపోయాను.నిన్న మొన్నటి చిన్నారి..యేనా.. అంతలోనే ఎంత ఎదిగి  పోయింది అనుకుంటాను. 

తనకి పాత సినిమాలంటే ..బ్లాకు &వైట్ సినిమాలు ఇష్టం. 8 తరగతి లో ఉండగా క్లాసు పస్ట్ .. వచ్చినప్పుడు ఏం గిఫ్ట్ కావాలంటే.."సాగర సంగమం " సి.డి. కావాలని అడిగింది. ఐ.ఐ.టి లో మెకానికల్ బ్రాంచ్ తీసుకుని.. 352 .సి.సి. బైక్,పొల్యూషన్ లేని కారు తయారు చేయాలని..తన కోరిక. ఆస్త్రోనోట్..కల్పనా చావ్లా, సుధా నారాయణ మూర్తి, ఇంద్రాణి నూయి,హేల్లెన్  కెల్లెర్ తన రోల్ మోడల్స్.  అడాల్ఫ్ హిట్లేర్..గురించి.. బాగా చదువుతూ..ఉంటుంది..కొత్త విషయాలు తెలుసుకోవడం.. పుస్తకాలు విపరీతంగా చదవడం..చాలా ఇష్టం. ఓర్పుగా  ఉంటుంది.తన పుట్టిన రోజు... కల్పనా చావ్లా పుట్టిన రోజు.. ఒకటే కావడం.. మా అప్పుకి..చాలా సంతోషం. ఆమెలా.. దేశానికి..పేరు తేవాలని..తన ఆకాంక్ష. 

మా బంగారు తల్లి.. బాగా చదుకుని.. తాను ఆశించిన  జీవితం తో.. ఆనందముగా.. ఉండాలని కోరులుంటూ.. భగవంతుడు.. తనకి  విద్యవివేకములని ప్రసాదించి..ఆయురారోగ్యములని..సుఖ..సంతోషములని ప్రసాదించాలని..కోరుకుంటూ.. "అప్పు" నీకు.. హృదయ పూర్వక శుభాకాంక్షలు..అందిస్తూ.. ప్రేమతో..దీవెనలతో.. .. 

పుట్టినరోజు శుభాకాంక్షలు ... ..

శుభాకాంక్షలు

రవీంద్రుడు జనగణమణతో..జయధ్వనులు పలికించినా..
మహ్మద్ ఇక్బాల్ సారే జహసే అచ్చాహిందు సితాః హమారా అని కీర్తించినా,
బకించంద్ర చటర్జీ వందేమాతరం గీతంతో..ప్రణ మిల్లినా..
నేతాజీ..జైహింద్ నినాదంతో జాతిని ఏక  తాటిన   నడిపించినా..
దేవులపల్లి జయ జయ ప్రియభారత జనయిత్రి అని పూజించినా..
 ఏ.ఆర్ .రహమాన్ "మా..తుజే.. సలాం" అని స్వరపరచినా..
అది మన అందరి హృదయంతరాల భారతీయ భావన.
అశోకుడు  పాటించిన  ధర్మ నిరతితొ,
బాపూజీ..అహింసా మార్గంలో..
మదర్ ప్రేమ భావనతో.. వారసత్వసంపదగా.. దేశ భక్తిని పెంపొందించుకుని..
సామాజిక భాద్యతతో.. నడుచుకుందాం.
అందరికి... గణ తంత్ర దినోత్శవ  శుభాకాంక్షలు..          

శుభాకాంక్షలు

ఆత్మ దీపో భవ 

 ఈ..ఏడాది  ఆఖరున మీ అందరి మధ్యన విరిసిన  సుమాన్ని  నేను

 ఎన్నో ఆశలతో ఎన్నోఆకాంక్షల తో
ఎంతో నేర్చుకోవాలన్న తపనతో
ఎన్నోఆలోచలని పంచుకోవాలన్న ఆరాటంతో
పరుగులు తీస్తున్నఈ పయనంలో.

 మీ అందరి సలహాలు సూచనలు తీసుకుని
 వనజవనమాలి ఎదిగి ఒదగాలని   ఆకాంక్షించుతూ

ప్రతి ఒక్కరు ఆత్మదీపోభవగా ఎదగాలని కోరుకుంటూ..

కాలం కౌగిలిలో   మనమందరం బందీలం
క్షణమైనా మనఃస్పూర్తిగా శ్వాసించి
ఆశించి భాసించి మానవత్వ పరిమళా లని
మన ముద్రలని   సింధువులో  బిందువుగా
మిగిల్చి  వెళ్లేందుకు కృషి  చేసేందుకే

ఈ కాలం మనకి రేపుని ఇచ్చిందని భావించాలని మనవి చేస్తూ

మిత్రులారా! మీ అందరికి హృదయపూర్వక నూతన సంవత్చర  శుభాకాంక్షలు