నాలో నాలుగు గదులు

 నాలో నాలుగు గదులు - వనజ తాతినేని

నెమరువేసే జంతువుకు

కడుపులో నాలుగు గదులు ఉన్నట్టు,

మనిషి గుండెలో

నాలుగు గదులు ఉన్నట్టు,

నాలోనూ నాలుగు భాగాలు.

ఒక గదిలో -

పూలలోని సున్నితత్వాన్ని,

పసిపాప మనస్తత్వాన్ని

ఎల్లప్పుడూ కాపాడుకుంటాను.

రెండో గదిలో -

కుటుంబానికే అత్యంత ప్రాధాన్యతనిస్తూ

బతకడానికి ఇష్టపడతాను.

మూడో గదిలో -

రచయితగా సామాజిక బాధ్యతను

నెత్తికెత్తుకుంటాను.

నాలుగో గదిలో -

అన్నింటికన్నా మిన్నగా,

నీ ప్రేమ సాఫల్యంలో

దినదినాభివృద్ధి సాధిస్తాను.

10/11/2026. 04:55 am.

#వనజతాతినేని #vanajatatineni #హృదయకవితలు #నాలోనాలుగుగదులు #indianpoetrycommunity #మమేకం

---