చిత్రాలు లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు
చిత్రాలు లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

26, అక్టోబర్ 2018, శుక్రవారం

అబెలియా రోజ్ క్రీక్

మా ఇంటికి సమీపంలోనూ,చుట్టుప్రక్కలా  విరివిగా కనబడే అబెలియా రోజ్ క్రీక్ పూపొదలు. 


అందమైన తెల్లని పూలతో పాటు తరువంతా  చిగురుటాకులు పూమొగ్గల్లా కనబడతాయి. పరీక్షగా చూడండి లేత చిగురుటెరుపులా కనబడేవన్నీ ఆకులే . 


ఇక ఈ పూల లోని మకరందం కోసం గండు తుమ్మెదలు రొద చేస్తూ తిరుగుతూనే ఉంటాయి. ప్రొద్దు ప్రొద్దుటే చిన్న చిన్న తేనెటీగల కోసం ఆ పూపొదల చుట్టూ చక్కర్లు కొట్టే పిచ్చుకలకంటే పెద్దవైన  పక్షులు వాటి బుచుకు బుచుకు అనే రవాలు బహుముచ్చటగా ఉంటాయి. 


ఈ అబెలియా రోజ్ క్రీక్  పొదలు చాలా చోట్ల కనబడ్డాయి. రోడ్డు ప్రక్కన ఉన్న విశాలమైన జాగాలలో క్రమపద్ధతిగా నాటబడి అందంగా కనబడుతూ ఉంటాయి. 


ఇలా నా చేత ఆకర్షింపబడిన చెట్లు పూల మొక్కలవలన  నాకు బాగా ఇష్టమైన కాలక్షేపం కేమీ కొరతలేదు.  ప్రకృతిని ప్రేమించడానికి ఇంతకన్నా కారణమేమి కావాలసలు :)   








10, ఆగస్టు 2018, శుక్రవారం

కుడ్య కళ

రెండు రోజుల క్రితం శ్రీశైలం వెళ్లాను . స్వామీ దర్శనం తో పాటు  మళ్ళీ మళ్ళీ చాలా చూసాను. గతంలో చూసినవే. అందులో శివాజీ స్పూర్తి కేంద్రంతో పాటు .. ప్రత్యేకంగా దేవాలయం చుట్టూ ఉన్న ప్రాకారాలపై ఉన్న శిల్ప కళని చూసి తీరాల్సిందే. ఆ కుడ్య కళలో చరిత్ర కనబడుతుంది . చాలా ఫొటోస్ తీశాను. అందులో మచ్చుకు కొన్ని ... మిగతావన్నీ వీడియో చేసి చూపిస్తాను .



















10, నవంబర్ 2012, శనివారం

పుడమి పుత్రులు

 పుడమికి పుత్రులు ఇరువురు

 సూర్యుడు - చంద్రుడు. అలాగే ఉన్నాయి కదా ఈ చిత్రాలు.




                                           
                                                 (ఈ చిత్రాలు గూగుల్ చిత్రాలు నుండి సేకరణ )

4, నవంబర్ 2012, ఆదివారం

మామ కబుర్లు




నీ సొగసు  బరువైన మేఘంలా కదిలి వస్తుంది..
నా వైపు..

నా వలపు దాహాన్ని తీర్చడానికన్నట్లు..

వచ్చినట్లు వచ్చి నన్నే నిండుగా కమ్మేసి..

నా వెలుగునే దోచేసాక కాని తెలియలేదు..

నాతో  ఆటలాడటం నీకు అత్యంత ఇష్టమని..

29, అక్టోబర్ 2012, సోమవారం

పూల గుత్తులు









ఇదిగో..  చిన్నప్పుడు ఇలా కొరికేసిన చెల్లెలిపై  అన్నకి అసలు కోపం లేదు. ఇప్పటికి తరగని  ప్రేమ తప్ప .


ఇంటి వెనుక తోటలో పూసిన ఈ  పూల గుత్తులు  ని  "అన్న "    భద్రంగా కెమెరాలో  బందించి చెల్లికి కానుకగా పంపాడు .

ఆ "అన్న"కు చెల్లి ఇచ్చిన కానుక ఈ పాట "కన్నీళ్లకే కన్నీరొచ్చే" ...

20, ఆగస్టు 2012, సోమవారం

సూపర్ స్టార్ కృష్ణ గారి అర్ధాంగి

సూపర్ స్టార్ కృష్ణ గారు  అర్ధాంగి శ్రీమతి ఇందిర తో కలసి వారి అమ్మాయి ప్రియదర్శిని వివాహ సమయంలో.

శ్రీమతి ఇందిర మీడియా కి కనబడటమే తక్కువ.




3, జులై 2012, మంగళవారం

ఈ శుభలేఖ చూడండి..







తుమ్మెద మంత్రం చదువుతూ ఉంటే.. కోయిల మేళం వాయిస్తుంటే.. చిలకమ్మా పెళ్లి కూతురాయేనే..గోరింక పెళ్లి కొడుకాయెనే..
అంటూ .. ఓ.. ఆత్మీయ ఆహ్వానం అందుకున్నాను.






ఈ శుభలేఖ చూడండి..ఎంత బాగుందో..!! నాకు బాగా నచ్చింది.
చక్కని వాతావరణం ఆత్మీయమైన కుశల ప్రశ్నలు, ప్రేమ పూర్వక ఆహ్వానం..





అలాగే.. శుభలేఖ వెనుకవైపున ..
మన వంశ అభివృద్దికి మూలమైన పెద్దవారిని స్మరించుకుంటూ..
మంచి.. పద్యమును.. అందించారు.
ఎంత చక్కని అర్ధం ఉన్న పద్యమో..!

".........ప్రేమ
పెన్నిదిగాని, ఇంటను నేర్ప
రీ కళ, ఒజ్జలెవ్వరు లేరు
శాస్త్రము లిందు గూరిచి తాల్చే
మౌనము.."
" ...సతుల సౌరను
కమలవనమునకు పతుల ప్రేమయే
నే వెలుగు ప్రేమ కలుగక బ్రతుకు
చీకటి"
(ప్రేమ విద్దెకు వోనమాలిని)

"మరులు ప్రేమని మది దలంచకు
మరులు మరులును వయసు తోడనే
మాయామర్మంలేని నేస్తము
మగువలకు మగవారికి కొక్కటే
బతుకు సుకమునకు రాజమార్గము
ప్రేమనిచ్చిన ప్రేమ వచ్చును
ప్రేమ నిలిచిన ప్రేమ నిలుచును.

(గురజాడ అప్పారావు గారు)

2, జులై 2012, సోమవారం

ఆశ్చర్యం !!?



వేయి పడగల మీద కోటి మడుగుల నేల మోసి అలసిన స్వామి ..మోపిదేవి స్వామి..
హరుని కంఠం వీడి హరిని నిదుర లేపి కదలిరా..

అన్నది మన తెలుగు పాట..

పై చిత్రం లో చూసిన బహుముఖ నాగరాజులని అప్పుడప్పుడు.. యూ ట్యూబ్ లో చూస్తుంటాను.

అవన్నీ మనిషి కల్పిత చిత్రాలు అనుకున్నాను. వివరంగా తెలుసుకోవడానికి కూడా ప్రయత్నం చేయలేదు.

ఈ రోజు ఈ చిత్రం చూసి ఆశ్చర్య పోయాను. నమ్మలేకపోయాను. కానీ ఇంత స్పష్టమైన ఆధారాలు కనబడుతుంటే నమ్మాలి కదా!

శ్రీశైలం ఘాట్ రోడ్ లో .. కనిపించిన ఈ నాగరాజుని ఆసక్తిగాను,ఆశ్చర్యం గాను చూడటానికి, కెమెరాలలో బంధించడానికి
ఇంత మంది ప్రత్యక్ష్య సాక్ష్యం కనబడుతుంటే!

మాకు తెలిసిన వారి మిత్రులు ఇటీవల "శ్రీశైలం"వెళ్ళినప్పుడు కనబడిన విశేషం ఇది.
వారు కెమెరాలో బంధించి తీసుకుని వచ్చిన చిత్రం ని .. ఇలా షేర్ చేసుకుంటున్నాను.
శ్రీశైల శిఖరం అంతా శివమయం.

ఆ నాగా భరుణుడి కంఠం వీడి.. ఆ భుజంగ భూషణుడి..దేహమును వీడి.. నన్ను చూడండీ అంటూ.. జనులకు దర్శన భాగ్యం కల్గించావా.. నాగ రాజా.. !? అన్నట్లు లేదు. ఈ పిక్ లో నిజమెంతో..అబద్దమేంతో..నాకు తెలియదు కాని.. చాలా ఆసక్తిగా ఉంది.

ఇలా షేర్ చేసుకోవడం కూడా ఆ ఆసక్తిలో భాగమే! మన మిత్రులెవరైనా.. ఇలాటి నాగ జాతుల గురించి చెపుతారేమో..చూద్దాం.


26, మార్చి 2012, సోమవారం

నాకు నచ్చిన పోటో గ్రఫీ


కొన్ని  చిత్రాలు .. కొన్ని స్థలాలను అనుబంధంతో  ..పెనవేసుకుని ..కెమెరాలో భద్రంగా ఒదిగి.. ఇలా..కనిపిస్తున్నాయి. ఈ రోజు మా అబ్బాయి ఫొటోస్ చూస్తుంటే.. తన ఫోటో గ్రఫీ నచ్చి ఇలా షేర్ చేసుకుంటున్నాను. నాకు ఎంతో  బాగా నచ్చిన పోటో గ్రఫీ ..
   
తనకి నచ్చిన స్థలం





తను చదువుకుంటున్న   విశ్వవిద్యాలయం


 తన ఫోటో గ్రఫీ లో తనే..


కృష్ణమ్మఒడ్డున..

 

13, డిసెంబర్ 2011, మంగళవారం

వావ్..నాగా అందాలు ..


హాయ్.. ఫ్రెండ్స్.. 
ఈ రోజు అందమైన ప్రకృతిని..కొన్ని ఆసక్తికరమైనవిశేషాలని మోసుకుని వచ్చాను. 

 మన భారత దేశంలో.. "అక్కా-చెల్లెళ్ళు" గా వర్ణించు కునే  ఏడు ఈశాన్య రాష్ట్రాలలో.. మయన్మార్ కి..సరిహద్దుగా కల రాష్ట్రం ..నాగాలాండ్.  మా అన్నయ్య..తన వర్క్ నిమిత్తం ..ఒక ఆరేడు..నెలల క్రితం నాగాలాండ్ కి బదిలీ కావాల్సి వచ్చింది. నాగాలాండ్  అనగానే అమ్మో..అంత దూరమా? అనుకోవడంతో..పాటు..ఉల్ఫా , బోడో.. ల గురించి కొంచెం భయం కల్గింది. అందులోను మా అన్నయ్య సైట్ ఇంజినీర్ గా దేశం నలు చెరుగులా..పాతికేళ్ళ గా గిర గిర తిరుగుతూనే ఉన్నాడు.  

ఎప్పుడూ..అలా తిరిగే ఉద్యోగమేనా? రెండు ఏళ్ళు అయినా  ఒక చోట నిలకడగా ఉండేది లేదు.. మీ జి.ఎమ్ కి. చెప్పి  ఆంద్ర లోనే ఉండకూడదా..అంటే..  "లేదమ్మా..1100 వందల కోట్ల రూపాయల వర్క్.. నేను వెళితేనే.. నాలుగు పేకేజ్ లలో..వర్క్ బిగిన్ అవుతుంది..అంటూ. యూనిట్ అందరికన్నా..ముందు వెళ్ళాడు. అలా ముందుగా వెళ్ళినా అక్కడ వర్క్ మొదలు కావడానికి మూడు నెలలు టైం పట్టిందట. అక్కద ఒకటే..కుండపోత వర్షాలు.ప్రపంచంలోనే అత్యధిక వర్ష పాతం నమోదు అయ్యే ప్రాంతాలలో..నాగాలాండ్  ఒకటి.

ఇక నాగాలాండ్ గురిచి..యెంత ఆసక్తి కరంగా ఉందొ!..వింటుంటేనే..ఒక సారి వెళ్లి చూడాలనిపిస్తుంది. 
అస్సాం బోర్డర్ కి సమీపం లో ఉన్న దీమా పూర్ వరకు మాత్రమె..రైళ్ళు వెళతాయి. అక్కడ నుండి..ఆ రాష్ట్రం మొత్తం..బస్సు ప్రయాణం చేయ వలసిందే! సరిగా రోడ్డు సౌకర్యం కూడా లేని ఆరాష్ట్రం లో 320 కిలోమీటర్ల మేర రోడ్లు వేయడమే.. మా అన్నయ్య పనిచేస్తున్న కాంట్రాక్ట్ కంపెని పని. 

నాగాలాండ్ ప్రజలలో..ఎక్కువ శాతం మంది..నాగా జాతికి చెందినవారు.వారు మాట్లాడే బాష..నాగా అనే భాష. ఆభాషకి..లిపి లేదట. ఆ భాషని వ్రాయాలంటే..మన తెలుగుని మనం ఇంగ్లిష్ లో వ్రాసి నట్లు.. నాగా భాషని. ఇంగ్లిష్ లో..వ్రాస్తారట.అక్కడ ఉన్న  తక్కువ శాతం మంది ముస్లిం లు .ఉర్దూ కలసిన .హిందీ మాట్లాడతారట. కొంతమంది..ఇంగ్లిష్.. ఒక ఇరవయి సంవత్సరాల నుండి.. హిందీ.ఇంగ్లిష్ మీడియం లలో.. స్కూల్స్ నడుస్తున్తాయని..చెపితే ఆశ్చర్య పోయాను. ఏమిటీ.దేశంలో..ఇంట వెనుకబడ్డ ప్రాంతం ఉందా? అని. 

అక్కడ ఆ రాష్ట్రంలో.. సొంత ఆస్తులు ఏమి ఉండవట.అంటే..భూములు,స్థలాలు.కొనడాలు, అమ్మడాలు ..లాటి రిజిస్ట్రేషన్ ప్రక్రియలు లేవట..370 ..ఆక్ట్ అమలులో ఉందట.ఇంత మంది జనాభాకి ఇన్ని చదరపు కిలోమీట్ల మేర 
వ్యవసాయమ  చేసుకోవడమే..అని గ్రామ పెద్ద నిర్ణయిస్తారట.అక్కడ పర్వత ప్రాంతాలలో.లభించే అటవీ ఉత్పత్తులని సేకరించి..అమ్ముకోవడం చేస్తున్తారట.  ఇలాటి వెసులుబాటు ఉండటం మూలంగానే ప్రత్యేక స్వయంప్రతిపత్తి కావాలని కొంత మంది వేర్పాటువాదం ని..బయలుదేరదీశారట. నేను అప్పుడు ఒక జోక్ చేసాను. మన ఆంద్ర వాళ్ళకి అటువంటి చోటు ఉందని తెలిస్తే..భూబకాసురులై.. ఆక్రమించుకుంటారు కదా..అని.  అక్కడ వారి కూడా బాగా పండుతుంది.

అక్కడ..కొండ చరియలలో..అనుకూలంగా ఉన్న చోట ఇల్లు నిర్మించుకోవడం .. రెండుమూడు కొండల ప్రాతాలలో.. వ్యవసాయం చేసుకోవడం..ఆహార అవసరానికి తగినట్లు పంటలు పండించుకోవడం.. కోళ్ళు,పందులు,మేకలు లాటి పెంపకం వలన ఆదాయం సమకూర్చుకోవడం చేస్తారట. విద్యుత్ చార్జీలు కూడా..బహు స్వల్పంగా..వసూలు చేస్తారట. నాగా ప్రభుత్వం ప్రజల సంక్షేమం కి.. చాలా పనులు చేపట్టి.బాగా పని చేస్తుందని చెప్పారట. అక్కడ ఆ రాష్ట్రంలో..ఉన్న ఏడు జిల్లాల  వారితోనూ కో..ఆర్డినేషన్ చేసుకుంటూ రోడ్డు పనులు చేయడం మా అన్నయ్య వాళ్ళ పని కాబట్టి.. .  కొంత మంది అధికార గణం తో..చాలా విషయాలు చర్చిస్తారట. వారు చెప్పిన మాటల్లో.. సారాంశం ఏమిటంటే.. ప్రస్తుత రాష్ట్ర ప్రభుత్వం భారత దేశంలో..అభివృద్ధి చెందిన రాష్ట్రంగా చేయడానికి బాగా పని చేస్తుందని చేపారట.
ఇక అక్కడ ప్రజలలో..ఎక్కువ శాతం మంది.. క్రైస్తవ మతస్తులు.ప్రజల సంస్కృతీ ..సంప్రదాయాలు అన్నీ.. విభిన్నం గా   ఉన్నా..కూడా.. వారందరిలోను భారతీయ భావన బాగా ఉంటుందట.ప్రజలకి.. ఇతర ప్రపంచం గురించి.. అంత పెద్దగా సమాచారం తెలియదట. వార్తా పత్రికలూ.. టీ.వి ల ప్రభావానికి లోనవక..ఓ..ఎభయ్యి ఏళ్ళు వెనుకబడ్డ ప్రాంతంగా అనుకోవచ్చు..అని మా అన్నయ్య చెప్పారు. కానీ వారంతా..స్నేహ స్వభావులు కానీ  వారి ఆచారాల్ని గౌరవించాలని..బలంగా కోరుకుంటారట. అడవి జంతువులని వేటాడటం..మాంసాహారం భుజించడం కూడా..వారి వృత్తిలో భాగమే నట. వారు..వేటాడిన ఎనుమల మాంసాన్ని..గ్రామంలో అందరితో..పంచుకోవడం. ఎన్ని ఎనుమలని వేటాడి ఆ..మాంసాన్ని అందరితో..పంచుకోవడం అన్నదానికి గుర్తుగా.. వేటాడిన జంతువుల కొమ్ములని ఇంటి ముందు.. అలంకరించుకుని..గొప్పగా ప్రదర్శించుకోవడం ని.. చూస్తే.. అయ్యో..పాపం అడవి జంతువులు  వీళ్ళ పాలబడి..ప్రాణాలు కోల్పోతున్నాయి కదా  అనిపించింది. అని జాలిగా చెప్పాడు. మా అన్నయ్య. ఇవన్నీ విన్నాక నేను ఒకటి రెండు సార్లు అయినా నాగాలాండ్ వెళ్లి ఓ..సారి చూసి రావాలనిపించిది.  అక్కడ యాలక్కాయలు  కాస్తాయట. భలే ఉన్నాయి..అవి. 

మా అన్నయ్య ప్రక్రుతి ప్రేమికుడు. అందమైన చిత్రాలని బంధించి..తీసుకుని వచ్చి చూపిస్తే..వావ్..అనుకోకుండా ఉండలేక పోయాను. ఆ..చిత్రాలలో..కొన్ని..ఇక్కడ పంచుకుంటున్నాను. 
మీరు..నాగాలాండ్ అందాలని చూసేయండీ!


పచ్చికపై నడచి వెళుతున్న మేఘాలు.. 



                                           చెక్క బొమ్మల తయారీ.. ఎంత జీవం ఉట్టి పడుతున్నాయో....కదా!


                                          నదీ..ప్రవాహం అద్భుతమైన  మనోహరమైన చిత్రం..


                                                          నల్లని దట్టమైన అడవి.



                                                        చెక్క తో తయారైన కొవ్వొత్తి స్టాండ్

                                                ఇలాటి దృశ్యం అడుగడుగునా..నిత్యం..


స్వచ్చమైన పూలు..మనసు పారేసుకునేటట్లున్నాయి. .



లేత గులాబీ పూబాల నేల చూపులు చూస్తుంది. సిగ్గు పడుతుందేమో!



                                           పసుపు తక్కువేం కాదు..సిగ్గు  భారం అధికమైనది అనుకుంటాను.



                                              దట్టమైన మంచు తో..కొండలే కనబడటం లేదు



                                                       అన్నయ్య పూల చెట్ల పెంపకం







                                           విలేజ్ కౌన్సిలర్ల మీటింగ్లో.. మా అన్నయ్య





                                                              మీడియా.. షూటింగ్


మీడియాకి రహదారి నిర్మాణాల గురించి వివరిస్తున్న నాగాలాండ్ ముఖ్యమంత్రి ప్రధాన సలహాదారు.. శ్రీ..లోహి



                                          రోడ్డు వేయడం కోసం కొండను   తొలుస్తున్న  జే.సి.బి.



                                                        మా అన్నయ్య గారి జి  ఎమ్



                                              స్థానిక అధికారులకి..రోడ్డు మ్యాప్ వివరిస్తున్న మా అన్నయ్య



ఈ కొండల పైనే ..నివాసం..వ్యవసాయం 




                                                                   కుందేళ్ళ పెంపకం


                                                వేటాడిన ఎనుమల గుర్తుగా కొమ్ములు



                                                  వెతకగా వెతకగా కనబడిన హిందూ దేవాలయం  




విజయదశమి రోజు పూజ సందర్భంగా   .మా అన్నయ్య ఆయుధ సంపత్తి  



                                                          ఇంటి వెనుక పూల తోటే!


                                          మంచు కాదు,నీరు కాదు ..కొండల మధ్య మేఘాల ప్రయాణం..






                                              మా అన్నయ్య వాళ్ళ క్యాంపు నిర్మాణ దశ..


తెల్ల ఎలుక ..



నాగా చిన్నారులు..ఆట పాటల్లో. 


                                                                  మిడిల్ ఖోమి అనే చిన్న పట్టణం


                               బొమ్మల తయారీకేంద్రంలో.. మా వదినమ్మ,తెల్ల చుడిదారులో..అక్కడి స్కూల్ టీచర్.

ఇంకో విషయం మర్చిపోయాను. ఒక రోజు అర్ధ రాత్రి వేళ.. ఇరవై మంది..సాయుధ దళం.. మా అన్నయ్య క్యాంపు ని చుట్టుముట్టి .. మొబైల్ ఫోన్ లాక్కుని .. రెండు మూడు గంటలు మాటలు పెట్టి.. ఇబ్బందికి గురిచేసి అధిక మొత్తం డబ్బు కావాలని ఇబ్బంది పెట్టారట. హెడ్ ఆఫీస్ కి కనక్ట్ చేసి మాట్లాడించాక వెళ్లి పోయి.. మరలా.. ఇంకో రోజు వచ్చి వెళ్లారట. .మొదటి రోజు ఆ విషయం విన్నాక మాకు చాలా భయం వేసింది. అవన్నీ..మామూలే!..వాళ్ళకి.. ముడుపులు..అందించకపోతే .వర్క్ లని సవ్యంగా   సాగనీయక, కిడ్నాప్ లు చేసి బాధపెదతారని భయం తో..వణికి  పోవాల్సిందే !    అని చెప్పాడు మా అన్నయ్య.

ఈ అన్నల కథలు బోలెడు ఉన్నాయి. మా అన్నయ్య తిరిగిన చోట్ల అన్నిటా.. వాళ్ళు ఉంటూనే ఉంటారట. ఏదైనా.. ప్రజలు కోసం ప్రభుత్వం పని చేయాలి.. ఆ ప్రభుత్వాన్ని ప్రజలే ఎన్నుకోవాలి. చేసే పనులని బట్టీ.. అభివృద్ధి జరుగుతుంటుంది. నాగాలాండ్ ప్రజలకి...ఈ రోడ్డ్ల ద్వారా అభివృద్ధి జరగడమే..కావాల్సింది..అని మా అన్నయ్య అంటే..అవును..నాలాటి వాళ్ళు సుఖంగా ప్రయాణం చేసి..ఆ..ప్రాంతాలన్నీ కూడా చూసి రావచ్చు అన్నాను.
ఈ సారి కొహిమా  విశేషాలు వ్రాస్తాను. చాలా చిత్రాలు జత చేస్తాను.  వెయిట్ ప్లీజ్!