వాక్యం

 - వనజ తాతినేని

ఎండిన మరువపు కొమ్మను తెచ్చి 

బట్టల బీరువాలో దాచినట్లు 

నచ్చిన పుస్తకంలో పెట్టినట్లు 

బాగా నచ్చేసిన మనిషిని 

హృదయంలో గుప్తనిధిగా  మార్చేస్తా 

జ్ఞాపకాల పుటల్లో బంధించేస్తా 

అబ్బ! భలే బావుందే ఈ వాక్యం అనుకుంటూ మస్తిష్కంలో నాన పెడతాను 

నేను మాత్రం ఏం తక్కువ అనుకుంటూ -~ ఆలోచనలను సాన పెడతాను 

వాక్యం వజ్రంలా మారకపోయినా 

కనీసం నా పెంపుడు పావురంలా --- మూల్గుతుంది .. నన్ను నిరాశ పర్చకుండా.

సమయం 09:14 ఉదయం 13/12/24