రెక్కలు - ఊహలు
తుమ్మెదలు సీతాకోకచిలుకలు వొకరినొకరు
పరామర్శించుకున్నాయి
ఎవరి అన్వేషణ వారిది ఎవరి ఆస్వాదన వారిది
కలహించుకోకూడదని తోట చెప్పిన మాట తలకెక్కించు కున్నట్టున్నాయి.
*********
శుభ్రమైన నీలాకాశంలో
దిష్టిచుక్కలా సోమరి మేఘం
సూర్యుడికి దిష్టిచుక్క కాబోలు
************
గాలి ఈలలు వేస్తుంది
ఒకటే రొద. దానికి
వెదురుపొదల జాడ దొరికితే బాగుండు
రవళుల తుఫాన్ మది తీరం దాటుతుంది.
*********
ప్రేమించడం అంటే …
కాఠిన్యం నిండిన మనసును
పూల మృదుత్వంతో మార్పిడి చేసుకోవడం
దయను అంటు కట్టుకోవడం
ఉన్ననాళ్ళన్నీ నీ ఉనికిని బేషరతుగా సమర్పించడం.
కామెంట్‌లు లేవు:
కామెంట్‌ను పోస్ట్ చేయండి