యుద్ధ కవితలు

 యుద్ధ కవితలు

ప్రపంచమంతా.. యుద్ధం గొడుగు కింద చేరింది

తమది కాని యుద్ధాన్ని చేస్తూ మోస్తూ

కొన్ని గొడుగు చువ్వలు విరిగి పొయ్యాయి. 

గొడుగు చిరిగి పోయింది. ఇప్పుడు ఎండ వాన నుండి రక్షణ కరువు

చెట్టు కిందకు చేరేవు ఆశ్రయం కోరుతూ మబ్బులు లేని పిడుగులు పడతాయి. 

 

**

ఆకాశం నుండి ఓ క్షిఫణి దూసుకు వస్తున్నప్పుడల్లా

ఓ దుఃఖ మేఘం భళ్ళున కన్నీరు గుమ్మరించి పోతుంది.

సామ్రాజ్యవాదం చిరునామా కర్కశం

ఇనుప ముళ్ళ పాదరక్షలు ధరించింది 

బడి పువ్వులను నలిపేస్తోంది. దువా చేస్తున్న

సమూహాలను లక్ష్యం చేసుకుంటుంది.

***

యుద్ధాన్ని ఆపే శక్తి ఏ మతానికి లేదు

మతం కూడా మానసిక యుద్ధమే!  

మానవజాతి ని ఉద్దరించుకోవడానికే మతం పుట్టింది. 

అదే మతం మనిషిని చంపుతుంది. 

జంతువులకు మతం లేదు. పాపం

ఎంతో కొంత అవి బతికి పోయాయి.

****

అధికంగా చదువుకున్న మూర్కులున్న ఇజ్రాయల్ 

మరో మూర్ఖ సంస్కృతి ని దత్తత తీసుకుంది. 

శాంతి ఒప్పందాలు ఆక్రమణలు ఏది ఆగవు

ఆకలి కేకలు ఆగవు. సామూహిక దాడులు ఆగవు. 

*****

యుద్ధం ఒకందుకు ప్రారంభం అవుతుంది 

మరొకందుకు ముగుస్తుంది

ధనం ఇంధనం పరస్పర ప్రేరకాలు

ఆధిపత్య భావన అహంకారం కవల పిల్లలు. 

******

యుద్ధ రక్కసి కి ప్రజలను ఆహారంగా 

విసురుతారు నేతలు. 

శవ పేటికలపై పన్నులు వేసి ఆయుధాలను

కొనుగోలు చేస్తారు.

***********

PS: (మనమేమి చేయలేము. కవిత్వం రాసుకోవడానికి కొంత సరంజామా దొరికింది. వాట్సాప్ ద్వారా Gas సిలిండర్ బుక్ అయ్యింది. డాలర్ రేటు పెరుగుతూ ఉంది. అక్కడ మాత్రం వాయింపు. జీవితానికి వేరే ఆప్షన్ లేదు) 

#వనజతాతినేని

#vanajatatineni

#follower

#hilights

#warpoetry

#యుద్దకవితలు

#సిరివెన్నెల 

#griefpoetry

కవి సమయాలు

గింజులాట    - వనజ తాతినేని 

నువ్వు యెప్పుడూ స్పష్టం

నేనెప్పుడూ .. అస్పష్టంగానే

ఈ గింజులాట జీవిత కాలం 

ఒకనాటి మురిపెం పువ్వులది

యాభైరెట్ల ఆనందం తుమ్మెదలది.

సఫలం కాని జీవితాలపై .. 

సానుభూతి వడగళ్ళ వర్షం. 

వద్దు.. ఆత్మ హననాలపై  

కనికరం వద్దు. జాలి దయ

సానుభూతి భరించడం కష్టం

మిక్కిలి అవమానకరం.   

***************

అతడు: మీ కవులు జీవితాన్ని ఆస్వాదించలేరు అనుభవించలేరు. ఎంత సేపూ ఊహల్లో మునిగి తేలుతూంటారు. ఆరోపణ దండిగా వినబడుతుంది. 

ఆమె: అనుభవం  మంచిగానో చెడ్డగానో వుంటుందని ఊహించగలరు కాబట్టే.. కొత్త కొత్త అనుభూతి పరంపర లో నిండా మునిగి తేలుతారు. ఇక అనుభవం తో పనేముంది!?  స్థిరంగా చెప్పింది.

నేను: ఏమిటబ్బా! రెండు సబబుగానే వున్నట్టు వున్నాయి. 🤔🤗 ఎవరి వైపు చెప్పాలిప్పుడు.😘😅

**********************

 "పువ్వు చుట్టూ వాత్సల్యపు నీడలా 

నువ్వు నా చుట్టూ ఉన్నావు ఈశ్వరా! 

అవసరమైనప్పుడల్లా.. గీతానివై తారసపడతావ్!

 నా లోపలి వెలుగు నా లోపలి స్వరం.. నేనే కానీ..  

అది నువ్వే అని ఎరుకలో వున్నాను. 🙏

****************

నా కవిత్వంలో..

నీ జాడ వెతుక్కోకు 

భంగపడతావ్.

ఉక్రోషంగా..

మొగ్గ రేకులను

బలవంతంగా విడదీసి 

మధువును రుచి 

చూడటానికి ప్రయత్నించకు

పోక్సో చట్టం వుంది 

జాగ్రత్త!! 

ఛాయా చిత్రం

 అప్ డేట్.. 

ఔద్దత్యం లేనే లేదు

అది నా ఔన్నత్యం అవునో కాదో నాకే తెలియదు. 

అందరి దృష్టి ని ఆకర్షించాలని కాదు. 

నా వాల్ .. నా ఇష్టం. 

కనీసం profile pic పెట్టుకునే స్వాతంత్ర్యం 

లేదా.. నాకు !?

మొన్నామధ్య ఇదే శారీ తో వున్న ఫోటో పెట్టుకుంటే.. ఎవరో వచ్చి ఏదో.. వాగుతాడు. 

ఫోటో తో సహా డిలీట్ చేసాను కోపంగా. 

కథలు కవిత్వం పెడతాను కాబట్టి Public comment చేయవచ్చు అనే option ఇచ్చాను. ఎవడో ఏదో వాగుతాడు. Friends and Friends option లోకి మార్చుకున్నాను. 

ఈ Option లో కూడా ఎవడో ఒకడు ఏదో ఒకటి వాగుతున్నాడు. Only Friends వరకూ comment పెట్టే Option లోకి కుదించేసాను. 

ఏంటి బాబూ ! అసలు మీ సమస్య! ? అని అడగాల్సిన అవసరం వస్తుంది. జాగ్రత్త!!

ఫోటోతో సహా డిలీట్ చేసానని అప్పుడే  మా వదిన మళ్ళీ తీసింది ఈ ఫోటో. చేతిలో రెండు Chaco Bar లు ఉన్నాయని నవ్వకండి. నేనసలు తినను. ఫ్యామిలీ మెంబర్స్ వి పట్టుకున్నాను. 

14 th న కజిన్ కూతురు పెళ్ళి లో.. 

ఆ పెళ్ళికి చాలామంది వచ్చారు. మనమేం ఎగబడి ఫోటోలు దిగం వారితో. 

రచయితలు కూడా సెలబ్రిటీ లే.. కదా! 

PS: జాగ్రత్తగా కామెంట్ చేయండి. 

ఎప్పుడో ఒకప్పుడు కాస్త మంచి చీర కట్టుకుని.. సింపుల్ గా ఓ నగ పెట్టుకొని.. కాస్త ఓ ఫోటో తీసుకుని ఇక్కడ పోస్ట్ చేసుకుంటాం. అంతే! అదో సరదా! కట్టిన చీరే కట్టి బిళ్ళ మడతలు పెట్టి కట్టి తిప్పి కట్టి.. 

అన్నమాట. 

ఈ ఫోటో అస్సలు డిలీట్ చేయను. నవ్వకపోయినా బాగానే వున్నాను.. వెనుక వున్న పువ్వుల గుత్తులు వల్ల. 😍❤️😘

ప్రశంసలు ఎన్నైనా స్వీకరిస్తాం. విమర్శ ను కూడా భరిస్తాం. కానీ అవాకులు చెవాకులు, అసభ్యకరమైన వ్యాఖ్యలు చేయడం సరికాదు. అది నేను భరించలేని విషయం కాబట్టే.. ఈ బ్లాగ్ లో కూడా కామెంట్ ఆప్షన్ తీసివేయబడింది. 

14/03/2026 . 

ఆమె_వంటగది

 వంటిల్లు కూడా స్త్రీ అభిరుచి లో ఒక భాగమే. 

ఆమె_వంటగది -Doranala Vidura Reddy  గారి కవితా పరిచయం

                                                                        - వనజ తాతినేని.

                                                                                                                                -               ఇటీవలకాలంలో ఫేస్ బుక్ లో నేను చదివిన కవిత్వంలో ఒక మంచి కవిత గురించి చెప్పాలనుకున్నాను. మిత్రులతో మాటల్లో కవిత్వాన్ని విశ్లేషించడమే తప్ప నేనెప్పుడూ కవిత్వాన్ని పరిచయం చేసే బాధ్యతను తలకెత్తుకోలేదు. ఎందుకో ఈ కవిత అలా.. అలా.. ఆలోచనల్లో మిగిలిపోయింది. మీలో చాలామంది ఈ కవిత చదివి వుండివచ్చు కూడా!  నా దృష్టిలో బాగుంది అనుకున్న ఈ కవిత ఎలా వుంది అంటే.. ఇదిగో ఇలా! 

భారతీయ సాంప్రదాయంలో  స్త్రీని వంటింటికి మహారాణిని చేసారు. ఏ రాజప్రాసాదాలలోనో ధనవంతుల ఇళ్ళల్లోనో పుడితే తప్ప ఆమె కి C/o వంటింటి చిరునామా మారే యోగం లేదు. 

కేవలం వంటింట్లో ఎక్కువ సమయం వినియోగించాల్సిన పరిస్థితి భారతీయ స్త్రీలకు వివాహం పిమ్మట తప్పనిసరి అయి వున్నప్పటికీ అదే జీవితం అయి వుండాలనే నియమం పాటించాల్సిన అవసరం కూడా లేదు. ప్రతి మనిషికి ఆహారం ఫ్రాథమిక అవసరం. పురుషుడు బయట ప్రపంచంలో బతుకువేట కొనసాగిస్తూ వుంటే స్త్రీలు ఇల్లు పిల్లలు పెద్దలను చూసుకునే బాధ్యత వహిస్తూ ఇంటికే పరిమితమైన కాలం నుండి మనం చాలా ముందుకు వచ్చేసాం. చాలామంది స్త్రీలకు  ఇంటి నిర్మాణంలోనూ ఇంటి నిర్వహణలోనూ భర్తకు చేయూతనివ్వాలిసిన అవసరం వున్న కాలం ఇది. ఒకవేళ స్త్రీ ఉద్యోగిని కాకుండా వున్నా కూడా బాధ్యతలకు కొదవేమీ లేదు. పుల్ టైమ్ గృహిణులకు కూడా ఊపిరి సలపనివ్వని పనులుతో హైరానా పడిపోతుంటారు. వీటన్నింటి మధ్య ఈ కవితలోని  గృహిణిని ఇంటి పని నుండి వంట పని నుండి తనను తాను విడదీసుకున్న ఒక స్వేచ్ఛాభిలాషణ కల్గిన స్త్రీగా చూడగల్గాం. అది నాకు చాలా సంతోషాన్ని ఇచ్చింది. గృహిణి అయినంత మాత్రాన స్త్రీ పూర్తిగా వంటింటి చాకిరీతో అలిసి అవిసి పోతారు అన్న నానుడి నుండి అపప్రధ నుండి  ఈ కవిత బయట పడేసింది. స్త్రీలు మాత్రం ఈ కవితలో వున్న ఐరనీ అంది పుచ్చుకుంటారో లేదో! 

స్త్రీ తనకు వుండే చక్కని అభిరుచులతో   అనునిత్యం తనని తాను నవ ఉత్తేజంతో నింపుకుంటూ జీవితాన్ని ఆస్వాదించడానికి ఆస్కారం వుంటుందని వుంది అని ఈ కవి తన కవిత ద్వారా తెలియజేసారు. 

ఆ గృహిణి ఇష్టంగా గార్డెనింగ్ హాబీని కొనసాగిస్తూ,  నిత్యం ఇంట్లో ఆధ్యాత్మిక వాతావరణాన్ని నెలకొల్పుతుంది.ఇంటి అలంకరణలో రామాయణ ఇతివృత్త మధుబని పెయింటింగ్ గోడకు వ్రేలాడుతుంది, రమణ మహర్షి సందేశంతో  వున్న ప్రేమ్ గోడకు తగిలించి వుంటుంది. ప్రపంచం లోని మనుషుల మనస్తత్వం ఎలా వుంటుందో తెలుసుకోవాలనుకునే ఆసక్తి కల్గి    Steave de రాసిన ” How to read People” పుస్తకం చదువుకుంటూ వుంటుంది. ఇక ఆ ఇంట్లో  అమ్మానాన్నల అపురూపమైన ప్రేమతో  చక్కగా పెరిగిన పిల్లల ఆచూకీ తెలుపుతూ “అమ్మాయి చిత్రించిన అమ్మా నాన్న చిత్రం, కొడుకు తల్లికి పంపిన ఉంగరం బహుమానం”  ఇంకా  “బిజినెస్ టూర్ లో వున్న భర్త  తరచూ పంపే మెసేజెస్” ఇవన్నీ వుంటాయి.  ఈ చిహ్నాలన్నీ  ఆ కుటుంబ  సభ్యుల మధ్య వున్న  చిక్కని ప్రేమ ను అనుబంధాన్ని ఆప్యాయతలను తెలియజేస్తాయి. అలా అని ఆమెకు ప్రపంచంతో సంబంధం లేకుండా పోదు. మిత్రులతో ఫోన్ కాల్స్ తాత్విక చర్చలు చేస్తూ వుంటుంది. వెరసీ ఆమె గృహిణిగా వుంటూనే తనకిష్టమైన  ఆర్ట్ వేయడం పాటలు వినడం లాంటి వ్యాపకాలతో సంతోషంగా జీవితాన్ని ఆస్వాదిస్తూ వుంటుంది. వంటిల్లు ఇల్లు కూడా స్త్రీ అభిరుచి లో ఒక భాగమే అన్న భావన బలంగా చెప్పిందీ కవితలోని ఆమె. 

ఆనందం ఒకరు ఇస్తే వచ్చేది కాదు  అది బయట వెతక కూడదు అది మనలోనే వుంటుంది. మనకు నచ్చినట్లు మనం మన జీవితాన్ని తీర్చిదిద్దుకోవచ్చు అని. ఆ గృహిణి ఇచ్చే సందేశం అపూర్వంగా వుంది.  

ఈ కవిత కవి  ఊహ కావచ్చు  అనుభవంలోకి వచ్చిన దృశ్యం కావచ్చు. కవిత్వరీకించిన తీరు మాత్రం ప్రశంసనీయం. ఈ కవిత్వం చదివిన స్త్రీలు కూడా తమ అభిరుచులకు తగ్గట్టుగా తమ ఖాళీ సమయాలను ఉత్తమాభిరుచులకు కేటాయించుకుని ఇంటిని ఒంటిని మనసు ని పరిశుభ్రంగా తీర్చిదిద్దుకుని ఆనందమయమైన జీవితాన్ని నిర్మించుకోవాలని ఆరాటపడాలి. 

తమ జీవితాల్లోని మొనాటనీ ని విచ్ఛిన్నం చేసుకోవాలి. తమ జీవితాల్లో పొడచూపే ప్రతి చిన్న కుటుంబ విషయానికి శారీరక మానసిక ఇబ్బందులకు కారణం జీవిత బాగస్వామ్యి యే కారణం అని నిందించటం సాధించడం అనే బలమైన బలహీనతలను బ్రేక్ చేయాలి. తమ జీవితంలో 60% పైగా ఆనందం తమలోనే వుందని గుర్తించాలి. 

ఇకపోతే ఈ  కవిత్వంలో కవి ఇమేజరీలను చాలానే వాడారు. దృశ్యం, శ్రవణం, స్పర్శ, వాసన, రుచి, అనుభూతి దేనిని వదల్లేదు. అందువల్ల పాఠకుడు ఈ కవిత్వానికి  బాగా కనెక్ట్ కాగల్గారు ప్రతీకలను కూడా బాగానే వదిలారు రామాయణ ఇతివృత్తం, వినాయకుని ప్రతిమ,  అమ్మ నాన్న చిత్రపటం లాంటివి.

ఏమైనా ఇది  పురుషకోణంలో నుండి స్త్రీల అభిరుచులను పట్టి ఇచ్చిన కవిత్వం.. ఒకవేళ పట్టించుకున్న కవిత్వమే అయినా కూడా  అద్భుతం, ఆనందమే! ఈ కవిత క్లాసికల్ సాహిత్యం అనవచ్చును. వాస్తవానికి దగ్గరగా నాగరిక జీవితానికి సంబంధించినదిగా వుంటుంది. ఈ కవిత్వంలో చిన్న శ్లేష, పురుషుల అండర్ టోన్ కూడా వినబడింది. స్త్రీలు ఉద్యోగం చేయకపోతేనేం ఊళ్ళేలక పోతేనేం !? ఇంట్లో  ఇల్లాలిగా వుంటూ పిల్లలను చక్కగా పెంచి ఇంటిని ఆహ్లాదకరంగా వుంచుతూ తనూ ఆహ్లాదంగా వుండొచ్చు.భర్త పూర్తి ప్రేమను తన వైపుకే మరల్చుకోవచ్చు కదా అని.  

కవుల కవిత్వం ఆమె_వంటగది దగ్గర మాత్రమే ఆగిపోకుండా.. ఇంకా ఇంకా వంటింటి సాంప్రదాయం ఆమె లకు పరిమితం చేయకుండా.. అతను_వంటగది వరకూ రూపాంతరం చెంది అందరి మనసుల నుండి నవ్య నీరాజనం అందుకునే స్థితికి ఈ కవి కవిత్వం, పురుషుల కవిత్వం సాగాలని  హృదయ పూర్వకంగా కోరుకుంటున్నాను. 

కవి విదురా రెడ్డి గారికి  హృదయ పూర్వక అభినందనలు. 

కవిత చదవండీ… 

#ఆమె_వంటగది.. 

కాఫీ సమయానికి 

తూర్పు కిటికీ లోంచి చూస్తే

ఉదయించే సూర్యుడు దర్శనమిస్తాడు

అలాగే ఎర్రని పూలు పూసే

'వెస్ట్ ఇండియన్ జాస్మిన్ ' మొక్క హాయ్ చెబుతుంది

ఓవెన్ ప్రక్కన  

ఇండోర్ ప్లాంట్  'అరాలియా గ్రీన్ ' 

నేను నీకు తోడు అంటూ 

హరితపు నవ్వులు పంచుతుంది

తన ఆలోచనలను

రచనలుగానో , చిత్రాలు గానో మార్చడానికి

ఆ ప్రక్కనే సుందరమైన పింగాణీ కప్పులో

పెన్సిల్, ఎరేజర్, ఎర్ర సిరా, నీలి సిరా కలాలు ఉంటాయి

ఓ వైట్ ఆర్ట్ బుక్ కూడా

🌿

పడమర వైపు గోడకు

రామాయణ ఇతివృత్త ' మధుబని పెయింటింగ్ '

వ్రేలాడుతూ ఉంటుంది

ఉత్తరం గోడకు రమణ మహర్షి సందేశం

“Happiness is your nature. 

It is not wrong to desire it. 

What is wrong is seeking it outside when it is inside"

అందమైన ప్రేమ్ గా వ్రేలాడదీయబడి ఉంటుంది

దక్షిణం వైపు గోడకు

తన కూతురు పదవతరగతిలో ఉన్నప్పుడు చిత్రించిన

"అమ్మా నాన్న " బొమ్మ ఉంటుంది

ఎడమ చేతికి వ్రేలికి 

తన కొడుకు అమెరికా నుంచి పంపిన ఉంగరము ఉంటుంది

🌿

ప్రస్తుతం స్టవ్ ప్రక్కన

రసం మరకలు ,పాల మరకలతో 

సగం చదివిన

స్టీవ్ డే వ్రాసిన  " HOW TO READ PEOPLE "

పుస్తకం ఉంది

తన మొబైల్ లో ఎంతో ఇష్టమైన

ఎయిటీస్ , నైంటీస్ తెలుగు , హిందీ పాటలు

ట్యూన్ అవుతూ ఉంటాయి

అప్పుడప్పుడు 

భర్త బిజినెస్ టూర్ నుంచి పంపే 

మెసేజ్ నోటిఫికేషన్ సౌండ్ హాయిగా ఉంటుంది

మధ్యలో

మిత్రుల తాత్విక చర్చల కాల్స్ 

తాగాలనుకున్నప్పుడు

ఓ కప్పు వెచ్చని కాఫీ తోడు కూడా

కిచెన్ లోంచి హాల్ లోకి చూస్తే

చక్కని చేమంతి మాలతో అలంకరించిన

వినాయకుని నిలువెత్తు శిల్పం దర్శనమిస్తుంది

🌿

ఆమె ఉన్నచోటనే

ఓ కమనీయతను సృష్టించుకున్న

స్థితానికి ప్రజ్ఞతకు మధ్య ఎదిగిన మనసు రవ్వ

మనసు

ఎడారిని కూడా

ఊటి తోటగా మార్చి వేస్తుంది

ఆనందించండి జీవితాన్ని

మీ చుట్టు చిన్ని దృశ్యాలను చేర్చుకుని

దుఃఖమైన

సంతోషమైన మనసు రాజ్యమే 😊

                                               ✍VIDURA' S LINES

                                                          20/11/2025

కుశలం

 నా కనురెప్పల క్రింద దాగున్న నిదురను ఎవరో దొంగిలించారు. 

పోనీ రాత్రి గస్తీ కాస్తున్న జాబిలికైనా  బహుమానం ఇచ్చారు కాదు. 

వీధి కుక్కలతో మంతనాలు జరుపుతున్నారు దుర్మార్గులు. 

వేకువ దయతలచి ఒడిలోకి తీసుకుని 

జోల పాడింది. కలల నిదుర కలత నిదుర..

ఏదో తెలియదు. 

రోజూ పలకరించే నేను ఇంకా పలకరించలేదని

మిత్రులు కంగారు పడ్డారు. కుశలం అడిగారు.

ఇది చాలు కదా! 

చివరికి ఎవరికి ఎవరు!?

 చివరికి ఎవరికి ఎవరు!?  - వనజ తాతినేని 

చివరికి…ఏమీ లేదని మనం నమ్ముదాం

ప్రతి జీవితం ఏదో ఒక సందేశాన్ని ఇస్తుంది 

దాన్ని మనం తీసుకుంటామో లేదో మనకే తెలియదు. 

మనం బ్రతికినన్నాళ్ళు మెరుగ్గా తెలివిగా అందంగా గడపడానికి ప్రయత్నం చేస్తాం. కానీ.. 

ప్రేమించబడటానికి మనమేం చేయాలి అని  ఆలోచన చేస్తూ కూడా  జీవితాన్ని ఇబ్బంది పెడతాం. 

మనకు తెలుసా!?

మనల్ని హృదయంతో చూసే వారు.

మన అసంపూర్ణతను ఒక్క చూపుతో కనిపెట్టగలరన్న సంగతి.. 

మనం  రెండు విషయాలను అర్థం చేసుకోవాలి.

మనల్ని  షరతులు లేకుండా ప్రేమించేవారు

మనల్ని తమ హృదయాలతో చూస్తారు

మనకు వారి లక్షణాలను బట్వాడా చేస్తారు 

మనను ద్వేషించేవారు మనల్ని ప్రేమించడానికి  నిరాకరించేవారు ఏవో కుంటిసాకులు చెపుతూ

పక్కకు తప్పుకుంటారు. 

అసంపూర్ణ హృదయాలతో వున్న వారి మనసెప్పుడూ అనుమాన శంకితమే!

నిజంగా ఉన్నది  వున్నట్టుగానూ 

వాటికి మించి మనల్ని ప్రేమించడానికి  వారు  ఎప్పటికీ నిరాకరిస్తూ వుంటారు. 

ఏ బంధానికైనా 

ప్రేమ  మూల ధనం అని గ్రహించరు.  

అసంతులిత అసంఘటిత విషయాలతో

మానసిక అల్లకల్లోలంతో ఎదుటివారిలో అలజడి రేపెడతారు.

మన అవధుల్లేని ప్రయత్నాలన్నింటితో  వారు ఎప్పటికీ సంతృప్తి చెందరు కాబట్టి.

పరిపూర్ణత కు నోచుకోని వారిని  అలాగే వదిలేద్దాం. అదంత ముఖ్యమైనది కాదు. .

ఈ అనుభవాలు మనకు  విలువైనవి ,

ఎందుకంటే అవి మనకు వారిని లోతుగా 

అర్థం చేసుకోవడానికి సహాయపడతాయి. 

చివరికి  ఏమీ లేదని మనం  నమ్ముదాం.

చివరికి.. ఎవరికి ఎవరు ? అనే ప్రశ్న ను కూడా అలాగే వదిలేద్దాం! 

#వనజతాతినేని

#vanajatatineni

#poetry

నువ్వు వస్తావని

 

నువ్వు వస్తావని ..    - వనజ తాతినేని.

ఎంతో కాలం వేచి చూడకుండానే నువ్వు వచ్చావు. 

రావలిసిన వారందరూ వచ్చారనుకుని 

నేను తలుపులు మూసి వేసాను. 

నువ్వు  నా గౌరవాన్ని భంగపర్చకుండా 

చప్పుడు చేయకుండా వెనుదిరిగావు. 

ఉదయం వాకిలి చిమ్ముతున్నప్పుడు 

నీ అడుగుల తడి గుర్తించాను. 

కళ్ళాపి చల్లడానికి వేరే నీరు అవసరం లేకపోయింది.  

చుక్కలు పెట్టని ముగ్గు నా హృదయం నుండి జారి

మునివేళ్ల మీదుగా భూమి ని అలంకరించింది. 

అది క్షణంలో రూపు మార్చుకుని నీ ప్రేమ చిహ్నంగా

ఈ చెట్టు పై వికసించింది. కొన్ని రాలు పూలు కనబడ్డాయి. 

నువ్వు రోజూ వస్తావు, వెళతావ్ ! కాలం గడుస్తుంది . 

ప్రేమ హృదయాల వికాసం, ఉపశమనం. 

************************

నా కవిత  #నువ్వువస్తావని  .. ఆంగ్ల అనువాదం లో…

అనువాదకర్త: Simhadramma P .. 

హృదయపూర్వక ధన్యవాదాలు మేడమ్ ❤️🌹🙏

With a hope that you would come....

You had come early 

without  my awaiting for long 

I've closed the doors thinking that all the awaitees have come 

You have turned back quietly 

Without damaging my dignity 

The morning next while sweeping the courtyard 

I found  your wet foot prints on it 

To sprinkle over there, no else water got required 

The undone rangoli slipped off from my heart and decorated the ground 

In the last moment it changed its form and bloomed over the bough as a sign of your love 

Some fallen flowers came into my sight 

Each day you would come and go !

The time passes on.....

Love is the blooming to hearts...

It's too a relaxation.....

A poem from Vanaja Tatineni...

#వనజతాతినేని

#vanajatatineni

#hilights

#follower

#poetry

#నువ్వువస్తావని

                                                           

 

జీవితానికి కూడా అవకాశం ఇద్దాం..

 జీవితానికి కూడా అవకాశం ఇద్దాం కృతజ్ఞతలు తెలియజేయడానికి. 🙏. 

మనిషి పుట్టిన దగ్గర నుంచి ఏమి నేర్చుకుంటాడు!? పుట్టగానే ఆకలి స్వచ్చత అమాయకత్వం.. కనుల భాష కూడా తెలియకపోవడం .. తల్లి స్పర్శ తప్ప ఏమీ తెలియనితనం నుండి ఇతరులను గుర్తించడం.. వినికిడి శక్తి వల్ల చూడటం వల్ల చుట్టూ వున్న పరిసరాలను మనుషులను గుర్తించడం.. పరిచయం పెంచుకోవడం. క్రమంగా మనుషులు వారి మాటలు చర్యలు అన్నీ గ్రహించి తను కూడా ఆ బాటలో నడవటం మొదలుపెట్టడం. మనిషి ఎదుగుదల లో కుటుంబం నేర్పిన సంస్కారం తో పాటు గా పరిసరాల ప్రభావం సమాజ ప్రభావం ఎంతగానో వుంటుంది. 

నేను కూడా ఉన్నత మధ్యతరగతి కుటుంబం లో పుట్టాను పెరిగాను. పరిస్థితులు వల్ల ఓ రెండేళ్లు పేదరికం అనుభవించాను. తర్వాత 17 ఏళ్ళ వయసు లో మరో మంచి కుటుంబం లోకి వెళ్ళాను. ఆ వయసులో వుండే ఆశలు ఆకాంక్షలు కలలు ఎన్నో! కొన్ని నెరవేరితే కొన్ని అదఃపాతాళానికి తొక్కేసాయి. పొరబాట్లు తెలియక చేసిన తప్పులు అన్నీ వున్నాయి అవగాహన లేక అమాయకం వల్ల. ఇంకా పట్టుదల, మొండితనం, ఆత్మాభిమానం ఆత్మవిశ్వాసం అన్నీ వెరసి జీవితాన్ని ముప్పై సంవత్సరాల వయసులో సవాల్ చేస్తూ నిలబెట్టాయి. అన్నీ అధిగమించాను.  ఎవరి ఆర్థిక సాయం కోరలేదు. ఆఖరికి పుట్టింటి నుండి ఒక బియ్యం గింజ కూడా! మానసికంగా అండగా కుటుంబం వుంది. నా అత్తమామలు అండగా నిలిచారు.  అప్పటి నుండి ఈ 58 ఏళ్ళ జీవితం వరకూ నేను  ఎంతో నేర్చుకున్నాను. ఒకరిచ్చే సాయాన్నో ఉదారత నో ఇంకా దేన్నో  దేన్నో నేను స్వీకరించలేదు. నిర్విద్దంగా తోసి పారేశాను. ఏది చేసినా నా కోసం నేను చేసుకున్నాను. నా బిడ్డ కోసం చేసుకున్నాను. ఎవరు ఎన్ని అన్నా అపవాదుల బాణాలు వేసినా ఈర్ష్య ద్వేషాలు వొలకబోసినా విషం విరజిమ్మిన నిబ్బరంగా తట్టుకున్నాను. అనారోగ్యంతో వున్నప్పుడు కూడా నా బిడ్డ ను ఊతగా చేసుకుని నిలబడ్డాను. ప్రతికూలతలు తట్టుకున్నాను. గృహ హింస మానసిక హింస వరకట్న హింస నాకు తెలియనివి కావు. నా జీవితంలో నాకు ఎదురైన ప్రతి అనుభవం ఒక గొప్ప పాఠం. ఎవరి దగ్గర ప్రత్యేకించి పాఠాలు నేర్చుకోలేదు. కానీ ఎంతో నేర్చుకున్నాను. 

నేను సాధించినది ఏమిటంటే.. అది గర్వంగా చెప్పుకుంటాను. ఇతరులు నన్ను చూసి నేర్చుకున్నారు. చాలామంది అమ్మాయిలకు నేను రోల్ మోడల్. అమ్మా అనే పిల్లలు ఆంటీ అనే పిల్లలు, అక్కా అని ఆత్మీయంగా పిలిచే చెల్లెళ్ళు మేడమ్ అని గౌరవంగా విలిచేవారు.. వారి జీవితాల్లో నాకు ఒక ప్రత్యేక స్థానం ఇచ్చారు. వనజ గారితో మాట్లాడితే దైర్యం వస్తుంది. సమస్య ల్లో నుండి బయటపడే దారి తప్పకుండా దొరుకుతుంది అని అంటారు. ఇప్పుడు వనజ గారి కథలు చదవండి అని ఇతరులకు చెబుతారు. నా చుట్టూ ఈ సోషల్ మీడియా కి తెలియని ఒక సమూహం ఉంటుంది. ఆ సమూహం ఎల్లప్పుడూ నాతో టచ్ లో వుంటుంది. ఇక్కడ ఉన్న స్నేహితుల్లో కూడా మెసెంజర్ లో నాతో ఎన్నో విషయాలు పంచుకుంటారు. వారి ప్రైవసీ ని నేను సదా కాపాడతాను. వారు రాయమని అడిగితే తప్ప ఆ విషయాలు కథల్లో నేను రాయను. వారి వ్యక్తిగత విషయాలు ఇతరులకు చెప్పి వారి గౌరవానికి భంగం కలిగించను. అది నా నిబద్ధత. 

నా జీవితం కొత్త పుంతలు త్రొక్కాక పరిణామక్రమంలో నేను చాలా యెదిగాను. వికాసం వైపు ఎదిగాను. ఈర్ష్య ద్వేషాలు నాకు ఎప్పుడూ ఉండవు. లేశ మాత్రం వున్నా వాటిని జయించాను. ప్రేమగా ఇచ్చినా ఉదారంగా ఇచ్చినా సాయం గా ఇచ్చినా నేను ఏదీ స్వీకరించను. నా దగ్గర వున్నది ఇవ్వగల్గినది అయితే ఇవ్వడానికి ట్రై చేస్తాను. ఒకోసారి ఇవ్వలేను. ఒకరిపై ఆధారపడను. ముక్కు సూటిగా వుంటాను. కొంచెం కఠినంగా ఉంటాను. నేను సేప్ గా వుండటానికి కంఫర్ట్ గా వుండటానికి అది అవసరం. ద్రోహం చేసిన వారిని కూడా క్షమిస్తాను కానీ పనిగట్టుకొని విషం చిమ్మేవారిని క్షమించను. ఇద్దరు వ్యక్తులను  క్షమించాల్సిన బాకీ వుంది. బహుశా జీవితం లో క్షమించలేను వారిని. 

ఎవరైనా ఇది చదివి మెచ్చుకున్నా మెచ్చుకున్నట్టు మెచ్చుకుని నొసలు పైకి లేపి ఎగతాళిగా నవ్వుకున్నా.. నేను పట్టించుకోను. సత్యం వైపు ధర్మం వైపు.. వికాసం వైపు.. దయ కరుణతో ప్రేమతో నా పరిధిని బట్టి నేను ముందుకు వేస్తున్న అడుగులు ఇవి. ఎవరిపై ఆరోపణలు లేవు. ప్రశాంతంగా చదువుకోవాలి రాసుకోవాలి అనే కోరిక తప్ప. 

నా ఈ ప్రయాణం లో.. సాహిత్యం సంగీతం ప్రకృతి స్నేహితులు నాకు బాసటగా నిలిచారు. 

నేను కృతజ్ఞతలు ధన్యవాదాలు చెప్పుకోవాల్సి వస్తే.. ముందుగా వాటికే చెప్పాలి. నిస్వార్థంగా నా స్నేహితులు నా వైపు వున్నారు. నా చెలిమి కలిమి బలిమి కన్నా ఈ లోకంలో మరేది లేదు లోకాన మేలిమి గా. 

నేను ఏదీ అతిశయంగా రాయడం లేదు. జీవితాన్ని జీవితానుభవాన్ని తేటతెల్లం చేస్తున్నాను. కాలక్షేపం కోసం రాసుకునే రాతల్లో కూడా చిన్న సందేశం స్ఫూర్తి వుంటాయి. నా రాతలో అవి దొరికితే అదే మహాభాగ్యం నాకు. 

ఈ ఉదయం నుండి నా పుట్టినరోజు సందర్భంగా మీరందరూ.. మనస్ఫూర్తిగా  ఇచ్చిన ప్రేమ, శుభాకాంక్షలు నాకు ఎంతో సంతోషాన్ని కలిగించాయి. అందరికీ వారు అందించిన శుభాకాంక్షలు క్రింద ధన్యవాదాలు తెలిపాను. ఎవరికైనా ధన్యవాదాలు తెలియజేయకపోతే మన్నించండి. మీ అందరికీ హృదయపూర్వక ధన్యవాదాలు కృతజ్ఞతలు. 

నమస్కారాలు 🙏

నను గన్న తల్లిదండ్రులకు…

 "Think like a queen. A queen is not afraid to fail. Failure is another stepping stone to greatness." - Oprah Winfrey

Happy Birthday  “V”

❤️నాకు జన్మనిచ్చిన  తల్లిదండ్రులకు వినమ్రపూర్వక నమస్సులు. నా జన్మంతా ప్రణామాలు 🙏 🙏

నా లోపాలతో సహా నన్ను భరించే నా తోబుట్టువులకు కృతజ్ఞతలు. నా ప్రేమలు ❤️❤️🌹🤗

🙏మంచి గానో చెడుగానో.. నన్ను నిలబెట్టిన  నా భర్త  Mr. Ashok Tatineni గార్కి జీవితాంతం ధన్యవాదాలు, కృతజ్ఞతలు 🙏🙏😢❤️🌹

❤️నా కడుపున పుట్టినా నన్ను బిడ్డలా కాచి నా ఇష్టాన్ని నా గౌరవాన్ని ఏ మాత్రం  తగ్గకుండా  నన్ను నిలబెట్టిన వాడు సదా ఛత్రపతి శివాజీ లా నడుచుకుంటూ నన్ను జిజియాబాయి గా నిలబెట్టిన వాడు.. నా బంగారు తండ్రి.. నిఖిల్ చంద్రుడి కి.. అమ్మ ప్రాణాలన్నీ కూర్చి అందిస్తున్న శుభాశీస్సులు. మల్లన్న కృపాకటాక్ష ప్రాప్తిరస్తు. ❤️❤️

❤️మా ఇంటి మహారాణి “హారిక” కి శుభాశీస్సులు. దీర్ఘ సుమంగళీభవ!! సుఖసంతోషాలతో ఆయురారోగ్యాలతో వర్ధిల్లు తల్లీ! ❤️🌹🤗

❤️నా పెద్ద మనుమరాలు “చిత్కళ” బంగారు తల్లి. నా వరాల దేవత. శ్రీమాత్రే నమః. శుభాశీస్సులు బంగారు తల్లి. ❤️😘🤗🌹🌹🌹🌹🌹unconditional love ❤️ 

❤️చిన్న మనుమరాలు “అనిక” అచ్చంగా My Man 🤗😅😘 శుభాశీస్సులు రా చిన్నోడా! 🤗😍😘❤️🌹🎈

నాకు తల్లిదండ్రులు గానే ప్రేమను పంచిన నా అత్తమామలకు కృతజ్ఞతలు పాదాభివందనం 🙏🙏

❤️తమ బిడ్డనిచ్చి నా ఇంటికి వెలుగులు నింపిన సహృదయులు మంచివాళ్ళు కోడలు తల్లిదండ్రులైన అన్నయ్య గారికి మణి గారికి  హృదయపూర్వక ధన్యవాదాలు, కృతజ్ఞతలు.🙏🌹❤️

❤️ అడుగడుగునా ప్రేమను పంచి సలహాలిచ్చే నా స్నేహసౌధానికి మూలస్తంభాలు గా నిలిచిన  నా స్నేహితులకు.. ఆత్మీయ స్పర్శ తో .. గాఢాభిమాన ఆలింగనాలు. ❤️❤️🌹🎈

నేను ఏం రాసినా చదివి మీ సంజ్ఞల వ్యాఖ్యల ద్వారా నన్ను ప్రోత్సహించిన FB మిత్రులందరికీ.. హృదయపూర్వక నమస్కారములు.. ధన్యవాదాలు  కృతజ్ఞతలు . 🙏💐💐

నేను కాలూని వున్న ఈ భూమికి ఈ ప్రకృతికి ఈ సమాజానికి .. నమస్సులు🙏

ఫాల్గుణ పంచమి ఆదివారం 05:30 am  ఉత్తరాభాద్ర నక్షత్రం లో మీన రాశి లో జన్మించాను అని మా అమ్మ చెప్పింది. మా ఇంటి భగవద్గీత లో  నోట్ చేసి వుంచారు. 

ఎందుకు పుట్టానో .. ఎవరికి ఏం ఇచ్చానో ఏం లభించిందో  అంతా భగవంతుడికి ఎరుక. 🙏  వనమాలి ❤️🙏

58 సంవత్సరాల కి ధన్యవాదాలు కృతజ్ఞతలు  🙏🌹

#వనజతాతినేని #vanajatatineni #hilights #follower #thankful #శుభాకాంక్షలు

నక్షత్రాలతో మాట్లాడాలి

 

నక్షత్రాలతో మాట్లాడాలి  - వనజ తాతినేని.

నక్షత్రాలతో మాట్లాడాలి. 

నేను ఎంతగానో ప్రేమించిన వారు వారిలో ప్రకాశిస్తున్నారు. 

వారు  నాకు ఏదో సందేశం పంపుతున్నారు. 

శ్రద్దగా ఆలకించాలి. దయ చేసి నన్ను ఆటంకపర్చకండి. 

నన్ను వెళ్ళనివ్వండి.

ఆ నక్షత్రాల్లో ఎవరెవరు వున్నారంటే..మా అమ్మ నాయనమ్మ  

అమ్మమ్మ జేజమ్మ మేనత్త మా తాత ముత్తాతలు 

ఎలాగూ వుంటారు. మా కుటుంబం నిలబడటం కోసం

వీరందరూ జీవన పోరాటం చేసినవారే! 

వారి అనుభవాలన్నీ కథలు కథలుగా మాకు చేరినవే!  

అయినా వాటిని వింటూ నా ఒడలు పులకరించడమో 

నా కనులు చెమరించడమో గగుర్పాటో

భయమో కలిగినట్లు నాకు జ్ఞాపకం లేదు. 

మరి ఎవరు!?  నువ్వు ప్రేమించిన వారు!!

ఇప్పటికీ ప్రేమిస్తున్న వారు అని అడిగారనుకోండి. 

ఏం చెప్పగలను వారి గురించి. కన్నీటి పర్యంతం మధ్య.. 

బయటికి రాని దుఃఖంతో గొంతు లుంగలు చుట్టుకుపోతున్నా.. 

బొంగురు గొంతుతో అయినా వారి  అంతులేని కథల గురించి 

ఆలస్యం లేకుండా చెపుతాను. 

ఆ నక్షత్రాల రూపంలో.. మినుకు మినుకు మంటూ 

వెలుగుతున్న వాళ్ళు ఇన్నాళ్ళూ నా దృష్టి లోపం వల్ల 

చూడలేని వాళ్ళు, పుట్టు చెవుడు వల్ల వినలేని వాళ్ళు

కొత్తగా నాలో ఏదో శక్తిని నింపి నన్ను ముందుకు తోస్తున్న వాళ్ళు

వారు ఎవరంటే… 

కటిక చీకటిలో మగ్గుతూ కూడా వారి జాతి విముక్తి 

కొరకు కలలు కన్నవాళ్ళు

వాళ్ళ మార్గంలో అంగుళం అంగుళాన మర మేకులు 

గుచ్చుకున్నా వారి వీపులను చెర్నాకోలలు పదే పదే 

ముద్దెడుతున్నా రోజుల తరబడి దాహానికి అలమటించినా ..

జీవితాంతం పదే పదే ఒకే ఒక కల గన్న వారు.. 

సూర్యుడిలా వెలుగు పంచాలనుకునే వారు

చంద్రుడి కాంతిలా చల్లగా మృదువుగా మారి

వారి గుండె గాయాలపై పూసే నవనీతంలా వుంటే చాలు 

అనుకున్న వారు.. ఎవరంటే.. వారెవరంటే.. 

ఫ్రెడరిక్ డగ్లస్, లాంగ్స్టన్ హ్యూస్,  

సోజర్నర్ ట్రూత్, మార్టిన్ లూథర్ కింగ్, 

మాయా ఏంజలో,  టోని మోరిసన్, ఓప్రా విన్ ఫ్రే .. 

మొదలగు వారందరూ… 

ఇంకా నా అజ్ఞానం వల్ల తెలుసుకోలేని వారందరూ… 

నాతో తప్పక ముచ్చటిస్తారు.  రహస్యంగా కొన్ని 

బహిరంగంగా కొన్ని అంటూ ఏమీ లేకుండా  

ఇప్పటికి తెరిచిన పుస్తకం లాంటి వారి జీవిత చరిత్రలను

పదే పదే చెప్పడానికి తయారుగా వుంటారు. 

మర్చిపోయినవి జ్ఞాపకం చేసుకుంటూ కొన్ని.. 

అప్పుడు ఇతరులకు ఇబ్బంది కల్గించకుండా వుండటానికి 

రాయలేక పోయినవి కొన్ని చెప్పడానికి తయారుగా వుంటారు. 

నేను ఒడలంతా చెవులు చేసుకుని వెళ్లాలి. 

వారు చెపుతున్నవి విని.. తిరిగి మీకు వినిపించాలని 

రాయాలని వుంది. అందుకే నేను వెళ్ళాలి. 

వారి గౌరవార్ధం నా గోధుమ రంగుని కప్పెట్టుకుని

వారి రంగుని మొలిపించుకుని వెళ్ళాలి. 

నేను ఇంతగా ప్రేమిస్తున్న వారికి సృష్టిలో పూసిన

ప్రతి పువ్వుని కోసి వారి పాదాల వద్ద వుంచి 

కృతజ్ఞత తెలపాలి అని వుంది. పూలు కోయడంలో

మీరందరూ కూడా సాయం చేస్తారు కదూ! 

నేను నక్షత్రాలతో మాట్లాడాలి. 

నేను ఎంతగానో ప్రేమించిన వారు వారిలో వున్నారు. 

వారు  నాకు ఏదో సందేశం పంపుతున్నారు. 

శ్రద్దగా ఆలకించాలి. దయ చేసి నన్ను ఆటంకపర్చకండి. 

నన్ను వెళ్ళనివ్వండి. ఎడారి నిశ్శబ్ధంలోకి నన్ను వెళ్ళనివ్వండి. 

ఒంటరిగా వెళ్ళవద్దు అని అడ్డుకోకండి. 

మరొకరోజు మిమ్మల్ని వెంటబెట్టుకుని వెళతాను. 

ఒట్టు ! నా పూర్వీకుల కన్నా మిన్నగా ప్రేమిస్తున్న 

వారిపై ఒట్టు !! 

06 మార్చి 2026  10::00 pm. 

(పిబ్రవరి నెలంతా..కాకుండా ఈ రోజు కూడా  ఆఫ్రో అమెరికన్ నల్లజాతి ప్రముఖుల సాహిత్యాన్ని తెలుగు పాఠకులకు శ్రద్దగా ఇష్టంగా పరిచయం చేసిన తెలుగు సాహిత్య ఐకానిక్ టవర్ అయిన వాడ్రేవు చినవీరభద్రుడు గారికి హృదయపూర్వక ధన్యవాదాలు)