ఎవరన్నారు వ్రాయడంలేదని ?

ఎవరన్నారు .. వ్రాయడం లేదని?
అస్పష్టమైన భావాలతో.
అనల్పాక్షరాలలో...
అసంపూర్తి కథనంలో ..
నిత్యం నాతో నాకే  ఘర్షణ

గుండె గానం గొంతు దాటనంటుంది
భావరాగం పెదవి పలకనంటుంది
వ్రాతవైనం  అక్షరాలలో కుదరనంటుంది
ఆత్మజనిత వాక్యమేదో జ్వలిస్తూనే ఉంటుంది
వ్రాయనందుకు శపిస్తూనే ఉంటుంది

ఎవరన్నారు  వ్రాయడం లేదని !

అక్షరాల పుష్పవనంలో
సీతాకోక చిలుకల ఆట మొదలైంది
భ్రమరాల దాహం తీరనట్లుంది
గాలిపాట ప్రవహిస్తోంది
కథానికో , కవితో  సంయోగం చెందుతున్నాయి .

-వనజ తాతినేని 11/01/2015