కిటికీలో చందమామ

నదులన్నీ నిదురోయే వేళ 

అలసిన కనుపాప 

కమ్మని నిదుర అడుగుతుంది . 

నిదురమ్మేమో జోల పాటడుగుతుంది 

జోలమ్మేమో మనసునడుగుతుంది 

మనసేమో మమతనడుగుతుంది

మమతేమో మట్టిలో నిదురోయింది.

మొలకై .. మళ్ళీ వస్తానంటుంది.

నీ ఒడిని చేరతానంటుంది

కంటికి రెప్పకి మధ్య కల నడూస్తూంది

కలలో అన్నీ మొలకలే !

కల చెదిరి కన్ను తెరచి చూస్తే ..

కిటికీ బయట చల్లగా చందమామ

కిటికీ ప్రక్కగా గోడపై అమ్మ

ఒకటి కనిపించే సత్యం

ఒకటి కని పెంచిన సత్యం

నమ్మకమే జీవితం జీవితమే నమ్మకం .

ఎదురుచూపుల మేళమే ఓ ఆహ్వానం