యుగళ గీతం

కొత్త ప్రయత్నం. సినిమా పాట రాయలేనా.. అని. పర్వాలేదంటారా.. !? 

అయినా కామెంట్ ఆప్షన్ లేదు కదా.. బావుందని ఇంకొకరు అనకుండా.. నేనే అనేసుకుంటే పోలా 😊😁

పల్లవి 

అతడు : 

వనమై వచ్చావా

విరులే పరిచావా

పరిమళమై కోసావా

తేనె ను పంచావా 

ఈ సీతాకోకచిలుకకు.. ఊ .. 

ఆమె :

మొయిలై వచ్చావా

నిలువున తడిపావా

దప్పిక తీర్చావా

ఊపిరి పోసావా

ఈ బయలు కు.. ఊ.. 

చరణం 1

అతడు: బుుతువులా వెళ్ళిపోకు ప్రియతమా! 

కాలమై తోడుండి పోవే 

శ్వాసగా నను కలిసిపోనీ

నీ అడుగులో అడుగేయనీయవే

ఆమె : హరివిల్లు లా మురిపించు చెలికాడా

ఇరుసంజెల నడుమ వాన వెలుగుల్లో 

మలి తొలి నడిమి చీకట్లో

మన ఏడేడు జన్మల్లో (పల్లవి)

చరణం 2

అతడు:విరిసిన తామర నీవు 

వెలిగే దీపం నీ హృదయం

సడి చేయని సరస్సు  నీవు 

గులక రాయిని విసిరే తుంటరి నేను

ఆమె : ప్రేమ నది వి నీవు 

ఆ నది వొడ్డును నేను 

ఆగని పయనం మనది

ముగిసెను గమ్యం వొకటై (పల్లవి)