కష్టాలే ఇష్టాలై..

నాకు ఇసుకలో పిచ్చుక గూళ్ళు కట్టడం అంటే చాలా ఇష్టం.

వాటిని ఉక్రోషంతో కూలదోయడం అతనికి  మరీ ఇష్టం.

అలిగిన వారిని  సముదాయించడం నాకు చాలా ఇష్టం 

అందుకే నాపై నేనే అలిగి కూర్చుండ టం మరీ ఇష్టం..

అతనికి చేసిన  వాగ్దానం ని నిలబెట్టుకోవడం కష్టం 

నాకు చేసిన వాగ్దానంకి కట్టుబడి ఉండటం ఇష్టం.

అతనికి ఎల్లప్పుడూ  సమూహం లో ఉండటం ఇష్టం 

నాకు ఒంటరితనంని  వెదుకుతూ.వెళ్ళడం .ఇంకా  ఇష్టం. 

అతనికి  ముప్పొద్దులా ఊహాలోకంలో మునిగి ఉండటం ఇష్టం.

నాకు పదుగురి హితం కోరి పనులపై మనసు పెట్టడం ఇష్టం.

నా ఇష్టాలన్నీ అతనికయిష్టాలై 

అతని ఇష్టాలన్నీ నాకు కష్టాలై...

జీవితం సాగించడం మరీ మరీ ఇష్టం. 

ఇష్టమైన దానితో కలిసి సాగడం  ఇష్టాతి ఇష్టం.

                        "జలతారు వెన్నెల"  "శ్రీ " గారి కోసం ఇష్టంగా ఈ పోస్ట్. 
తొందరగా  ఓ..పోస్ట్ తో వచ్చేయండి ప్లీజ్ ! కాఫీ చల్లారిపోతుంది మరి.