లిహాఫ్

 లిహాఫ్ -ఇస్మత్ చుగ్తాయ్.  1941 లో రాసిన ఈ కథ అశ్లీలంగా వుందని బ్రిటీష్ ప్రభుత్వం కేసు పెట్టింది అంట. ఈ కథ ఆంగ్లంలో అనువాదం అయి ప్రచురణ లోకి వచ్చినప్పుడు అనేకులు రచయిత్రిని దుమ్మెత్తి పోశారంట. అయినా రచయిత్రి జంకలేదు. రచయిత్రి కి అపఖ్యాతి వచ్చింది. కాలక్రమేణా ఈ కథను అర్థం చేసుకోవడానికి ప్రయత్నం జరిగింది. ఇంతకీ ఈ కథలో ఏముంది అంటే.. స్వలింగసంపర్కం గల ఇద్దరు స్త్రీల గురించిన కథ ను ఒక చిన్న పిల్ల తన దృష్టి కోణంలో  ఉత్తమ పురుష లో చెప్పిన కథ ఇది.  ఈనాటికి ఈ కథ గురించి చర్చించడానికి చాలామందికి ఇష్టం వుండదు. 

ఈ కథ ఉర్దూ ఆంగ్లంలో నూ తెలుగులోనూ వుంది. తెలుగులో పి.సత్యవతి గారూ కిరణ్మయి గారూ అనువదించారు. ఇప్పుడు ఈ కథను నేను చదివి వినిపించాను. LGBTQ రైట్స్ లీగల్ అయిన మన దేశంలో కూడా  ఈ కథలు అబద్దం కాదు..అసహ్యం కాదు. కథ ఎంత మార్మికత తో చెప్పారో రచయిత. అందుకోసమైనా చదవండి వినండీ. “The Quilt” అనే పేరుతో ఆంగ్లంలో “లిహాఫ్” పేరిట ఉర్దూ లో “పట్టుబొంత” పేరుతో తెలుగులో వుంది కథ. 

అనువాదకులకు ధన్యవాదాలు.