బాలచందర్ కోకిలమ్మ

అభిమానుల మనసులో ఉన్నఅభిమానమే..కళాకారులకి నిజమైన అవార్డులు-రివార్డులు...అని వేరే చెప్పక్కరలేకపోయినా..ఆయా రంగాలలో.. వారి ప్రతిభకి..తగిన విధంగా పురస్కారాన్ని ఇచ్చి..గౌరవించుకోవడం..సముచితం అనిపించుకుంటుంది.. చాలా ఆలస్యంగా.. దాదాసాహెబ్ ఫాల్కే అవార్డ్ లభించిన కె.బాలచందర్ గారి..ని అభిమానించని..భారతీయుడు.. ఉండరేమో!
ప్రతిభకి గుర్తింపుగా  పురస్కారాలు లబించగానే.. తాము ఎంతో అభిమానించే..సాటిలేని మేటి వెలుగుల తారలకి  ఇన్నాళ్ళకు లభించిన పురస్కారానికి ..ఆనందం వెల్లువై ప్రవహిస్తూ.. అభిమానులు వారి ప్రతిభాపాటవాలని గుర్తుకు తెచ్చుకుంటారు.

  

బాలచందర్  అనగానే..ఉత్తమ అభిరుచి కల దర్శకుడు,నిర్మాత, రచయిత.. ఇంత మంది గుర్తుకు వస్తారు.. దక్షిణాది రాష్ట్రాలలో దర్శక అగ్రగణ్యుడు. నాకెప్పుడూ ఆయన చిత్రాలలోని ప్రతి ప్రేమ్ కూడా  చిత్రం  చూసిన చాలా ఏళ్ళ  తర్వాత కూడా .. ఆలోచింప జేస్తుంది.

.ఆయన చిత్రాలలోని  చాలా దృశ్యాలు..చాలా సహజంగా.. సాదాసీదాగా ఉంటాయి.. ఒక సందేశాన్ని.. ఆయన చిత్రాలలో.. సూటిగా చెప్పడాన్ని ఆశించలేం.. కేవలం దృశ్యాల  ద్వారానే, ఎక్కువ మాటలు లేకుండా సగటు ప్రేక్షకుడిని ఆలోచింప జేస్తూ కధను.. ముందుకు.. తీసుకు వెళతారు.. చెప్పాల్సింది.. మనకి అర్ధమైపోతుంది.. అలా.. నాకు అనిపించిన  చిత్రం.." కోకిలమ్మ"  ఆ చిత్రం నాకు ఎంత బాగా నచ్చిందో..! 1983  లో    ఆయనకీ  బెస్ట్ స్క్రీన్ ప్లే  చేసినందుకు గాను  ఈ చిత్రానికి ఆంధ్రప్రదేశ్ ప్రభుత్వ నంది అవార్డ్ ని అందుకున్నారు.

ఈ చిత్రం లో "సరిత" కోకిలమ్మగా.. ఎంత మంచి నటనను ప్రదర్శించారో! ఎవరు తోడు లేని ఒక పేద చెవిటి అమ్మాయి.. పదిళ్ళల్లో..  పనులు చేసుకుంటూ..వినబడకపోయినా.. తనని తిడుతూ ఉంటారని తెలిసి కూడా.. అందరి తిట్లుని.. భరిస్తూ..  అరవ చాకిరి  చేస్తూ.. జీవనం సాగిస్తూ..ఉంటుంది. తమ మధ్యే ఉంటూ బాగా చదువుకుని ఉద్యోగం దొరకక  బట్టలు ఇస్త్రీ చేసుకుంటూ ఉండే.. రాజీవ్ తో పరిచయం..తో..ఆమె జీవితం మలుపు తిరుగుతుంది.

అతనిపై.. ఆకర్షణ లేదా ప్రేమ కన్నా కూడా..సానుభూతితో.. అతనితో..పరిచయం పెంచుకుంటుంది.  అతనికి సంగీతం పట్ల ఉన్నఆసక్తి గమనించి.. అతని కి..సంగీతం నేర్పించడానికి.. ఎంతో.. శ్రమిస్తుంది. సంగీతం నేర్చుకుని ఒక స్థాయికి చేరుకునేవరకు "కోకిలమ్మ" ని.. ప్రేమగా.. తనపట్ల కరుణ చూపిన దేవతలా భావించిన అతను..కొంత గుర్తింపు రాగానే.. డబ్బు అందం, కీర్తి ప్రతిష్టల మోహంలో..ఆమెను నిర్లక్ష్యం చేయడం..ఆమె తనకి తగినది కాదుగా భావించి..మొహం చాటేయడం.. నిగ్గదీసి అడిగినప్పుడు.. మంచి సంబంధం చూసి వేరొకరితో.. ఆమెకి ..పెళ్లి చేసి.. ఋణం తీర్చుకోవాలనుకోవడం అంతా.. మధ్యతరగతి మనస్తత్వాల అవకాశవాదాన్ని  ఎంత బాగా..సహజంగా.. చూపించారో!

అలాగే పని పాటలు చేసుకునే చదువు కోని . .పేద పిల్ల ఆత్మాభిమానాన్ని..ఎంత గొప్పగా చెప్పారో! ముఖ్యంగా  సంగీతం నేర్పించడానికి గురువు  ఉచితంగా చెప్పడం మాని..ఎక్కువ డబ్బు అడిగాడని మనం  తప్పుగా అనుకుంటాం. కానీ.. సంగీతం నేర్వటానికి  తగిన శ్రద్ధ, అర్హత అతనికి.. ఉన్నాయో..లేదో.. తెలుసుకోవడానికి.. ఒక పరీక్ష అని మనం అనుకోం..కానీ.. అతనిలో.. ఉన్న ఆసక్తిని.. గుర్తించి.. మంచి.. గాయకుడిగా తీర్చి దిద్దటం లో.. గురువు  శిష్యుడులో ఏమి అర్హతలు చూస్తాడో.. అన్నది.. తర్వాతగాని మనకి అవగతమవదు. అలాగే..  డబ్బు అవసరంలో..లారీ డ్రైవర్ దగ్గరకి  పనికి వెళ్ళినప్పుడు.. అతని..అంతరంగం గ్రహించి.. వాడిని ధైర్యంగా కొట్టి బయట పడిన ధైర్యం.. ఈ నాటి అబల లకి  ఏనాటికైనా కావాల్సిన లక్షణం. ఆపదలు ఎదురైనప్పుడు భయంతో.. వణకకుండా..తిరగబడి కొట్టడం  అనేది ఎంత సహజంగా రావాలి.

అలాగే.. ప్రేమించినవాడి  అవకాశవాదం అర్ధం చేసుకున్న  కోకిలమ్మ అతని మాటలు విన్నప్పుడు కల్గిన బాధని  జీర్ణించుకోలేక అతను కొనిచ్చిన వినికిడి యంత్రాన్ని సముద్రంలోకి విసిరివేసిన ఆవేదనా భరితమైన దృశ్యం ఎవరూ మర్చిపోలేరు. తనకి చిన్నపాటి పరిచయం ఉన్న అంగవైకల్యం ఉన్న పేదరాలు భర్త చనిపోయి బిడ్డతో..ఒంటరిగా.. భర్త చేసిన పనినే.. సినిమా వాల్పోస్ట్ లు అంటించడాన్ని  కష్టంగా ఒంటిచేత్తో చేస్తూ  కనబడినప్పుడు ఆమె  చేయి అందుకుని ఆమెకి తోడుగా నిలవడాన్ని ఎంత ఉదాత్తంగా చూపించారో..!

ఊరికి దూరంగా కొండపైన వాల్  పోస్ట్ లు  అంటించడానికి వెళుతున్నప్పుడు..కారు చెడిపోయి అవస్తపడుతున్న అతనికి..సాయం చేయమంటారా అని అడగటంలో ఉన్న అంతర్లీనంని.. అతను చెపుతున్నవేమి.. వినబడటం లేదన్న ఆమె మునుపటి రీతిని.. అర్ధం చేసుకుంటే ఆమెని, ఆమె కష్టాన్ని, ప్రేమని, నమ్మకాన్ని సోఫానాలుగా మార్చుకున్నఅతని తీరు ఎంత సిగ్గుచేటు. చదువుకుని అవకాశవాదంతో ఇతరులని ఉపయోగించుకునే నయవంచకులకన్నా   ఆత్మాభిమానంతో బ్రతుకుతూ పేదరికంలో కూడా ఇతరులకి అండగా నిలిచే దృడచిత్తమైన, ఉదాత్తమైన మనసు కల్గిన స్త్రీ మూర్తిగా.. కోకిలమ్మ పాత్ర  నాకు బాగా నచ్చుతుంది.

అలాగే ఒక సందేశం కూడా ఉంటుంది.. కష్టపడి ఉన్నత విలువతో బ్రతికేవాళ్ళు..ఎప్పుడూ.. ఉన్నతంగానే ఉంటారన్న దానికి సింబాలిక్ గా  కోకిలమ్మ కొండపైన ..వాల్పోస్ట్ లు అతికిస్తూ.. ఉంటుంది. హీరో రాజీవ్ మాత్రం  డబ్బు, అంతస్తు కీర్తిప్రతిష్టలు అన్ని సంపాదించి  కారులో ప్రయాణిస్తూ కిందికి వెళుతూ ఉంటాడు. మనిషిగా పతనమై కిందికి జారిపోతున్నట్లు ఆ..దృశ్యం  ఎంత బాగా గుర్తుకు వస్తుందో నాకు.

ఇక పాటలు విషయానికి వస్తే.. ఎమ్.ఎస్.విశ్వనాథన్ + ఆత్రేయ  మేలుకలయికలో.. బాలచందర్ గారి చిత్రాలలో.. ఎన్నో.. మంచి పాటలు. అంతులేనికధ, ఇది కథ కాదు, అందమైన అనుభవం, గుప్పెడుమనసు, తోలికొడికూసింది.. ఇలా చాలా చిత్రాలు. అన్ని సూపర్ హిట్..సాంగ్స్. ఈ చిత్రం లో..పాటలు అంతే! పల్లవించవా నా గొంతులో,ఎవ్వరో పాడారు భూపాలరాగం, నీలో..వలపుల సుగంధం,కొమ్మ మీద కోయిలమ్మ.. పోతే పోనీ.. అనే పాటలే కాకుండా  ఈ పాట శ్రీ వాణి (మధురం మధురం ) కూడా  చాలా మంచి పాట. సాహిత్యపరంగా.. మంచి పాట. నాకిష్టమైన పాట మీరు.. వినండి..

ఈ..చిత్రం చూసి చాలా ఏళ్ళు గడిచాయి.. అందుకే .. చిత్రంలో.. హీరో.. పేరు గుర్తు లేదు. చంద్రునికి..ఓ.. నూలు పోగులా.. బాలచందర్ గారి పై  అభిమానంతో.. ఈ.. కోకిలమ్మ చిత్రాన్ని..గుర్తుకు తెచ్చుకుని.. నాకు నచ్చిన అంశాన్ని వెల్లడించే ప్రయత్నం చేసాను. ఏదైనా తప్పులు ఉంటే మన్నిచండి.  మరొకసారి.. ఇంకో పాత్ర..గురించి..ముచ్చటించుకుందాం..బై ఫ్రెండ్స్..