మినీ కవితలు

 లోనివి.. బయటకు వొంపి

రాలిన పువ్వుల లాంటి ఆకులు

 రంగులన్నీ కాలి కింద  నలుగుతూ 

గలగల  సంగీతం ఒంటరి నడక్కి తోడు

అయినా ఆకురాలని బాటను ఎక్కడని వెతకన్నేను

**********

 

మొహం మొత్తి కాదు పెడ ముఖం పెట్టింది 

శరీరం మార్పు కోరింది

దయ వుంచి  నా అభిముఖంగా వచ్చి కూర్చో !

దైవానికి పసి పిల్లలకు ఇష్టపడే వారికి 

వెన్ను చూప కూడదని మా నాయనమ్మ చెప్పిందిలే. 

***********

ప్రక్షాళన కు కన్నీటికి 

మించినది ఏముంది? 

వెన్నల వర్షం మంచు కాంతి

కురుస్తూనే వున్నాయి పోటీపడుతూ

అయినా నువ్వు రావేం!?