The Butterfly of Dreams

 The Butterfly 🦋 of dreams…

(కలల సీతాకోకచిలుక -వనజ తాతినేని)

Translated by P. Simhadramma 

The Butterfly 🦋 of dreams…

It's over the tired eyelids, there landed the 🦋 butter fly of dreams

And how much it shook the heart that filled with inertia 

And how hard it bit and shook the thoughts that would never change  their go

The peaks that would never be scaled and the valleys whose routes are quite untaken 

The meadows and the secrets of night that the desert narrates 

The magical murmurs and the the facts that appear to be lies 

And what else it brought to me so intensely 

To how infinite number the secret notes that are tuned and the emotions that are sparked and the  cosmetic showers with the embedded soft consolings it stood   witnessing !!!

How imposible is it to either reclaim or share the moments  which   floated our beings in emotional flow !!!

The wings may be dropped off if they are spread 

And the butterfly of dreams flies away as the season has gone changed.

మూలం: కలల సీతాకోకచిలుక - వనజ తాతినేని. 

కలల సీతాకోకచిలుక

జాలితలచి అలసిన కనురెప్పలపై

నిశ్శబ్దంగా వాలింది కలల సీతాకోకచిలుక

జడత్వం నిండిన మనసును రూపం మార్చుకోని 

ఆలోచనలను  యెంతగా కుట్టి కుదిపిందనీ

 అధిరోహించలేని శిఖరాలను దారి తెలియని లోయలను

పచ్చని మైదానాలను యెడారి చెప్పే రాత్రి రహస్యాలను 

మరులు గొలిపే మర్మాలను భ్రాంతిగా తొలిచే సత్యాలను

యెన్నెన్ని పరిచయం చేసిందనీ

మీటబడిన రహస్యతంత్రులు చెలరేగిన అలజడులు

పన్నీటి గంధపు చిలకరింపులు  కలిగిన సాంత్వనలు యెన్నింటికి సాక్షీభూతంగా నిలిచిందనీ

మనః దేహాలను రసప్లావితం లో తేల్చిన 

అనుభవైకవేద్యమైన ఆ సంగతులను

పదిలపరుచుకోవడమో పంచుకోవడమో 

యెంత అసాధ్యమనీ

రెప్పలు విప్పితే  రెక్కలు విరుగుతాయనీ 

కలల సీతాకోకచిలుక బుుతువు మారిందని 

యెగిరి పోతుందనీ..

(చిత్రం సేకరణ )

ప్రకృతి పుస్తకం

 ప్రకృతి పుస్తకం -వనజ తాతినేని.

నా చుట్టూ నక్షత్రాలు అక్షరాల రూపంలో కాంతులు విరజిమ్ముతున్నాయి. 

మదిలో మెదిలే భావాలు అడవిపూల సౌంగంధాన్ని వెదజల్లుతున్నాయి. 

పుట తిరగేయని ఓ మొహమాటపు మర్యాద సిగ్గు పడుతూ మేఘాల మాటున జాబిలి లా తొంగి చూస్తుంది. 

నా చిన్నారి మనసు తుళ్ళి తుళ్ళీ పదాల వాన చినుకుల్లో సంబరంగా ఆడుకుంటుంది

వాన వెలిసాక ఇంద్రధనుస్సు లోని రంగుల్లన్నీ  పుస్తకాల సీతాకోకచిలుకలై  తోటలోఆడుకుంటున్నాయి.

ఓ తుంటరి సీతాకోక చిలుక నా ముఖంపై వాలింది. కాలమెందుకో స్థంభించిపోయింది.

మమేకమైతే ప్రకృతి ఓ పెద్ద పుస్తక భాండాగారం కదా!

విభిన్న ఆకర్షణ

 విభిన్నమైన ఆకర్షణ 

ముళ్ళ చెట్టు పండ్ల చెట్టు పూల చెట్టు అన్నీ పై పై స్వభావాల్ని ప్రదర్శిస్తాయి. భూమి లోపలంతా వేళ్ళు కలగలుపుకుని పెనవేసుకునే వుంటాయి. 

స్తీ తీగ లాంటిది పురుషుడు ఆధారం అంటారు కానీ.. 

తీగ తను పెనవేసుకున్న మానును ఎదగనివ్వదు. మాను తన కింద తీగను ఎదగనివ్వదు. పరస్పర శత్రువులు. ఒకరిపై వొకరు పై చేయి సాధించాలనే కాచుకుకూర్చుంటారు.

వానకారు కోయిల

వానకారు కోయిల వేకువఝామునే మేల్కొలిపింది. 

హృదయంలో మారణాయుధం ధరించి

పెదవులపై మధుర సంగీతం పలికించినట్లు.

బాధ కూడా ఒక మెలుకువే కనుక. 

నిన్నంతా.. 

ఏదో సాధించాలనే తాపత్రయం దహించి వేయవచ్చును  గాక

ఏదో కొంత సాధించాం లే.. 

అన్న సంతృప్తి తో ప్రశాంతత ను నిద్రలో వెదుక్కొంటాం గనుక 

కామితములు తగ్గుతాయా తగ్గించుకోవడానికి ప్రయత్నించామా

వ్యక్తీకరించడానికి ఇష్టపడని రహస్యనిధి 

ముఖపత్రం పై సంతకం చేయడానికి తిరస్కరించింది గనుక 

ఇంకనూ..

జనలోకంలో గౌరవంగా బతికివున్నాం గనుక

త్రి దుఃఖాలు మనిషి వేటాడుతుండగా

దుఃఖం లేని జీవితాన్ని ఆశించడం అత్యాశ

అని అంటుంది వానకారు కోయిల

ఆమోదం లేని ఆజ్ఞాపన అది.

వదిలేసాక

 

వదిలేయండి వదిలేయండి 

అంటారు. 

తీరా వొదిలేసాక.. 

పట్టించుకోలేదు కటిక మనసు 

అంటారు. 

ఎప్పుడెంత వొదిలేయాలో 

ఎప్పుడెంత పట్టించుకోవాలో 

వారు నిర్దేశిస్తారట

మనం పాటించాలట. 

మనం కన్నవాళ్ళే 

వాళ్ళకో తోడు దొరికాక.. 

గుండెల్లో గునపాలు దించుతారు

మనసును చిత్రవధ చేస్తారు

చేతిలో దిండు లాక్కుపోయినట్టు 

పిల్లలను లాక్కెళ్ళిపోతారు

వాళ్ళకు కావాల్సినవాళ్ళకు చేరిక చేసి

మనకు అవమానపు తొడుగువేసి

నవ్వుకుంటారు. 

మనం కూడా పిల్లలను అలాగే పెంచి

వారికి ధార పోసామని మర్చిపోతారు

హక్కులు భలే గుర్తుంటాయి 

ముఖాన కప్ కాఫీ పొయ్యకపోయినా.

ఇనుప అడ్డుగోడలు

కట్టుకున్నాక.. బంధాలను

పెంచుకొనుట తెంచుకొనుట

చాలా సులభం సౌఖ్యం కూడా! 

కోతిని రాణి ని చేసి సింహాసనమెక్కించి

కొండముచ్చులు భజన చేసినట్టు

వుంది రాజ్యం. 

సౌఖ్యాన్ని మరిచి సొద లెందుకు 

వ్యధలెందుకు నరుడా! 

నన్నంటుకోకు నామాలకాకి

అన్నట్టు ఏకాకివై మిగలిపో

కొడుకులను కన్నందుకు నీకిది శిక్ష

నావ ఏ తీరమో చేరకపోదుగా.. 

ఏదో ఒక తీరాన్ని వదిలేయక తప్పదుగా! 

-వనజ తాతినేని

03/05/2024.

చిధ్రమైన అనుబంధాలు

ఖలీల్ జిబ్రాన్ ఈ మధ్య  బాగా నచ్చుతున్నాడు. ఎందుకంటే.. 

భద్రమైన బంధాలు మాయమైపోతున్నందుకు.

ఒక తల్లి అంటుంది.. 

నా కొడుకుకి నేను మాటలే నేర్పాను కానీ 

వాడెందుకో ఈ మధ్య చిలకపలుకులు మాత్రమే పలుకుతున్నాడు.

 నాకెందుకో ఆశ్చర్యంగానైతే లేదు. కొంత ఊహించినదే!  

పుత్రుడే కానీ ఒకోసారి  పురుషుడి విశ్వరూపం చూపెడతాడు.

అమ్మనే కానీ అర్భకురాలిని కదా వణికిపోతాను లోపలా బయటా. 

మగవాడు భర్తగా మారగానే భార్య చేత 

హైజాక్ చేయబడతాడు. 

మొదట మాటలతో తర్వాత చూపులతో 

తర్వాత మెదిలే ఆలోచనతోనే   పూర్తిగా నియంత్రించబడతాడు. 

రహస్య తీర్మానాలన్నీ పడకటిల్లు వంటిల్లు మధ్య లిఖించబడతాయి.

వారు రావడం రావడంతోనే తల్లిదండ్రులు రక్త సంబంధీకుల 

 మధ్య ఓ అగాధాన్ని సృష్టించడానికి 

ఆయుధాలు సమకూర్చుకునే వుంటారు. 

పంపకాలు వాటాల లెక్కలు మనసులో గుణించుకునే వుంటారు. 

వంశపారంపర్యంగా వచ్చే ఆస్థులు బహుమానాలు అన్నీ ఆశిస్తూనే…

  వారి భర్తలు బిడ్డలు అత్తింటి వైపు వారికి అతుక్కపోతారేమోనని 

కంటికి కనబడని  అనేక ఆంక్షలు విధిస్తారు. 

మనుషులకి మనసులకు అంటరానితనం  అపాదించి చులాగ్గా నెట్టేస్తారు. 

బిడ్డలు తల్లిదండ్రుల ప్రేమను 

అమృతంలా జుర్రుకుని విషాన్ని  వెల్లగ్రక్కుతుంటారు. 

వారు బయటకు విసరక ముందే 

గౌరవంగా వదిలించుకోవడం శ్రేయస్కరం

ప్రేమ దాహం పట్టుకున్న తల్లిదండ్రుల ప్రేమలకు 

రిటైర్మెంట్  ఏజ్ వుంటే బాగుండును. 

ఆశ్రమ జీవనం బదులు వనవాసం శిక్ష వేసినా బాగుండును. 

అడవులైనా విస్తరిస్తాయి. అదిప్పుడు అత్యవసరం కూడా! 

రెక్కలొచ్చాక పక్షులు ఎగిరిపోయినట్టు 

లోహ విహంగాలనెక్కి పిల్లలు యెగిరిపోతున్నారు. 

దారం తెగిన గాలిపటాల్లా ఎక్కడెక్కడో 

చిక్కుకుని పోతారేమో అని భయపడతారు

 కానీ.. . 

ఎర వల రెండూ వున్న జాలరి చేతికి  

చేప చిక్కినట్టు ఆలస్యంగా గ్రహిస్తారు.

మంచి చెడు విచారించే పాణిగ్రహణం చేసి  

అప్పజెప్పామని మర్చిపోతారు.

కడకు నిర్లక్ష్యం చేయబడ్డ తల్లిదండ్రులు.. 

ఏ తీరం వొడ్డునో పడ్డ చేపల్లా గిలగిలలాడతారు. 

ఊపిరి వదిలాక కూడా అంతిమ సంస్కారానికి 

బిడ్డలొస్తారని మార్చురీలో  పడి ఎదురుచూస్తారు. 

నిజాలు అబద్ధాలు మధ్య ఖాళీ కొద్దిగానే  వుంటుంది. 

అది పూరించుకునే సమయానికి 

ఓ జ్ఞాపకంగా కూడా మిగిలివుండలేని తల్లిదండ్రులు 

గోడల మీద వేలాడటం అసహ్యమనిపించి

డేటా లో  పదిలంగా దాగుంటారు.

 అందుకే… ఖలీల్ జిబ్రాన్ ఈ మధ్య  బాగా నచ్చుతున్నాడు. 

బంధాలను తేలిగ్గా వొదిలించుకుంటే మనిషి 

మరింత సుఖపడతాడనే పాఠం కొత్తగా నేర్చుకుంటున్నాను. 

భద్రమైన బంధాలు భ్రమలు మాత్రమే

నేను మాత్రమే నిజం అని అనుకోవడమే మిగిలింది గనుక. 

28/04/2024 -వనజ తాతినేని.

Snow fall like flower shower

 In English Translation….  మంచు పూల వాన - వనజ తాతినేని.

Snow fall Like flower shower - - Vanaja Tatineni

 

I told a secret in the ear of a rose flower.

"That I love you". She nodded happily.

Always looking for me.

I haven't told you the secret that I like to hide and seek..

She waited for days without falling.

Again.. One day I said "Shall I tell you a secret"..

Approached or not..

Petals were falling silently and 

remained naked

*********

Far away.. “Look at this look at this”words are heard.

“Snow falls like rain and flower showers” ​​.

They are joyous celebrations. No more roses will bloom.

I know that the rose under the snow will wait a little longer in the form of petals. 

Love is an indestructible, undesired prospect.

*********End**********

మూలం:

మంచు పూల వాన - వనజ తాతినేని

 

గులాబీ పువ్వు చెవిలో రహస్యం చెప్పాను. 

“నిన్ను ప్రేమిస్తున్నాను అని”.  సంతోషంగా తలను ఊపింది. 

నిత్యం నాకై వెదుకులాడేది. 

దాగుడుమూతలాట నాకిష్టమనే రహస్యం నేను చెప్పలేదుగా.. 

రోజుల తరబడి  రాలిపోకుండా ఎదురుచూసింది. 

మళ్ళీ.. వొకనాడు “నీకొక రహస్యం చెప్పనా” అంటూ.. 

సమీపించానో లేదో.. 

నిశ్శబ్దంగా రేకలు రాల్పుతూ  వివస్త్ర అయింది.

దూరంగా.. “చూడు చూడు.. 

మంచు పూల వాన కురుస్తుంది’’ అనే  మాటలు. 

వారివి   ఆనందోత్సవ సంబరాలు.  ఇక పై ఏ గులాబీ విచ్చుకోదు . 

మంచు కింద   గులాబీ.. రేకల రూపంలో మరికొంత కాలం యెదురు చూస్తుందని నాకు తెలుసు. 

ప్రేమంటే నాశనం లేని ఏమి కోరుకోని యెదురుచూపు.

మంచు పూల వాన

మంచు పూల వాన 

 

గులాబీ పువ్వు చెవిలో రహస్యం చెప్పాను. 

“నిన్ను ప్రేమిస్తున్నాను అని”.  సంతోషంగా తలను ఊపింది. 

నిత్యం నాకై వెదుకులాడేది. 

దాగుడుమూతలాట నాకిష్టమనే రహస్యం నేను చెప్పలేదుగా.. 

రోజుల తరబడి  రాలిపోకుండా ఎదురుచూసింది. 

మళ్ళీ.. వొకనాడు “నీకొక రహస్యం చెప్పనా” అంటూ.. 

సమీపించానో లేదో.. 

నిశ్శబ్దంగా రేకలు రాల్పుతూ  వివస్త్ర అయింది.

దూరంగా.. “చూడు చూడు.. 

మంచు పూల వాన కురుస్తుంది’’ అనే  మాటలు. 

వారివి   ఆనందోత్సవ సంబరాలు.  ఇక పై ఏ గులాబీ విచ్చుకోదు . 

మంచు కింద   గులాబీ.. రేకల రూపంలో మరికొంత కాలం యెదురు చూస్తుందని నాకు తెలుసు. ప్రేమంటే నాశనం లేని ఏమి కోరుకోని యెదురుచూపు.

In English Translation….  మంచు పూల వాన - వనజ తాతినేని.

Snow fall Like Flower shower 

- Vanaja Tatineni

 

I told a secret in the ear of a rose flower.

"That I love you". She nodded happily.

Always looking for me.

I haven't told you the secret that I like to hide and seek..

She waited for days without falling.

Again.. One day he said "Shall I tell you a secret"..

Approached or not..

Petals were falling silently and 

remained naked

*********

Far away.. Look look words are heard.

  “Snow falls like rain and flower showers” ​​.

They are joyous celebrations. No more roses will bloom.

I know that the rose under the snow will wait a little longer in the form of petals. 

Love is an indestructible, undesired prospect.

*********End**********