14, మే 2013, మంగళవారం

ఓ.. మంచి కవిత

ఈ రోజు కవిసంగమం లో ఒక కవిత చదివాను . ఎంత బావుందో చెప్పలేను . స్త్రీలో ఉన్న ఉదాత్త కోణం ని చాలా బాగా చూపారు 
ఇలాంటి కవితలు చదవడం "కవి సంగమం " లో ఉండటం మూలంగానే సాధ్యం అయింది

కవిసంగమం తో పరిచయం లేని మిత్రులతో పంచుకోవాలని ఇక్కడ షేర్ చేస్తున్నాను .  మాతృక మళ యాల కవికి ఆగ్లానువాదం చేసిన వారికి అలాగే తెనుగు సేత కవి యాకూబ్ గారికి, ఈ కవితని షేర్ చేసిన కపిల రామ్  గారికి ధన్యవాదములు చెపుదాము 


 ||కవి యకూబ్ - వరద ||

''రెండున్నరకి పైసా తక్కువైనా కుదరదు ''
పైటని పచ్చికమీద పరిచి
వెల్లికిలా పడికుంది ఆమె!
' ఇక్కడ అమ్మకం పన్నేమీ లేదు '
అతగాడు ఊపిరి పీల్చుకున్నాడు.....
శరీరాన్ని విల్లులా వంచి
ప్రణయ పంచబాణాలు వదిలాడు.
ఇప్పుడిక వరద ముంచెత్తింది
సృష్టి యెప్పుడు శిరసెత్తుతుంది?
బహుశ: అది సృష్టించలేని శృంగారమేమొ?

అంతా అయిపోయి, లేచి వెళ్ళిపోనున్న
అతడి ముఖంలో పగుళ్ళువారిన దిగులు చూసి ఆమె....
'' ఈ యాభై పైసలు తీసుకోండి, బస్సుకు పనికొస్తాయి
యిప్పుడు నడవడం కష్టం!''
***
అతడు కాళ్ళీడ్చుకుంటూ యిల్లు చేరేసరికి
కళ్ళలో వత్తులు వేసుకుని
గుమ్మంలో యెదురుచూస్తోంది తల్లి!
_______________________________________________
మలయాళ మూలానికి ఆంగ్లానువాదం - అయ్యప్ప ఫణిక్కర్ -
తెనుగు సేత - మన కవి యాకూబ్ పేజి 64-65
(ప్రపంచ కవిత్వంతో ఒక సాయంత్రం - సంకలనం నుండి.)

3 కామెంట్‌లు:

Unknown చెప్పారు...

మీ పోస్ట్ చాలా బావుంది ,మంచి బ్లాగు , చాలా బావుంది ,

మీకు వీలుచూసుకొని మా బ్లాగును కూడా చూడండి ,

మీకు ధన్యవాదాలు ,

http://techwaves4u.blogspot.in/
తెలుగు లో టెక్నికల్ బ్లాగు

Sharma చెప్పారు...

అతనిలో లేని మానవత్వాన్ని ఆమె ప్రదర్శించటం చాలా బాగుంది . ఇది మగవాని ( బల ) హీనతే కదా !

అజ్ఞాత చెప్పారు...

Thanks for making us to read this.