8, మార్చి 2012, గురువారం

రూపకశ్రేణి

భూమికలో ..నేను..
అప్పుడెప్పుడో..భూమికలో నా కవిత.  బ్లాగ్ మొదలు పెట్టిన కొత్తల్లో ఈ పోస్ట్ వేసాను. అప్పుడు..నేను ఏ సంకలినిలోనూ అంతగా పరిచయం కాలేదు కాబట్టి ..మళ్ళీ ఒకసారి .. ఇక్కడ ..షేర్ చేసుకుంటూ..

"అంతర్జాతీయ మహిళా దినోత్సవ శుభా కాంక్షలు" 

రూపకశ్రేణి

మీ మెదళ్ళకి పట్టిన మురికిని
మేము  శుభ్రం చేయాలని కంకణం కట్టుకుంటే 
నోరు శుభ్రం చేసే కుంచె కదలికలకి
మా నడుము కదలికల్ని చూపించి 
వ్యాపారం చేస్తూనే ఉన్నారు

జుగప్స   కలిగించే చీకటి క్రీడల మాటున
మీ విశృంఖల మనస్తత్వాలతోను 
కలల వర్తకపు విపణి లోనూ  
ఆక్టోపస్ ల్లా రంగు మార్చుకుంటూనే ఉన్నారు..

అజ్ఞానపు అంధకారంతో
అహంకారపు అడుగుజాడలని 
తరగని సంపదలా, క్లోనింగ్ సంతతిలా
ఆవిష్కరిస్తూనే ఉన్నారు
అవి అన్ని కాంచి
అందుకే సలిపిన అలసిన
మా గుండెల మాటున 
బడబాగ్నులు ప్రజ్వరిల్లుతూనే ఉన్నాయి ..

మానవాళి మనుగడని
అతి నిశ్శబ్దంగా కబళించే
హెచ్ ఐ వి  లా అని తలపోస్తూ .. 
మా వంటిల్లు సామ్రాజ్యాలు మాచేజారతాయనో 
మీకు బదిలి చేద్దామనే ఆలోచన లేనేలేదు.

మా  సమానత్వపు ఆలోచనల
కాళ్ళు విరిగి కుంటినడక నడుస్తామోనన్న 
అనుమానం లేదు
మా మాతృత్వపు ఛాయలు  
అరువు తెచ్చుకుంటారనే భయం లేదు

మా వాదాలు భేదాలు
అనుభవరాహిత్యాలు 
అన్నీమీ అడుగు జాడలే కదా !

ఇప్పుడిప్పుడే  అన్నింట్లో కాకపోయినా
కొన్నిట్లో అయినా మిమ్మల్ని దాటేసినవాళ్ళం   
ఆఫీసు  వంటిల్లు,మాతృత్వం అన్నీ మీకేనా..!? 
అని మా అధిక సామర్ధ్యం చూసి
లోలోపల దుఖిస్తూ మాకేంలేవా ? 
మేము ద్వితీయ శ్రేణి నా !? 
అంటూ ఘోషించే మీ ప్రశ్నకి మేము సంసిద్ధం. 

4 కామెంట్‌లు:

రాజ్యలక్ష్మి.N చెప్పారు...

కవిత బాగుందండీ..
Happy Women's Day..

రాజ్యలక్ష్మి.N చెప్పారు...

Happy women's Day..

http://www.123greetings.com/events/womens_day/wishes/you_make_people_bloom.html

జ్యోతిర్మయి చెప్పారు...

భావేశాన్ని కవిత్వంలో చక్కగా వివరించారు. మహిళా దినోత్సవ సుభాకాంక్షల౦డీ..

సుభ/subha చెప్పారు...

Nice one andii..
Happy Women's Day also.