జీవితకథ

        జీవితకథ  -వనజ తాతినేని

నేను  పుట్టుకతోనే  జీవితమనే
పుస్తకాన్నిఆవిష్కరించాను
పీఠిక రాసే పని ఎలాగు విధాతదే   కదా!
ముందుమాట కాలానికి వదిలేశాను

ఇక అందులో మిగిలినవన్నీ శ్వేత పత్రాలే!

తల్లి-తండ్రీ, సహోదరీ సహోదరులు

బిడ్డలు అంతా వీళ్ళే .. వీళ్ళే లిఖించారు

ముఖచిత్రం మాత్రం మధ్యలో వచ్చిన

భర్త చేతిలోని  కుంచెలో ఒదిగిపోయింది
ముగింపులోనైనా నా చేతికి పనిబడుతుంది
మంచి-చెడులు, అన్ని  నిజాలు
వ్రాయాలనుకున్నాను.

నా జీవిత కథ నేను వ్రాయకుండానే
ముగిసిపోయింది.
వెనుక పేజీ అయినా
వాస్తవికత తో అచ్చవుతుందా !?

ముద్రణాధీశుడు నా గురించి
అతిశయంగా వ్రాసి అచ్చేసుకుని
లాభాల పంట పండించుకున్నాడు.
నిజం నోరు తెరిచేదెప్పుడు!?