తాపడం

తాపడం    -వనజ తాతినేని

కేవలం కోపం ద్వేషం మాత్రమే కాదు

అకారణంగా ఇతరుల ఈర్ష్య ద్వేషాలకు

గురైనప్పుడు మాత్రమే కాదు

ఎవరో అపరిచితులు ప్రకటించే

అభిమానం ఆరాధన ప్రేమ ఇష్టం

లాంటివి కూడా నన్ను  అస్థిరతకు గురిచేస్తాయి

అభద్రతాభావం లోకి నెట్టబడతాయి. 

అప్పటిదాకా అత్తిపత్తి లాగా  స్లీపింగ్ ట్రీ లా నత్తగుల్లలా

ముడుచుకుపోయే నేను కఠినశిలలా ఎడారిలో

పాతేసుకుని వున్న నేను నెమ్మదిగా నీవైపుకు

జరుగుతాను. ఎందుకంటే ప్రాణానికి ప్రాణం 

తాపడం చేసి వుంచాను కాబట్టి. 

మరణించక మునుపే నేను నీలో ఎప్పుడో

మరణించాను గనుక. నా భుజంపై చేరిన 

ధూళి రేణువులైనా, హృదయం పై ముచ్చటపడి వాలబోయే

సీతాకోకచిలుకనైనా నిర్ధాక్షిణ్యంగా దులిపి పారేస్తాను. 

పొడవైన ముళ్ళ కోటు తొడుక్కుంటాను. 

ద్రోహం నా ఇంటి పేరు కాదు కాబట్టి.

28 March 2026  022::22pm. 

©️Vanaja Tatineni