"ఎవరైనా చెప్పగలరా"

ఈ రోజు పోస్ట్ వ్రాసే మూడ్ లేదు కాని వ్రాయాలి. దీనికి కారణం ఉంది. కారణం లేకుండా వనజ వనమాలీ ఏ పని చేయదు. ఇంకొన్నాళ్ళు ఆగితే.. అప్పుడు కారణం చెపుతాను.ఈ లోపు ఎవరైనా భూతద్దం తో పరీక్షించి అసలు రహస్యాన్ని  కనుగొన్నా సరే.. సంతోషం . అది సగం బలం కూడా. 

 సరదాగా బ్లాగ్ మిత్రులకి ఓ..ప్రశ్నా పత్రం ఇచ్చి సమాధానం చెప్పమంటే.. ఎలా ఉంటుంది? ఎందుకు బాగుండదూ... ఇలాటి పోస్ట్ లే బాగా పండుతాయని నా అనుభవం చెపుతుంది. కాబట్టి.. ధైరే, సాహసే ..బ్లాగ్ టపా.. "ఎవరైనా చెప్పగలరా" ? అడిగానని అనుకోవద్దు చెప్పకుండా దాటేయోద్దు.. ఏమిటీ పోస్ట్ రహస్యం!? సరే ఈ పోస్ట్ లో 90 %వాస్తవం అనిపించే ఓ.. సిట్యుయేషన్ లో ఏం జరుగుతుందో .. చెపుతున్నాను. జో లిఖా జాతా హై వహీ పడా జాతా హై ..అని హిందీ లో నానుడి కానీ అందుకు భిన్నంగా నేను ఇక్కడ వ్రాయడం చేశాను. ఇక చూడండి నా పైత్యం. ..

  "జీవితంలో ప్రేమ దొరుకుతుంది అప్పుడప్పుడు
హృదయంలో నిండినవారికి ఇవ్వడం జరుగుతుంది అప్పుడప్పుడు

చూపుల ప్రశ్నలకు సిగ్గుపడుతూ మోము చాటు చేయొద్దు.
అదృష్టం అలాటి స్థితిలోకి తీసుకు వెళుతుంది అప్పుడప్పుడు
జీవితంలో ప్రేమ దొరుకుతుంది అప్పుడప్పుడు వసంతం గవాక్షం రోజు తెరుచుకోదు ఓ..ప్రియతమా ..
ప్రళయం వస్తుంటుంది అప్పుడప్పుడు
జీవితంలో ప్రేమ దొరుకుతుంది అప్పుడప్పుడు

యవ్వనపు దారిలో ఒంటరితనం ని దాటలేవు
మరొకరి అవసరం వస్తుంది అప్పుడప్పుడు
జీవితంలో ప్రేమ దొరుకుతుంది అప్పుడప్పుడు ఈ జన సందోహంలో కలసి పొతే ఎక్కడా మళ్ళీ ఎవరు దొరకరు
దగ్గర కావడానికి సమయం దొరుకుతుంది అప్పుడప్పుడు
హృదయంలో నిండినవారికి నాయకుడు అయ్యే అవకాశం దొరుకుతుంది అప్పుడప్పుడు
జీవితంలో ప్రేమ దొరుకుతుంది అప్పుడప్పుడు... " 

 పైన నేను చెప్పింది ఏమిటో ఎవరైనా చెప్పగలరా!? మైండ్ బ్లాంక్ చేసుకోవద్దు ..సరదాగా ట్రై చేయండి. లేకపోతే.. ఎవరైనా చెప్పగల్గితే.. మహదానందం. పైన కొటేషన్స్ లో వ్రాసిన వ్రాతలు నా వ్రాతలు మాత్రం కాదండి. ఏదో.. సరదా పడుతూ..ఇష్టమైన పని జేశాను..అంతే! అంతే!