హృదయం

హృదయం 

ఏ పుట్టలో ఏ పాము ఉందొ..ఎవరికి తెలుసు.
ఏ మట్టిలో ఏ మొలక తలఎత్తునో ఎవరికి తెలుసు.
ఏ పడతి మనసులో ఏముందో ఎవరికి తెలుసు
ఏ నడక ఏ గమ్యం వైపు సాగునో ఎవరికి తెలుసు

అయినా వెంటాడే చూపులు
వేటాడే మాటల కత్తులు
దూసి పోసి, విద్వేషం రంగు పులిమి
దాగిన నిజం కుత్తుక నులిమి..
తాము ఆశించిన జవాబు కై..
వడేసి హృదయాన్ని పిండితే..
విల విల లాడే గుండె
గాయం గేయమైన  చోట

ఎద బరువెంతో ఎడబాసిన హృదయానికే తెలుసు..

చేజారిన చెలిమి విలువ చెలియ మనసుకే తెలుసు..

పాశం విలువ రక్తసంబంధం కన్నా మరెవరికి తెలుసు..

మనసుకి మనసుతో తప్ప  సంకెళ్ళు వేయలేరని తెలుసు..