బి యాస్

ఒక తల్లి హృదయం నదీమతల్లిపై ఆగ్రహావేశం

బియాస్ 

నువ్వెంతటి మోసగత్తెవి....

దారిన పోయేవారిని 

రా రామ్మని ఆహ్వానించావు

నీ అందాలని తమతో బందీగా 

తీసుకు వెళ్ళాలనుకున్న పువ్వులని 

చిదిమేసి నీ గర్భాన దాచుకున్నావ్

ఎందరో తల్లులకి గర్భశోకం మిగిల్చిన

నిన్ను నదీమ తల్లిగా ఎలా కీర్తించం!

తెలుగుతోటంతా ధ్వంసమై

కన్నీరుమున్నీరవుతూంది

నువ్వెంత ప్రమోదమో....

అంతకంత ప్రమాదకారివని హెచ్చరిస్తూ....

మా దుఃఖరాశులన్నీ ఘనీభవించిపోయి

నీలా నడకలు సాగించమని

                                                      ఉద్భోదిస్తూ.... ఉన్నావా?  "బి యాస్"

ఈ నెల "భూమిక" లో నా కథ

మితృలకి నమస్కారం  అందరూ బావున్నారా ?

వ్రాయాలన్న ఉత్సాహం తగ్గిపోయింది , వ్రాయడమంటే  విముఖత కల్గింది  అలాంటి తరుణంలో  నాకు కొంత ఉత్సాహాన్ని పెంచుతూ .... నేను వ్రాసిన కథ "భూమిక" స్త్రీ వాద పత్రికలో ప్రచురితమైనది.
ఈ కథ అచ్చంగా స్త్రీ వాద కథే అనుకోకండి . స్త్రీల  శ్రమ శక్తి ని దోచుకుంటూ,  మనః శరీరాన్ని యదేచ్చగా వాడుకుంటూ ఆర్ధికంగా  కూడా  మోసగించి  పరారై పోయే పురుషుల కథకి  ఈ కథ ఒక తార్కాణం. అయితే అన్ని కాలాలు ఒకేలా ఉండవు . స్త్రీలకి చైతన్యం వస్తుంది  ఆ చైతన్యమే ఈ కథ ..

ఆ కథ ని చదివి మీ సూచనలు,సలహాలు అందించ మనవి .

ఆ కథ ని ఈ లింక్ లో చూడవచ్చు

మధుర భక్తి

"నేను" అన్న అహం నశించి నేనొక వెదురు బొంగునయ్యాను......
వనమాలీ... నీ పెదవుల వేణువునయ్యాను
అందరూ నేను పాడుతున్నాననుకుంటున్నారు కానీ నేనొక వాహికని మాత్రమే!
మురళీ మోహనా ! నా నుండి నీ మధురగానం సాగుతూ  ఎల్లెడలా దైవత్వం నిండుకుంటుంది నీ ఉనికిని చాటుతూ ....
                    ఓషో కథలు స్పూర్తితో ..