వజ్రాల వైరం

 వజ్రాల వైరం    

నువ్వు తూర్పు గాలివైతే 

నేను పడమటి మబ్బుని  

నువ్వు నమ్మిన నిజం 

నాకు అబద్ధం అవుతుంది  

ఒకే గదిలో ఉన్నా మధ్య ఎడారి దూరం  

మాటలు మంచులా కురిసినా 

తడవని నేల మనం  

నువ్వు పుస్తకం చదివితే 

నేను పాట వింటాను. 

ఒకే పాటను నువ్వు విషాదం అంటావు,

నేను వేదాంతం అంటాను

నువ్వు నేలవైతే నేను నింగిని  

ఒకే ప్రపంచంలో ఉన్నా  

ఎప్పటికీ తాకలేం.  

నువ్వు కట్టిన కలల ఇంటికి  

నా ఊహలు గుమ్మాలు కావు

ఇద్దరం రెండు వజ్రాలం  

రెండూ విలువైనవే, మెరిసేవే  

కానీ పొదగగలం, అతికించలేం.  

పక్కపక్కన పెడితే  

ఒకదాని కాంతి 

ఇంకోదానికి నీడ అవుతుంది.  

రాపిడిలో మెరుపు కాదు

నిప్పు రవ్వలే రాలతాయి.  

మరి.. రెండు గుండెలు!? 

కొన్ని స్నేహాలు బంధాలు 

కలిసి వుండటానికి కాదు 

విడిపోవడానికి కలుస్తాయి 

గాలిలో దీపాల్లా కొట్టుకుంటాయి 

ఆరిపోతాయి

23 June 2026   10:40 am