ప్రేమిస్తూనే వుంటాను..
గోడలెన్ని కట్టుకున్నా
వరుస కంచెలు నిర్మించుకున్నా
పరిమితులు నిర్ణయించినా
షరతులు విధించినా
ఇప్పుడూ యెప్పుడూ యెల్లప్పుడూ
నేను నిన్ను ప్రేమిస్తూనే వుంటాను.
నువ్వు ద్వేషించినా అసహ్యించుకున్నా
ఆ ద్వేషాన్ని అసహ్యాన్ని కూడా
ప్రేమిస్తూనే వుంటాను.
మరణశిక్ష వేసినా దయతలచావని
కరుణించావని మరింత ప్రేమిస్తాను.
హృదయానికి హృదయం యేమిటి
దేహాత్మలను సైతం అర్పణమిస్తాను
కాలి బూడిదై కూడా నీ పాదాలను
సృశించి గాలిలో కలిసిపోతాను.
ప్రేమను ప్రేమిస్తూనే వుంటాను.
- వనజ తాతినేని
కామెంట్లు లేవు:
కామెంట్ను పోస్ట్ చేయండి