మంత్రముగ్ధురాలినై..

 ఈ రోజు చిన్న కవిత చదివాను. అనేక కోణాలు వున్నాయి .. ఆ కవితలో.. 

Spellbound

The night is darkening round me, 

The wild winds coldly blow;

But a tyrant spell has bound me 

And I cannot, cannot go.

The giant trees are bending

Their bare boughs weighed with snow 

And the storm is fast descending,

And yet I cannot go.

Clouds beyond clouds above me,

Wastes beyond wastes below;

But nothing drear can move me;

I will not, cannot go.

Emily Bronte,

మంత్రముగ్ధురాలినై.. 

నా చుట్టూ  చీకటి చిక్కనవౌతుంది., 

భయంకరమైన గాలులు వణికిస్తున్నాయి 

కానీ ఒక క్రూరమైన మాయ నన్ను బంధించింది, 

నేను వెళ్ళలేను, వెళ్ళలేకపోతున్నాను..

భారీ వృక్షాలు వంగిపోతున్నాయి

వాటి బోసి కొమ్మలు మంచుతో బరువెక్కి ఉన్నాయి, 

తుఫాను వేగంగా ముంచుకొస్తోంది, అయినా నేను వెళ్ళలేను.

నా పైన మేఘాల సమూహం, 

నా కింద వ్యర్థాలకు మించి వ్యర్థాలు;

కానీ ఈ నిరుత్సాహకరమైనదేదీ నన్ను కదిలించలేదు;

నేను వెళ్ళను, వెళ్ళలేను.

(ఎమిలీ బ్రాంటే కవితకు స్వేచ్ఛానువాదం)

తన చుట్టూ చీకటి తుఫాను ముంచుకొస్తున్నా భీకరమైన చలిగాలులకు వణికిపోతున్న కూడా 

మంత్రముగ్ధురాలినై అక్కడి నుండి వెళ్ళలేక పోతున్నాను,వెళ్ళను కూడా అని కవయిత్రి తన కవితలో చెప్పింది అంటే “భయద సౌందర్యం “ వీక్షణం ఆమెకు ఆనందం కలిగిస్తుంది. లేదా అంతకన్నా భయంకరమైన పరిస్థితి ఆమెకు ఇంట్లో వుండి వుండవచ్చు, లేదా అక్కడ నుండి బయటకు వచ్చే మార్గం  కనబడకపోవడం కూడా కావచ్చు. ఇలా ఈ చిన్ని కవితను ఇలా అర్థం చేసుకోవచ్చు. అలాగే కొంతమంది భయంకర పరిస్థితుల్లో జీవించడంలో కూడా ఆనందం వెదుక్కుంటూ వుంటారు కావచ్చు అనడానికి ఈ కవిత ఒక ఉదాహరణ. 

(నా కింద వ్యర్థాలకు మించి వ్యర్థాలు బదులు ఎడారులకు మించి ఎడారులు అని కూడా అనుకోవచ్చు) 

కవిత్వం చదవడం వల్ల పాఠకులకు కొత్త చూపు వస్తుంది. నాకు చదవడం విశ్లేషణ చేసుకోవడం ఇష్టం. ఎమిలీ బ్రాంటే వ్యక్తిగత జీవితం గురించి తెలియదు.. ఒక రచనలో అనేక పార్శ్వాలు ఉంటాయి కదా! అలా ముందుకు వెళ్ళాను. ధన్యవాదాలు 🙏