నా నీకు

 

ఆంక్షలు యెరుగని ప్రేమ

నువ్వెందుకు నా నుండి దూరంగా పారిపోయి 

మొక్కలకు జంతువులకు ప్రేమను ధార పోస్తావు

ఆ పాటి ప్రేమకు నోచుకోలేదా నేను? 

అవునులే, ఒప్పందాన్ని గౌరవించని నువ్వు

నా ప్రేమకు  మాత్రం యెందుకు పట్టాభిషేకం చేస్తావు

ఆంక్షలు యెరుగని  ప్రేమ నీది

***********

గుదిబండలు

ఒకోసారి ఒప్పందాలు గుదిబండలు

ఆ ఒప్పంద పత్రాలపై సంతకాన్ని కన్నీటితో తుడిపేస్తాను

వెనక్కి వచ్చేయ్ ప్రియా! 

కాగితాలపై  ప్రేమ లిఖించి వుండదని నీకూ తెలుసు

అయినా బెట్టు పోతావు

నాకు తెలుసులే! 

నా రాతల్లో శాశ్వతంగా నిలిచిపోవాలని నీ పన్నాగం.

*********

తుఫానులో నావ

నేను యోగి గా నైనా మారకపోతిని

పిచ్చివాడిని  అయినా కాలేక పోతిని

నీ స్మరణలో  చిక్కి శల్యం కాకుండా.

తుఫానులో చిక్కుకున్న నావను నేను