మమేకం

 అబద్దాలను బాగా నమ్మించగలను అని విశ్వాసం నాకు; 

వీలైనంత గొప్పగా నటించాను, కానీ ఏం లాభం!? 

ఒక్క చూపుతో అబద్ధాల కోట గోడలు 

కూల్చేసావు నువ్వు

అబద్దం తన సమాధిని తానే వెదుక్కుంది.  

**********

ఈ రాత్రి వొంటరిది 

నువ్వు రావు మృత్యువూ రాదు

నా ఆత్మ ఇళయరాజా సంగీత సరస్సులో 

మునిగి తేలుతుంది.

బాధ తోనా ఆనందం తోనా!?

ప్రేమ విషం పుచ్చుకోరాదు యెవ్వరూ.

************

చిగురించని వృక్షం  

కొన్ని జన్మలకు వాస్తవంలో కన్నా ఊహల్లోనే యెక్కువ ఆనందం

నా ఊహలకు ఆలంబన నువ్వు.

నీ ఊహలక్కూడా ఆలంబన యెవరో

అయివుంటారులే! 

ఆ సంగతి నాకు చెప్పకు. నేను కాక మరెవరో అయితే 

మొదలంటా నరికిన వృక్షంలా కూలిపోతాను. 

మళ్ళీ మరోమారు చిగురించలేను కూడా!